ملتقي طلبة كلية الطب البيطري * جامعة المنصورة

ملتقي طلبة كلية الطب البيطري * جامعة المنصورة


 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 يوميات احمد ونور في اول اسبوع جامعه

اذهب الى الأسفل 
كاتب الموضوعرسالة
محمد جمال مصطفي
فيتاوي فعال
فيتاوي فعال
avatar

العمر : 29
العمل/الترفيه : طالب وبحب لعب كره القدم
المزاج : الحمد لله تمام
الكلية : طب بيطري المنصوره
الفرقة : الرابعه
السكشن : 6 برضه ان شاء الله
تاريخ التسجيل : 24/02/2009

مُساهمةموضوع: يوميات احمد ونور في اول اسبوع جامعه   27/7/2009, 7:12 pm

بسم الله الرحمن الرحيم


نبتدى بالحلقة الاولى




احمد: لو سمحتي حضرتك...ممكن براية


نور: ههههههههههههههههههههههههههه

احمد :حضرتك بتضحكي على ايه ممكن اعرف يعني لو سمحتي

نور : مش عيب شاب في سنك يطلب براية ..ده احنا في جامعة

احمد : طيب معاكي شفرة...عشان المحاضرة هتبدأ خلاص

نور : ايييييه..ايه شفرة دي..ممكن تسكت لو سمحت

احمد : حد معاااااااه براااااااااية....او قلم زيااااااادة..ردوا

نور: انت اكيد مجنون وطي صوتك الطلبة كلها بتضحك عليك

احمد :ويضحكوا ليه دووووووووول

نور: خلاص خلاص انا هنقل المحاضرة وبعدين اديلك تصورها
احمد :شكرا بس انقلي كويس ..وياريت تنظمي الكراسة

(
اثناء ما المحاضرة شغالة ونور شغالة كتابة واحمد هيموت عشان مش معاه قلم)



احمد: يا انسة خطك زفت زفت..انتي مش مسطرة الصفحة ليه ...وفين التاريخ الهجري.يادي النيلة عليا وعلى الجامعة


نور : انت مالك ومال خطي مش كفاية هديلك تنقل مني وهتعطل انا

احمد : ليه وانتي عربية اصلك علشان تتعلطي..هما البنات متعطلين خلجة

نور : انت انسان غريب...بجد مش بتعرف تكلم الناس ازاي

احمد : لأ يا شيخة والنبي المرة الجاية تبقي تجيبيلي الكتالوج بتاعك

(نور عشان رقيقة سكتت ومش عرفت ترد على بجاحة احمد وانتهت المحاضرة )

اثناء خروج الطلبة من المدرج...احمد حب يستظرف بس بطريقة غبية شوية
احمد وسط حشد من الطلبة بنات وولاد
وكأنهم قطيع من المواشي


(نور بتحكي مع زميلتها من كلية تانية على احمد )

نور : بصي يا هالة الولد ده....فضيحة فضيحة يعني...وحكتلها على اللي حصل

هالة : تلاقيه شاب تحفة...مش باين عليه استايل خالص..ده لابس بدلة وكرافت

نور : بس تعرفي شكله وسيم اووووي...حاسة انه طيب وعلى سجيته

هالة :اوووو...ده وسيم؟...ده مش حاطط نقطة جيل على شعره حتى..شعره منعكش جدا

نور:يا ستي سيبك

هالة: على رأيك

خلص اول يوم في الجامعة وقبل النهاية بدقايق

احمد: يا استاذة يا انسة فين المحاضرة عايز انقلها هاتيها يلا يلا بسرعة

نور : تنقل ايه يابني دي عشر ورقات غير في رسومات وجداول

احمد :ومالهم يعني عشر ورجات انتي هتخلفي وعدك ولا ايه

نور : انا مقلتش كده بس في حاجة اسمها تصوير..اسرع يعني

احمد: هههههههههههههههههه اصور ايه بخطك الزفت ده..شوفي ...زفت

نور: حقيقي انا غلطانة وكلام هالة باين عليه صح...بعد اذنك..اوف

سابته ومشيت .....وقال

احمد: عليكي يا شيخة وعلى هالة وعلى الجامعة كلتها....وبرضه خطك زي الزفت

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد جمال مصطفي
فيتاوي فعال
فيتاوي فعال
avatar

