ملتقي طلبة كلية الطب البيطري * جامعة المنصورة

ملتقي طلبة كلية الطب البيطري * جامعة المنصورة


 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 نؤيد سيادتك

اذهب الى الأسفل 
كاتب الموضوعرسالة
نور الايمان
فيتاوي مبتدئ
فيتاوي مبتدئ
avatar

العمر : 29
العمل/الترفيه : مش عارفه لسه هشتغل ايه
المزاج : الحمد لله
الكلية : الطب البيطري
الفرقة : الرابعه
السكشن : سكشن المعذبون ف الكليه
تاريخ التسجيل : 29/04/2009

مُساهمةموضوع: نؤيد سيادتك   14/6/2009, 5:05 pm

اخر قصائد احمد فؤاد نجم في الرئيس مبارك
نؤيد سيادتك


نؤيد سيادتك لفترة جديدة
نكمل خلالها المسيرة السعيدة
و بالمرة فيها نبيع الحديدة
مفيش حاجة تانية نبيعها خلاص
*****
نؤيد سيادتك لأجل المزيد
من اللي تحقق بفضلك أكيد
بقينا خلاص ع الحميد المجيد
و ربك لوحده ف ايده الخلاص
*****
نبايع سيادته ولا حد غيره
كفايا علينا نبرطع في خيره
و نوم شعب مصر العظيمة و شخيره
يقول للحرامي ما تسرق كمان
*****
نبايع سيادته وابنه وحفيده
مفيش زي فكره قديمه و جديده
خرابك يا مالطة حيحصل بايده
ومين فيكي يعني بيسمع آذان
*****
نبوس ايد سيادتك و رجلك كمان
تخليك معانا يا ريس عشان
وجودك ضرورة فرضها الزمان
و من غير وجودك حقيقي نضيع
*****
دي مصر بتاعتك و احنا ضيوفك
كفايا علينا يا ريس نشوفك
و عاذرين سيادتك و فاهمين ظروفك
عليك بس تؤمر و احنا نطيع
*****
في جزمة سيادتك كلابك يبوسوا
و فوق الغلابة بجزمهم يدوسوا
و شعبك ليلاتي يا ريس غموسه
مذلة و مهانة و حوجة و مر
*****
لكن يعني ما دمنا شعب انتساب
و دايما وأبدا ف حالة غياب
متعملش لينا يا ريس حساب
دي عزبة سيادتك و فيها انت حر
*****
و دستور مدستورش مش فارقة خالص
كلام فاضي كله يا فندم بناقص
كفايا علينا الفساد اللي ماصص
عرقنا و معشش و ضارب جذوره
*****
و ايه يعني تهري جتتنا البلاوي
يوماتي كوارث فضايح رشاوي
كفايا علينا القعاد في القهاوي
بنستنى لما الوريث ييجي دوره
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
dr_moslim
فيتاوي مؤثر
فيتاوي مؤثر
avatar

العمر : 29
المزاج : بخير حال والحمد لله
الكلية : الطب البيطري
الفرقة : الرابعة
السكشن : واحد
تاريخ التسجيل : 26/02/2009

مُساهمةموضوع: رد: نؤيد سيادتك   21/6/2009, 10:06 pm

هي دكتوره سمكه سجنتك علشان القصيده دي ولا ايه؟؟؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الطبيب الفيلسوف
فيتاوي عادي
فيتاوي عادي
avatar

العمر : 29
المزاج : الحمد لله تمام
الكلية : الطــب
الفرقة : تكة وتبقى رابعة ان شاء الله
السكشن : تقريبا 2 لان حضرت سكشن واحد السنة دى
تاريخ التسجيل : 19/06/2009

