بالدليل المادى البنت احسن من الولد

بعد التدقيق والتدوير والتنقيب

اثبتت التحريات ان البنت احسن من الولد والاسباب :

- تتكلم براحتها في التليفون وابوها او جوزها اللي هيدفع الفاتوره

- البنت مش ملزمه تجهز نفسها ابوها او خطيبها اللي هيدفعو دم قلبهم

- مفيش حد بيبص علي بدله العريس كله بيركز في فستان العروسه

- لو واحده عملت مخالفه مرور تعيط شويه للظابط وهو يعديها لو راجل هياخد علي دماغه

- البنت مش ملزمه تدفع ضرايب ابوها او جوزها بيدفعوها

- لو واحده مدتش لقرايبها عديه مفيش حد هيتكلم ولا يقول ياه دا راجل تبت وبخيل

- لو واحده متاخره علي المحاضره ممكن الدكاتره يدخلوها لو ولد يقولوله روح يا بابا كمل بره في الشمس

- لو حصل زعل بين البنت وباباها مش هيطردها بره البيت بس هي يدوب دتخل
الاوده وتعيط شويه وبابا يروح يصالحها أما الولد فيدوب يلحق مكان ينام فيه
جنب البواب

دلع البنات :

ياختي قميله ) سنتين)

يا عسوله (5 سنين)

يا عروسه (12سنه)

يا قمر (18سنه)

يا هانم (40سنه)

يا ست الكل (50سنه)

يا أم العيال (60سنه)

دلع الأولاد:

انت ياد (10 سنين)

انت يا شحط انت بقيت طول الباب اهوه (18 سنه)

يا راجل (40 سنه)

يا عم الحج (50 سنه)

يا راجل يا عجوز منخيرك اد الكوز (60سنه)

البنت بتحمل 9شهور محدش يقدر يتحملهم من الرجاله
بتولد وطلقات الولاده اشد من الطلقات الناريه
بترضع سنتين

بتكنس
بتغسل
بتطبخ
بتربي
ممكن تتنازل عن ميراثها لجوزها ، لأخوها ، لإبنها
الصالحات منهن خير متاع الدنيا وحسناتها
هن امهاتنا وبناتنا واخواتنا

(الرجال قوامون على النساء بما فضل الله بعضهم على بعض وبما أنفقوا من أموالهم فالصالحات قانتات حافظات للغيب بما حفظ الله)
(ولهنّ مثل الذي عليهنّ بالمعروف وللرجال عليهنّ درجة)

الدرجه دي لأن الراجل بيشقى وبيكافح وبيتعب وبيصرف
جزاكم الله خيرا يا محمد

انت يا اسلام بتحسسنى ان انت عايش فى عالم تانى غير العالم اللى احنا عايشين فيه عالم مثالى جدا كل حاجه فيه ماشيه مظبوط
يا اسلام العالم اللى انت عايشه ده فى خيالك
انت بتحسسنى ان انت مثالى زياده عن اللزوم بجد اناااحاسس ان انت متقمص دور المصلح الاجتماعى
اقولك حاجه بس بالله عليك ماتخدهاش بزعل علشان انت عارف انت انت حبيبى وانا بحترمك اوى
انا لما بقرأ الدود بتاعتك بفتكر مسلسلات الهام شاهين بتاعت رمضان دايما بتطلع فيها سوبر ومان عايزه تصلح كل حاجه وبتطلع مثاليه زياده عن اللزوم طبعا انا مش بشبهك بيها لاسمح الله لا انا بس حاسس انه نفس الدور
وتقبل خالص الشكر

ههههههههههههه الهام شاهين !! الله يسامحك بس مين قالك اني مثالي او مصلح اجتماعي . عارف الكلام بتاعي ف الردود بتاعتي انت شايف فيه شئ من المثاليه ويمكن يكون كده فعلا بس للاسف انا مش كده خااااااااااالص لأني مفيش فيا شئ من المثاليه بس انا بتعمد اكتب الكلام ده علشان اقيد نفسي بيه واحاول يكون فعلي زي كلامي غصب عني من منطلق ان الكلمه لما بتتقال او تتكتب بتقيدك ومتعرفش ترجعها تاني فإما تعمل بكلامك وتبقى كسبت او متعملش بيه وتكون منافق وكذاب و..و.. فده الهدف والله من الكلام بتاعي اني افيد نفسي قبل غيري يعني م الاخر بحاول اغير نفسي من خلال كلامي
ومعلش لو كانت ردودي بتضايقك هكتفي بعد كده بــ (مشكور-هايل- جزاكم الله خيرا) وياسيدي لو مش عاوزني ارد على مواضيعك خالص اوك ولومعدتش عاوزني ارد على اي موضوع خالص برده اوك ولو مش عاوزني ادخل المنتدى تاني انا تحت امرك
سلااااااااااااااااام

شفت بئى يا اسلام انت زعلت ازاى وبعدين يا اسلام مش هاتصدقنى لو قولتلك انى بقتخر جدا بأى موضوع من موضوعاتى انت بترد عليه انا عارف ان هدف الصالح العام انا بس حبيت اقولك وجهه نظرى اللى انا عارف انها ملهاش اى لازمه وبعدين هو مين انا اصلا علشان اقولك ماتدخلش المنتدى وماتردش على المواضيع ايه يا عم اسلام انت خدت الموضوع بحساسيه كده ليه مش انا قولتلك بالله عليك ماتزعلش وبعدين انا قولتلك انا مش بشبهك بالهام شاهين انا قولت ان ردودك زى ادوارها
وبعدين يا عم اسلام لو رأيى بيزعل حد منى انا خلاص مش هاقول لاى حد رأيي فيه تانيه انا اعتبرت ان احنا اخوات وان انت هاتتقبل وجهه نظرى بس يمكن انا اتسرعت شويه على العموم انا اسف اسف اسف اسف اسف جدا يا اسلام يا ريت تتقبل اعتذارى

يا ابني اسف على ايه هو انت قلت حاجه غلط انا مش شايف اي داعي اصلا لده كله والله الموضوع مش مستاهل يا محمد وبعدين انا والله العظيم ما زعلت طيب ايه الدليل اني زعلت علشان بقولك لو مش عاوزني ارد لا والله دا انا بقولها بسلامة نية وربنا اللي اعلم ....................هو انا انتقض الناس زي ما انا عاوز ولما حد يقولي كلمة ازعل منها؟؟؟ لا والله يا محمد فهمتني غلط
لاخير فيكم ان لم تقولوها ولا خير فينا ان لم نتقبلها

معلش يا اسلام هوا كلامك صحيح يعني مش غلط طبعا
و كلنا عارفينه
بس احنا بنستبسط الامور شويه و الموضوع بغرض ضحك و مقارنه بسيطه يعني فكاهيه للي بيحص3ل علي قدر اعتقادي

يعني بالتاكيد الرجل ليه دوره و البنت ليها دورها
ف الحياه
بس احنا بنتكلم عن اللي بيحصل و بناخده بروح دعابه و تسليه
لو دخلنا المنطق في كل حاجه هنتعب
لانه احنا مش متعودين ع كده

وانا معترض

**صمت السكون** كتب:

معلش يا اسلام هوا كلامك صحيح يعني مش غلط طبعا
و كلنا عارفينه
بس احنا بنستبسط الامور شويه و الموضوع بغرض ضحك و مقارنه بسيطه يعني فكاهيه للي بيحص3ل علي قدر اعتقادي

يعني بالتاكيد الرجل ليه دوره و البنت ليها دورها
ف الحياه
بس احنا بنتكلم عن اللي بيحصل و بناخده بروح دعابه و تسليه
لو دخلنا المنطق في كل حاجه هنتعب
لانه احنا مش متعودين ع كده

انا متفق تماما مع صمت السكون واعتقد ان هوه ده اللى كنت عايز اوصلهولك يا اسلام ان احنا بناخدالموضوع بروح الدعابه بس انت دايما بتاخده بشكل تانى خالص
اما طلحا احب ارحب بيك الاول ووحشتنا ردودك والله العظيم
بس انت معترض على ايه ياريت توضح

حصل خير ...حصل خير
موضوع لايت الغرض منه
التنفيس عن النفس شويه
عشان نخرج من ضغط الامتحانات وزنقة الشفوى وتعب الاعصاب وذل الكاترة
والله المستعان؟.؟؟؟؟؟؟؟؟؟

عيش وخلى الشعب يعيش

اشطه عليك يا جامح

» البنت ام الولد
» هل تقيم البنت من ملابسها ؟