العمر : 29
العمل/الترفيه : طالب وبحب لعب كره القدم
المزاج : الحمد لله تمام
الكلية : طب بيطري المنصوره
الفرقة : الرابعه
السكشن : 6 برضه ان شاء الله
تاريخ التسجيل : 24/02/2009

مُساهمةموضوع: رد: يوميات احمد ونور في اول اسبوع جامعه   27/7/2009, 7:16 pm

وجه اليوم التاني....ولسة الحياة الجامعية لم تؤثر على تلاميذ الثانوية العامة...بس مع بلدياتنا احمد ...ماشية عكس خالص...مش عارف يتأقلم عليها
وتعالوا نشوف الايام والحياة الجامعية هتعمل ايه في احمد وهيتعامل معاها ازاي
كان ميعاد المحاضرة الساعة 8 صباحا...كان احمد واقف قصاد المدرج من 6 الصبح مش عارف ليه ونبتدي الحلقة التانية يا جامدين


احمد: ديب ديب ديب انتوا يا ناس يللي هنا...افتحوا الباب

الساعي : يا فتاح يا عليم يا رزاق يا كريم

احمد: ماترش ميا يا راجل قصاد المدرج عشان تستفتح

الساعي:يا كابتن المحاضرة لسة الساعة 8 مفيش دخول دلوقت

احمد:هدخل يعني هدخل..عليا النعمة هدخل هاااا

الساعي: قفل الباب في وشه ودخل جوا

احمد : يا ابن ...... انت هتضيع عليا المحاضرة شكلك

احمد: اما اروح اجيب كوباية شاي سخن مولع

الراجل: تؤمر بأيه يا فندم

احمد : شاي خمسينة بنعناع

الراجل: ايه ايه...مفيش نعناع

احمد: ومفيش نعناع ليه

الراجل : هو كده مفيش نعناع على الشاي ..النعناع لوحده

احمد :طيب هات نص كوباية شاي ونص كوباية نعناع

الراجل: خد فلوسك اهي

احمد:طب والشاي ابو نعناع فين

الراجل:اوووف
احمد:اوووف على دماغك..

كان فات حوالي ساعة ونص وهو واقف في الكافتيريا عشان يشرب شاي

قرر انه يرجع للمدرج عشان يلحق مكان وبالفعل حجز مكان وخرج تاني عشان

يجيب شاي من كافتيريا تانية...ونجح انه يجيب المرة دي ..دخل المدرج وفجأة
لقى مين اعد مكانه ...مين مين مين....لقى نور فارشة كل حاجتها وبتشرب كابتشينووووووووووووووووو

احمد : بصوت لا يطاق....ايييييييييه ده يا هانم...هي وكالة من غير بواب

نور :وطي صوتك من فضلك انا بتكلم بهدوء وبأدب

احمد:هي دي طريجتي..عاجبك ولا مش عاجبك

نور:طيب انا مش هقوم

احمد: هروح للعميد يجي يقومك

نور:ههههههههههههههههههه

احمد:بتضحكي على ايه

نور: مش هتحضر...هههههههههههههه

احمد :عليا الطلاج لأحضر غصب عنك

وفجأة سمع صوت الدكتور بيناديله




ولها بقيه ان شاء الله



للامانه الموضوع منقول
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مستغفرة
فيتاوي فعال
فيتاوي فعال
avatar

العمر : 29
العمل/الترفيه : لسه طالبة وربنا يسهل
المزاج : الحمد لله
الكلية : طب بيطرى
الفرقة : الرابعة
السكشن : 4
تاريخ التسجيل : 02/04/2009

مُساهمةموضوع: رد: يوميات احمد ونور في اول اسبوع جامعه   27/7/2009, 8:49 pm

هههههههههههه
ياعينى ده شكله على نياته خالص بس انا متأكده انه هيتغير
وادينا هنشوف
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مملكة الحزن
فيتاوي فعال
فيتاوي فعال
avatar

العمر : 29
الكلية : طب بيطرى
الفرقة : ؟؟؟؟؟؟؟؟
السكشن : ..............
تاريخ التسجيل : 10/05/2009

مُساهمةموضوع: رد: يوميات احمد ونور في اول اسبوع جامعه   27/7/2009, 10:53 pm

هههههههههههههههههههههههههههههههههههه
جامدة اليوميات دى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد جمال مصطفي
فيتاوي فعال
فيتاوي فعال
avatar

العمر : 29
العمل/الترفيه : طالب وبحب لعب كره القدم
المزاج : الحمد لله تمام
الكلية : طب بيطري المنصوره
الفرقة : الرابعه
السكشن : 6 برضه ان شاء الله
تاريخ التسجيل : 24/02/2009

مُساهمةموضوع: رد: يوميات احمد ونور في اول اسبوع جامعه   30/7/2009, 2:10 pm

تكمله اليوم التاني


الدكتور: انت يابني ياللي واقف ومعلي صوتك انت زي ..... مالك في ايه ماتعد مكانك

احمد: مالك انت ومالي ماتخليك في حالك يا عم انت هو انت تعرفني اصلا ولا هو الفصل ده بتاعك ولا ايه

نور :يخربيتك يا بني انت بتقول ايه يا بني ادم انت مش عارف مين ده؟

احمد : هيكون مين ده يعني رئيس مباحث يا ختي ولا يكون ابوكي ولا ايه؟

نور : دا الدكتور يا بني اعد يخربيتك

احمد :دكتور علي نفسه انا مش عيان هو جاي يكشف علي مين دا الحلاق في بلدنا برقبته

نور : دكتور الماده يا غبي مش اللي في بالك يعني سنتك سوده

احمد : يا نهار اسود الاستاذ بتاع الماده يا نهاري اللي مش فايت

الدكتور : هات يابني الكارنيه بتاعك وتعالالي هنا

احمد : معلشي يا دكتووور اللي مايعرفك يجهلك اخر مره

الدكتور : طيب اقعد مكانك وماسمعشي صوتك طول المحاضره

احمد : بس هي اخدت مكاني يا بيه وانا جاي ولا حق المكان ده من اول يوم في الكليه

الدكتور : انت ماعندكاش اتيكيت ولا ايه دي بنت وانت ولد

احمد : لا البتاع ده مش عندي هو في اي مكتبه هبقي اشتريه اما الحصه تخلص ان شاء الله

الدكتور: طيب يابني ارجع اقعد وره خالص عقاب ليك

احمد : طيب بس انت تعلي صوتك بقه عشان اسمعك وتكبر خطك شويه وتحسنه عشان اعرف اكتب من وراك

الدكتور : اكتب ايه ياله فيه بروجيكتور

احمد: بلاش حجج فاضيه هتكتب يعني هتكتب دكتور اد الدنيا وهتجيب سكرتيرتك بروجيكتور تساعدك دا حتي عيب
هتبقي راجل مصري ابن بلد وتسيب الاجانب يساعدوك عيب والله

الدكتور بعد ماتخنق : طيب ارجع بس يابني وانا هكبر خطي بس ارحمني عدي ساعه من المحاضره

احمد : اذا كان كده ماشي انا موافق بس يا رب يا بت يا اللي اسمك نور انتي ماتتهني بمكانك دقيقه واحده ولا تكتبي حاجه من اللي الدكتور هيقولها

ورجع احمد ورا بعد طبعا مالمحاضره كلها خلصت وبكده اليوم التاني خلص

ان شاء الله نبقي نكمل
ملاحظه اليوم التاني انا اللي كاتبه قولوا بقه ايه رأيكم اكمل ولا كفايه كده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مملكة الحزن
فيتاوي فعال
فيتاوي فعال
avatar

العمر : 29
الكلية : طب بيطرى
الفرقة : ؟؟؟؟؟؟؟؟
السكشن : ..............
تاريخ التسجيل : 10/05/2009

مُساهمةموضوع: رد: يوميات احمد ونور في اول اسبوع جامعه   30/7/2009, 2:17 pm

لا كمل طبعا


الموضوع ممتع بس شاكله اهبل قوى هو الواد من انهى عصر علشان اعرف اتخيل بس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد جمال مصطفي
فيتاوي فعال
فيتاوي فعال
avatar

العمر : 29
العمل/الترفيه : طالب وبحب لعب كره القدم
المزاج : الحمد لله تمام
الكلية : طب بيطري المنصوره
الفرقة : الرابعه
السكشن : 6 برضه ان شاء الله
تاريخ التسجيل : 24/02/2009

مُساهمةموضوع: رد: يوميات احمد ونور في اول اسبوع جامعه   30/7/2009, 2:33 pm

لا الكابتن ده خام خالص بس يارب يبقي مدردح بعد كده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mohamed mo3en
فيتاوي مبتدئ
فيتاوي مبتدئ
avatar

العمر : 29
العمل/الترفيه : لسه طالب
المزاج : فرحان
الكلية : بيطري
الفرقة : 3
السكشن : مس عارف5
تاريخ التسجيل : 16/02/2009

مُساهمةموضوع: رد: يوميات احمد ونور في اول اسبوع جامعه   17/8/2009, 9:09 pm

ايه يا جيمي الحلوة دي كمل يا باشا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
dr_dolly
فيتاوي عادي
فيتاوي عادي
avatar

العمر : 27
الكلية : الطب البيطري
الفرقة : 2
السكشن : 3
تاريخ التسجيل : 12/05/2009

مُساهمةموضوع: رد: يوميات احمد ونور في اول اسبوع جامعه   17/8/2009, 11:07 pm

ههههههههههههههههههههههههههههههه
شكله لخمه خالص
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
meemo
مشرف قلم سياسى وقسم التنمية البشرية
avatar

العمر : 28
الكلية : الطب البيطرى
الفرقة : الثالثــــة
السكشن : ??????
تاريخ التسجيل : 17/02/2009

مُساهمةموضوع: رد: يوميات احمد ونور في اول اسبوع جامعه   18/8/2009, 1:23 am

جامد والله يا محمد بس عاوزيين اليوم يكون اكبر من كده اصل الواحد مش بطل ضحك

_________________

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
dr_moslim
فيتاوي مؤثر
فيتاوي مؤثر
avatar

العمر : 29
المزاج : بخير حال والحمد لله
الكلية : الطب البيطري
الفرقة : الرابعة
السكشن : واحد
تاريخ التسجيل : 26/02/2009

مُساهمةموضوع: رد: يوميات احمد ونور في اول اسبوع جامعه   27/8/2009, 11:31 am

صحيح يا محمد وقفت كتابة ليه؟؟؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد جمال مصطفي
فيتاوي فعال
فيتاوي فعال
avatar

العمر : 29
العمل/الترفيه : طالب وبحب لعب كره القدم
المزاج : الحمد لله تمام
الكلية : طب بيطري المنصوره
الفرقة : الرابعه
السكشن : 6 برضه ان شاء الله
تاريخ التسجيل : 24/02/2009

مُساهمةموضوع: رد: يوميات احمد ونور في اول اسبوع جامعه   28/8/2009, 1:23 pm

ان شاء الله هكتب اليوم التالت النهارده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مستغفرة
فيتاوي فعال
فيتاوي فعال
avatar

العمر : 29
العمل/الترفيه : لسه طالبة وربنا يسهل
المزاج : الحمد لله
الكلية : طب بيطرى
الفرقة : الرابعة
السكشن : 4
تاريخ التسجيل : 02/04/2009

مُساهمةموضوع: رد: يوميات احمد ونور في اول اسبوع جامعه   28/8/2009, 8:43 pm

يلا يا دكتور احنا مستنيين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد جمال مصطفي
فيتاوي فعال
فيتاوي فعال
avatar

العمر : 29
العمل/الترفيه : طالب وبحب لعب كره القدم
المزاج : الحمد لله تمام
الكلية : طب بيطري المنصوره
الفرقة : الرابعه
السكشن : 6 برضه ان شاء الله
تاريخ التسجيل : 24/02/2009

مُساهمةموضوع: اليوم التالت   30/8/2009, 1:28 pm


اليوم الثالث

في المحاضره برضه

احمد كان قاعد في البنش التالت ونور داخله من باب المدرج

احمد : ييييييييه البت دي لسه عايشه يارب خدها بقه يارب خدها بقه يارب وارحمنا منها

نور اول ماشافت احمد قامت مبتسمه ابتسامه برخامه كده وراحت قاعده في البنش الاول في مكان كان محجوز لها من زمايلها

احمد : حتي الواسطه في المحاضرات كمان بلد بتاعه شهادات صحيح الهي البنش الاول يولع باللي فيه

ودخل الدكتور والمحاضره انتهت بسلام المره دي

وقت الخروج من المحاضره بقه كان فيه زحمه جامده زي مانتوا عارفين واحمد خارج لقي نور جنبه بصلها بقرف كده وقال

احمد : اهلا انتي ليه عايشه يا مزمازيل لمبه

نور : لمبه وانت كهربائي ولا ايه يا بني وبعدين ايه لسه عايشه دي مش تنقي كلامك

احمد : انقي كلامي هو احنا بنبيع طماطم المهم كتبتي المحاضره

نور: وانت مالك اكتب ولا لا انت واصي عليا ولا ايه

احمد : ازاي امال انا سايبلك مكاني في البنش الاول ليه صدقه جاريه ياختي ولا ايه

نور : ههه دا بعينك لو اخدت مني كلمه واحده انت مش بتكتب ليه من نفسك

احمد : نسيت دوايه الحبر بتاعتي في البيت

نور : حبر ! انت مواليد القرن الكام ياعم العقاد

احمد : سيبك بقه هاتي يله المحاضره بعد اذنك ( بيقولها بقرف كده )

نور : طيب انا هروح اجيب حاجه اكلها الاول وابقي اديك المحاضره تشوفها

احمد : انتي لسه هتروحي عشان تاكلي

نور : لا دا في محلات هنا انا هجيب منها ماتيجي معايا تجيب حاجه تاكلها لسه اليوم طويل

احمد : ماشي مافيش مانع نروح نشوف الاكل مش عيب برضه

نور طبعا في المقدمه واحمد هو اللي ماشي حسب تعليماتها لانها هي اللي تعرف المكان

نور: هتطلب ايه يا احمد انا هاخد كريب او بورجر ( بت مفجوعه )

احمد : كليب ايه احانا جايين برنامج سمعنا يا سيدي احنا عاوزين حاجه تتاكل

نور: يييييييييييييييه سيبك من كل ده انت اخرك البغل والله العظيم

احمد : بغل لا احترمي نفسك بغل ايه

نور : قصدي فول وطعميه يعني انت فهمت ايه

احمد : لا ابوس ايدك بلاش فول وطعميه انا وداني طولت منهم

نور : ماشي فيه كبده وسجق وفيه حاجات كتير شوف بقه انت عاوز ايه

احمد : خلاص انا هاخد كبده بقه هو ده اللي انا عرفه

وطلبوا الاكل واكلوا وبعدين جه وقت ان هي تديله المحاضره

احمد : هاتي المحاضره بقه

نور : محاضره ايه

احمد : لا متعمليش انك مش فاهمه هاتي المحاضره بالذوق احسنلك

نور : هتعمل ايه يعني وريني

احمد : مش هعمل حاجه بس وريني الكشكول وخديه تاني

نور : ياه دي المحاضره التانيه بدأت ابقي اديهالك بعد المحاضره بقه

احمد : ايه قله الاصل دي يارب ماتفهمي اي حاجه من المحاضرتين والكشكول اللي معاكي ده يولع بجاز

نور : ربنا يسامحك

ودخلوا المحاضره التانيه بتاعت الدكتور اللي كان احمد ساق اللماضه معاه قبل كده

الدكتور اول ماشاف احمد : اهلا انت شرفت

احمد : لا لسه انا لسه في البيت

الدكتور : انت بتهزر والله اطردك بره

احمد : انا اسف وبيقول في سره ( دانت دكتور خنيق والله بيحب البنات عن الولاد دي تفرقه دي هي الكليه دي مافيهاش عميد ولا ايه )

الدكتور : بتقول ايه يابني

احمد :/ انا لا دانا بدعيك انت والانسه نور في مره واحده ان شاء الله

الدكتور : متشكر اقعد مكانك بقه

احمد : حاضر بس لو سمحت ماتنساش التعليمات بتاعه امبارح

الدكتور : حاضر يا سياده رئيس الجامعه
احمد : ماشي بلاش نفاق لازم الواحد يشد عليكم كده ( في سره )

وبدأ الدكتور في شرح المحاضره واحمد قرر بقي يضايق الدكتور وكل شويه يسأله سؤال خارج المحاضره او سؤال هايف وعلي غير العاده البنات بتوع البنش الاول ( عارفينهم طبعا دول اللي بيخنقونا في المحاضرات ) كانوا قاعدين ساكتين واحمد اللي شغال في اسئله

في الاخر المحاضره خلصت وراح احمد ورا نور علشان المحاضرتين ياخدهم منها لقي باباها جاي بالعربيه وبيقولها اركبي يا نور واخدها ومشي

احمد وهو هيموت من الغيظ : روح الهي العربيه تتقلب بيكم في البحروبعد ماينقذوقكم عربيه الاسعاف تدخل في قطر وبعد ماينقذوكم تقوم حريقه في المستشفي اللي انتم فيها قادريا كريم الهي ماتتهني بالمحاضره دي هه بس يله .........

وبكد اليوم التالت خلص استنوا بقيه الايام اما نشوف العلاقه بينهم هتتطور لايه يمكن يحبوا بعض ويتحولوا لنو ومهند وممكن يقتلوا بعض ربنا يستر هنشوف ان شاء الله

مع تحياتي محمد جمال مصطفي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mohamed simooo
مشرف الصحة تاج وعلوم وعلماء
avatar

العمر : 29
الكلية : mansoura vet
الفرقة : الرابعـــــــــــــــــــــــة
السكشن : 6
تاريخ التسجيل : 08/02/2009

مُساهمةموضوع: رد: يوميات احمد ونور في اول اسبوع جامعه   30/8/2009, 5:52 pm

ههههه جامد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mohamed mo3en
فيتاوي مبتدئ
فيتاوي مبتدئ
avatar

العمر : 29
العمل/الترفيه : لسه طالب
المزاج : فرحان
الكلية : بيطري
الفرقة : 3
السكشن : مس عارف5
تاريخ التسجيل : 16/02/2009

مُساهمةموضوع: رد: يوميات احمد ونور في اول اسبوع جامعه   3/9/2009, 3:43 pm

فله يا باشا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
dr_nermeen
فيتاوي نشيط
فيتاوي نشيط
avatar

العمر : 27
العمل/الترفيه : حفظ القرأن الكريم
المزاج : الحمد لله المنتدى لذيذ جدا
الكلية : كلية طب بيطرى جامعة الاسكندريه
الفرقة : الفرقه الثالثة بأذن الله
السكشن : الله اعلم بس يارب يبقى حاجه تانيه غير(( و))

تاريخ التسجيل : 07/06/2009

مُساهمةموضوع: رد: يوميات احمد ونور في اول اسبوع جامعه   5/9/2009, 2:10 am


يوميات جميله جدا
وأسلوبك حلو وكوميدى فى الكتابه يا دكتور محمد
وشخصية احمد تحفه جدا بس لسانه طويل شويه
ونفسى اعرف نور مستحملاه ازاى لحد دلوقتى؟؟؟
عموما انا مستنيه بقية الحلقات وياترى حيحبوا بعض فعلا ولا حيقتلوا بعض Question؟؟؟
وشكرا على الموضوع يا دكتور محمد
وتقبل مرورى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
يوميات احمد ونور في اول اسبوع جامعه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ملتقي طلبة كلية الطب البيطري * جامعة المنصورة :: القسم الرياضى والترفيهى والصوروالكاريكاتير :: أضحك من قلبك-
انتقل الى: