طبعا طول ما الواحدة قاعدة فى البيت ومش لاقية حاجة بتتصرف تصرفات غلط
مش غلط قوى يعنى متفهمونيش غلط
اقصد بعض التصرفات اللى بالاستمرار بتنقلب لعادات يصعب التخلص منها على الرغم من انها بتكون عادات مضرة
مثلا
العض على الشفاة
ودى حاجة مضرة جدا للشفايف لأن الشفايف بطبيعتها رقيقة وجلدها مش بيستحمل العضعضة عليها باطراف الاسنان ده بيخلى الشفايف جافة ومعرضة دايما للتشقق وبعد فترة من العادة دى بتفقد شكلها المتجانس اللى ربنا خلقها عليه وتصبح خشنة وغير منتظمة ودى بتكون نتيجة لاحد مظاهر التوتر والقلق اللى بتمر بيها اى واحدة
يعنى من الاخر كدة سيبى شفايفك فى حالها مفيش حاجة تستاهل
العبث بالبثور
ودى حاجة منتشرة قوى اى واحدة تلاقى نفسها فاضية شوية تمسك المرايا وتعمل نفسها دكتورة تجميل بس فى الواقع هيا بكدة بتضر بنفسها لان البثور لو اتسابت بطبيعتها كدة بتروح بعد 8 ايام اما لو لعبتى فيها فبيتضاعف الوقت اللى بتقعده وبتسيب اثار سلبية ذى الندب والبقع وممكن دمامل
طب وليه يعنى ما تتحكمى فى ايدك شوية هيجرى ايه
قضم الأظافر
دى بقة مش محتاجة كلام وكلنا عارفين انها عادة مليون فى المية غلط ومع ذلك معظمنا بيعملها ودى طبعا بتشوه جمال الاظافر الربانى وكمان بتخلى الاظافر لما تنمو بيكون بشكل غير سليم وبتخليها معرضة بنسبة كبيرة للتقصف المستمر
فاحسنلك تسيبى ظوافرك فى حالها ايه انتى لسة صغيرة
تمشيط الشعر وهو مبتل
ودى عادة يمكن البعض مش ياخد باله منها لان الشعر وهو مبلول بيكون هش وشديد الحساسية وعديم المقاومة يسهل تقصفه وبالتالى بتكونى قضيتى على شعرك يا قمر بسهولة كل اللى عليكى تسيبه ينشف شوية وتجففيه الاول بالفوطة بعدين تسيبيه فى الهوا وقرب ما يبقى ناشف ابداى سرحيه بقة وعيشى حياتك
ليه الاستعجال
فرك العينين
طبعا لازم تشيلى ايدك عن عينك تماما لا تفركى فيها ولا تقرصى جلد الجفون لانه ببساطة ده ارق جلد موجود فى الجسم كله وهو اكثر منطقة معرضة للتجاعيد
دى جزء من العادات اللى يجب الانتباه ليها كويس اوى فى حياتنا خصوصا واحنا فى الاجازة مش ورانا شغلانة
فبنقول بقة نشتغل نفسنا
عمتا يا احلى فيتاويات اللى شايف من وجهة نظره فىه عادات البنات بتعملها غلط ياريت مش يحرمنا من الافادة
موضوع: رد: تجنبى هذا قدر الامكان 4/8/2009, 1:43 am
dr_dolly كتب:
مشكوره يا دكتوره نصايح جامده وبجد ده بيحصل
الشكر ليكى يا جميل انك شرفتى الموضوع ويارب تكونى استفدتى وان شاء الله نكمل العادات دى مع بعض
dr_moslim فيتاوي مؤثر
العمر : 34المزاج : بخير حال والحمد للهالكلية : الطب البيطريالفرقة : الرابعةالسكشن : واحدتاريخ التسجيل : 26/02/2009
موضوع: رد: تجنبى هذا قدر الامكان 4/8/2009, 3:39 pm
طبعا طول ما الواحدة قاعدة فى البيت ومش لاقية حاجة بتتصرف تصرفات غلط
العض على الشفاة
قضم الأظافر
يا ساتر هو الغل وصل للدرجادي؟؟؟ معندكيش حاجه لشد الشعر يا دكتورة اصل في ناس برده بتفضل تشد في شعرها لحد ما تبقى............... طبعا انا بهزر موضوع والله مفيد جدا بس مش لينا يا عم عطية احنا مش فاضيين
موضوع: رد: تجنبى هذا قدر الامكان 5/8/2009, 3:40 am
dr_moslim كتب:
طبعا طول ما الواحدة قاعدة فى البيت ومش لاقية حاجة بتتصرف تصرفات غلط
العض على الشفاة
قضم الأظافر
يا ساتر هو الغل وصل للدرجادي؟؟؟ معندكيش حاجه لشد الشعر يا دكتورة اصل في ناس برده بتفضل تشد في شعرها لحد ما تبقى............... طبعا انا بهزر موضوع والله مفيد جدا بس مش لينا يا عم عطية احنا مش فاضيين
ههههههههههههههههههههههههههههههههههه ماشى يا دكتور اسلام ما انتم اكيد بتعملوا حاجات غلط بس احنا مش راضين بس نسيح ليكم
بالنسبة لشد الشعر فعلا دى عادة موجودة كتيييييير وده نتيجة التوتر او التفكير العميق والمفروض طبعا الشخص يعود نفسه يبطل ده ويشغل نفسه بحاجة مثلا يشخبط فى ورقة يغمض عنيه لان العادات ما هى الا تعود مننا ومن السهل الواحد يغيره