مُساهمةموضوع: رد: نؤيد سيادتك   21/6/2009, 11:28 pm

سلام عليكم
أولا لو هنتكلم على أشعار نجم أفندى كسجع وازدواج وشوية نكت يبقي 100 ميه و اخر تسالى
أما لو هنتكلم كفكر وهدف من ورا الكلام دة هتلاقى كلام فارغ .. الاستاذ نجم نقد عبدالناصر والسادات ودلوقتى مبارك .. مفيش حد فوق النقد انما هل كلهم وحشين .. يا جماعة دة بيتاجر بشوية كلام فاضى بالظبط زى هيكل .. انما فعلا فى ناس بتقيم الأوضاع بشكل مثالى ...
فعلا فى سلبيات انما فى ايجابيات وبلاش نظرة تشاؤم أنا ضد التوريث ولو حصل أنا أول واحد أزعل وأقول فضيحة .. إنما أنا كمان ضد الاستسلام بشوية قلة ادب من قبل ناس زى فؤاد نجم اللى نقد العملاق الراحل أنور السادات رحمه الله لسه منتظريين منه أيه بعد كدة وياريته نقد دى قلة أدب بمعنى الكلمة واللى يقرأباقى أشعاره يعرف أنا بقول كدة ليه ..
اللى مصر محتاجاه الإيجابية ..بس بس بس بس بس بس
يعنى كل واحد يعمل اللى عليه مش أكتر .. مش كل واحد يعلق فشله ع الدولة ويقول هى الللى عملت وسوت
وشكرا دكتورة نور الإيمان على الطرح وفتح الموضوع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
dr_moslim
فيتاوي مؤثر
فيتاوي مؤثر
avatar

العمر : 29
المزاج : بخير حال والحمد لله
الكلية : الطب البيطري
الفرقة : الرابعة
السكشن : واحد
تاريخ التسجيل : 26/02/2009

مُساهمةموضوع: رد: نؤيد سيادتك   22/6/2009, 11:14 am

انا معاك يا دكتور في اننا محتاجين الايجابية ومعظم كلامك مظبوط مع تحفظي على عملقة السادات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الطبيب الفيلسوف
فيتاوي عادي
فيتاوي عادي
avatar

العمر : 29
المزاج : الحمد لله تمام
الكلية : الطــب
الفرقة : تكة وتبقى رابعة ان شاء الله
السكشن : تقريبا 2 لان حضرت سكشن واحد السنة دى
تاريخ التسجيل : 19/06/2009

مُساهمةموضوع: رد: نؤيد سيادتك   22/6/2009, 12:42 pm

شكرا دكتور مسلم
السادات أعظم من أنجبت مصر شئنا أم أبينا ... وياريت اللى عنده نقد محدد للسادات يكتبه واحد اتنين تلاته و أنا ان شاء الله أرد عليه
.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سمسمة
فيتاوي جديد
فيتاوي جديد


العمر : 27
الكلية : طب بيطري
الفرقة : الاولي
السكشن : 4
تاريخ التسجيل : 20/05/2009

مُساهمةموضوع: رد: نؤيد سيادتك   22/6/2009, 12:56 pm

بجد كلام يضايق جدا
واما مش معاك خاااااااااااااااااااااااااااالص
علي طول بسمع انتقادات للريس
وبتكون كلها ساخرة ومملله
ومافيش حد بيفكر فيها
ليه مش عارفة
يادكتور الله عزوجل قاله في كتابه العزيز لايغير الله مابقوم حتى يغيروا ما بانفسهم
وكمان
انت فرد في اسرتك لووالدك اخد قرار
وانت مش عارف ايه القصد من القرار دا بتبقي ساخط
وخد بالك
نظرة رب البيت تختلف عن نظرة افراد البيت
ودا مسئول عن اكتر من 70 مليون شخص
والشرع نهانا عن الخروج عن الحاكم
ولو وحش انت غيره بس مش بنقد ساخر
وبلاش نبقي قطيع اكتر من كدا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الطبيب الفيلسوف
فيتاوي عادي
فيتاوي عادي
avatar

العمر : 29
المزاج : الحمد لله تمام
الكلية : الطــب
الفرقة : تكة وتبقى رابعة ان شاء الله
السكشن : تقريبا 2 لان حضرت سكشن واحد السنة دى
تاريخ التسجيل : 19/06/2009

مُساهمةموضوع: رد: نؤيد سيادتك   22/6/2009, 1:07 pm

مش فاهم الكلام اللى حضرتك بتقوليه
هو أنا قلت حاجة من الكلام اللى انتى قولتيه دة؟؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
shams el 3'd
فيتاوي فعال
فيتاوي فعال
avatar

العمر : 27
العمل/الترفيه : طبيبة بيطرية وأفتخر
المزاج : كله ع الله
الكلية : طب الانسانية
الفرقة : التالتة
السكشن : ان شاء الله 7
تاريخ التسجيل : 22/02/2009

مُساهمةموضوع: رد: نؤيد سيادتك   22/6/2009, 1:45 pm

بيعجبنى دايما فى شعر أحمد فؤاد نجم صراحته ووضوحه فى عرض المشاكل اللى فعلا بنواجهها فى بلدنا وبيعرف ازاى فعلا يوظف اللفظ
واننا نحدد المشكلة دة بأعتبره فى حد ذاته حل ليها لأن الدواء يكون دائما بتحديد ومعرفة الداء
جزاكى الله خيرا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
dr_moslim
فيتاوي مؤثر
فيتاوي مؤثر
avatar

العمر : 29
المزاج : بخير حال والحمد لله
الكلية : الطب البيطري
الفرقة : الرابعة
السكشن : واحد
تاريخ التسجيل : 26/02/2009

مُساهمةموضوع: رد: نؤيد سيادتك   22/6/2009, 2:41 pm

بالنسبة للطبيب الفيلسوف انا عندي فعلا كلام كتير بس انا شايف انه ملوش لازمه اننا نتجادل ومش بعيد نتخاصم في موضوع انا شايف من وجهة نظري المتواضعه انه لن يجدي نفعا ايا كان السادات وحش او حلو هو خلاص راح وايامه منها اللي راح معاه ومنها اللي لسه مأثر فينا لحد دلوقتي ع العموم مش مهم خلينا في اللي احنا فيه



بالنسبه بقه للدكتورة سمسمة فانا برده مش عارف هي بتقول الكلام ده لـ د/نور ولا لـ الطبيب الفيلسوف ولا ليا ولا لمين بالظبط
وبعدين مين اللي جاب سيرة الخروج على الحاكم وبعدين مسئولية ايه اللي بتتكلمي عنها يا دكتوره اللي اعرفه ان اللي يكون مسئول يكون قد المسئوليه الا يسيبها والبلد بقالها 30سنه في عهد سيادته وكل سنة المشاكل والديون والامراض اللي اتوطنت والاسعار كل الحاجات دي وغيرها بتزيد هو انتي بتضحكي على نفسك ولا علينا يا دكتوره ولا جايز حضرتك اللي بتنعمي بالرخاء والتقدم واحنا اللي لسه موصلناش الكلام ده هو في ايه بالظبط
اي نعم ربنا قال(ان الله لا يغير ما بقوم حتى يغيروا ما بانفسهم)مش معنى كده اننا برده نفضل ساكتين عن الحق وكمان مش هنستنى ونقول لما نغير نفسنا الاول لالالالا مش كده خالص التغيير مع العمل في وقت واحد لو قعدنا نستنا اننا نغير نفسنا مش هنتغير ومش بعيد نموت واحنا حتيى لا طولنا دنيا ولا اخره دا كده اسمه تواكل
عاوزين نغير بقه زهقنا دا التغير سنه من سنن الكون يا جماعه دا الليل والنهار بيتغيروا
انا اسف على الحده في الكلام يا دكتوره بس الكلام بتاع حضرتك فعلا ميرضيش حد الا اذا كنت انا الوحيد اللي بشتكى
اسف مره تانيه وتقبلي خالص احترامي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
نؤيد سيادتك
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ملتقي طلبة كلية الطب البيطري * جامعة المنصورة :: القسم الثقافى والسياسى والحوار بين الاعضاء :: الملتقى الادبى-
انتقل الى: