افهمها صح : شرح علم الادوية " عندنا بس "

[size=24][size=16]السلام عليكم ورحمة الله وبركاته
ازيكم يا جماعة أخبار الصيف معاكم ايه واخبار الاجازة ايه تكونوا بخير
انا انهاردة لقيت عندي شوية همة اني ابدأ وقلت انزل حاجة خفيفة خاااااااالص بخصوص الموضوع
ومش حتقل عليكم من أولها كده
بس ركزوا معايا وانتم بإذن الله حتحبوا المادة ديه
ولو حد عنده اي استفسار انا في الخدمة
حتى لو حد سأل سؤال أنا معرفوش أكيد وبإذن الله حتصرف وابحث عنه لحد ماعرف اجابته
لأن ديه استفادة ليا زي ماهي استفادة له

نبدأ بقى !!!!!!!!!!!!

الحلقة الأولى
أول حاجة يا جماعة لازم تعرفوها ان علم الفارما هو دراسة لكيفية تعامل مادة ما مع العضو لكي تؤدي وظيفتها
المادة ديه لازم أعرف عنها حاجتين

(Pharmacokinetics) وهي حركية المادة وتتضمن مايحدث للمادة داخل الجسم إلى ان يتخلص منها الجسم

(Pharmacodynamics) وهي ما تفعله المادة في الجسم حيث تؤثر على عضو معين

Pharmacokinetics
It includes Absorbtion ,Distribution ,Metabolism & Excretion

وهذه الأربع عمليات تعتمد على جرعة المادة ومعدل امتصاصها وانتشارها في الجسم ومعدل ارتباط المادة ببروتينات الدم في الجسم

Dose ,rate and extend of absorbtion ,distribution & binding to plasma protein and tissues

ولابد ان المادة عشان تنتشر خلال خلايا الجسم أن تكون لها نسبة ذوبان في الدهون
(lipid soluble)

طب ليه ؟؟؟

لأن غشاء الخلايا نفسه عبارة عن "lipid" وبالتالي لا تمر المادة خلال الغشاء إلا اذا كانت تذوب في الدهون
ولاحظ ..

The ability of substance to cross cell membrane determine the route of administration

بمعنى ان درجة ذوبان المادة في الدهون يحدد طريقة تناول الدواء اذا كان مثلا يؤخذ عن طريق الفم أو بالحقن
أو اذا كان له القدرة على عبور غشاء المخ والذي يسمى"BBB"

Blood Brain Barrier

لأن هذا الغشاء لا يستطيع الدواء ان يعبره إلا اذا كان له درجة ذوبان في الدهون عالية

لذلك نجد ان معظم الأدوية اللي ليها درجة ذوبان في الدهون عالية يكون لها آثار جانبية كثيرة على المخ كالزغللة والشعور بالغثيان والدوخة والدوار والنسيان وعدم التركيز والنوم الكثير

ذلك لأن الدوا الذي يعبر المخ قد يسبب خلل في كيميائية المخ أي خلل في المواد التي تفرز في المخ

وأيضا تؤثر درجة ذوبان الدواء في الدهون على حدوث
"tubular reabsorbtion" للدواء وهي أن يحدث إعادة امتصاص للدواء عن طريق قنوات الكلية فيسبب زيادة تركيز الدواء في الدم

وطبعا الموضوع ده لازم احطه في الاعتبار عشان اعرف الدواء ده حيعاد امتصاص اد ايه منه عشان تركيزه ميزدش في الدم ويوصل لمرحلة الجرعة السامة
"toxic dose"

لاحظ معايا أن ال"urine" بتكون "aquas" يعني أي دواء لازم يتحول من lipid soluble إلى H2O soluble حتى يتم إخراجه من الجسم ... مفهووووم !!!!

كفاية كده المرة ديه عشان متزهقوش وخلينا بالراحة كده وواحدة واحدة

ياريت يا جماعة لو حد قرأ وفهم يقول ولو حد مش فاهم يقول ايه اللي مش فاهمه

أو قولولي تعليقكم على طريقة الشرح

يعني هل الشرح بالعربي مع بسيط من اللغة حلو وللا وحش؟؟؟

عشان برده فيه ناس بتزهق من العربي على أساس انها اتعودت انها تقرأ بالانجليزي

[/size][/size]

[size=21]السلام عليكم ورحمة الله وبركاته
ازيكم يا جماعة ايه أخبار الموضوع ده معاكم

الحلقة الثانية
حنتكلم عن عبور المادة خلال غشاء الخلية
وده له أنواع كثيرة حسب تركيز المادة ومدى نفاذية الغشاء للمادة

[size=18]

[size=21]Types of passage across cell membrane

[/size]Simple diffusion

The substance passes without energy or carrier from the high concentration to the low concentration "passes with concentration gradient"

هي عبور المادة خلال الغشاء بسهولة ولا تحتاج إلى طاقة أو شيء يحمله من خارج إلى داخل الخلية
وفيه تعبر المادة من التركيز العالي إلى التركيز القليل أي في اتجاه المحتوى التركيزي

Filteration

The substance is dissolved in the solvent and passes through the membrane pores

أي ان المادة تذوب في المذيب وتعبر خلال الثقوب الموجودة في الأغشية
وهذه العملية تحدث في أغشية الكلية فيما يسمى
"glomerular filtration"
لأن الدواء يصفى في أغشية الكلية لكي يعبر مع السوائل التي سيتم إخراجها

Active transport

The substance need energy and carrier to pass from the low concentration to high concentration "against concentration gradient"

أي أن المادة تعبر من التركيز القليل إلى التركيز العالي عكس اتجاه المحتوى التركيزي لذا فهذه العملية تحتاج إلى طاقة وشيء يحمله من خارج إلى داخل الخلية

Facilitated diffusion

The substance need carrier only ,and pass from high concentration to low concentration "with concentration gradient"

أي أن المادة لا تحتاج إلى طاقة
فقط تحتاج إلى شيء يحملها من خارج إلى داخل الخلية وتسري في اتجاه المحتوى التركيزي من التركيز الأعلى إلى التركيز الأقل لذا فيطلق عليها عملية مُسَهّلة لأنه تم تسهيلها عن طريق الحامل بالرغم من أنها تعبر في اتجاه المحتوى التركيزي

Pinocytosis

The substance is absorbed through invagination of part of cell membrane then releasing inside the cell

أي أن المادة تمتص كالتالي
يتقوس غشاء الخلية إلى الداخل ويعمل كأنه يبتلع المادة ويزيد التقوس حتى يحيط بالمادة كلها ثم يفتح فتحة من ناحية داخل الخلية وتعبر المادة إلى الداخل
بالنسبة للعملية ديه موضحة في الصورة التالية

بس خلاص كفاية كده المرة ديه
وأتمنى أعرف رأيكم في الموضوع ده اذا كان الكم كده كويس وللا اكتر وللا اقلل
واذا كان الشرح مفهوم وللا ايه

[/size]
[/size]

الله عليك ياسيمو ربنا يبارك فيك يابنى
ويزيدك دايما

فل يا سيمو
شرح جميل
بس انت جاى تشرح وتبسط دلوقتى بعد مخلصنا الفارما

الموضوع جميل جدا ومفيد وخاصة انى داخلة تالتة وعايزه افهم الفارما كويس وفى انتظار باقى الحلقات

جميل جدا يا دكتور وطريقه الشرح واضحه وبسيطه
في انتظار المزيد

رائع يادكتور
بدايه مبشره لطلبه تالته
كلام بسيط
مشكوووووور

يا سيمو يا جامد انت فينك يابني النت اتحدد عندك انت بس ولا ايه لو اتحدد قلي وانا اخدك ونروح الشركه الحقيره بتاعتكم دي انا مش عارف اي حد هناك وهيخدمونا جامد يعني بدل ماهيحددوه هيقطعوه خالص

ههههههههههههه
ماااااااشى يا ابو جمال
وشكرا ليكم يا دكاترة
بس انا مش عاوز الموضوع يكون قراة وخلاص بالعكس انا عاوز لى مش فهم حاجة يطرحها
واحنا باذن الله سوواء كان انا او اسرة المنتدى قادرين على ايصال المعلومة

فياريت التفاعل الجاد

ايه أخباركم تكونوا بخير
أنا انهاردة مش حتكلم في صميم الموضوع يعني مش حعتبرها حلقة كاملة
يعني ممكن تعتبروها فاصل إعلاني !!!
انهاردة حنتكلم عن عوامل مؤثرة في الsimple diffusion

دلوقتي الsimple diffusion زي ماقلنا هو عبارة عن انتشار بسيط بدون الحاجة الى طاقة او حامل وفي اتجاه المحتوى التركيزي
بس خد بالك مش بيحصل الانتشار ده إلا للمادة الغير متأينة
يبقى المادة الغير متأينة بس هي اللي بيحصلها انتشار بالsimple diffusion
وبالتالي ركزوا معايا ... ايه اللي ممكن يأثر عليها
أكيد ال pH بتاعة الوسط المحيط
ليه ؟؟؟؟
لأن ال pH حتحدد اذا كان حيحصل تأين للمادة وللا لأ
ازاي ؟؟؟؟
الوسط الحمضي حيأين المادة القلوية والوسط القلوي حيأين المادة الحمضية
أوكيه !! يبقى نستنتج أن المادة الحمضية حتمتص في الوسط الحمضي لأنه لا يسبب تأينها
والمادة القلوية حتمتص في الوسط القلوي لأنه لا يسبب تأينها

acidic subs. absorbed in acidic medium & basic subs. absorbed in basic medium
طاب يبقى كده أول حاجة بتأثر على الsimple diffusion هي ال pH
بعد كده عندي الدوا قبل مايحصله امتصاص من الدم لخلايا الجسم أو لخلايا عضو معين بيكون الدواء مرتبط ببروتينات الدم وبيكون في الحالة المتأينة
معنى كده أنه عشان يحصله امتصاص لازم يبقى حر وغير متأين
يبقى أكيد درجة ارتباط الدواء ببروتينات الدم تؤثرعلى تأينه وبالتالي تؤثر على امتصاصه
يبقى عندي تاني عامل يؤثر على امتصاص الدواء بالsimple diffusion هو درجة ارتباط الدواء ببروتينات الدم

Factors affecting simple diffusion
pH
protein binding of drugs

كفاية كده عشان ده كان فاصل إعلاني

موضوع والله اكتر من رائع يا سيمو

الله عليك يا حبيب والديك
ايه الجمال دا
و خصوصا اني رايح تالته
بارك الله فيك
وحزاك خير

أتمنى تكونوا بخير ويكون الموضوع مفيد وبسيط
تيجوا نبدأ في موضوع جديد بس هو لذيذ وسهل جدا

الحلقة الثالثة
احنا كنا اتكلمنا عن الpharmacokinetics
قلنا انها هي حركية المادة وتتضمن مايحدث للمادة داخل الجسم إلى ان يتخلص منها الجسم
وقلنا كمان انها تضم العمليات التالية
Absorbtion ,Distribution ,Metabolism & Excretion

Absorbtion: is the process by which the drug is available in fluids of body for distribution

يعني عملية وصول الدواء لسوائل الجسم لكي يحدث العملية التالية لها وهي الانتشار

affected by drug solubility ,blood flow to tissues ,routes of administration

ووسيلة تناول الدواء route of administration تؤثر في امتصاص الدواء حسب الوسيلة

Orally ,sublingual ,rectally ,parentral ,pulmonary & topically

كل وسيلة تختلف من حيث سرعة وصول الدوا للدم ,عدم تعرضه للتكسير ,عدم وجود دوا آخر يتفاعل معه ,وصوله للدم بالكمية الكافية بحيث لا يقل عن التركيز المؤثر ولا يزيد إلى الجرعة السامة

meaning rapid or slow absorbtion ,not be metabolised ,not interacting with another drug ,absorbed in effective dose & not reach the toxic dose

مفهوم كده لحد دلوقتي ....؟؟؟؟؟ يااااارب
طيب دلوقتي حنتكلم عن ملحوظة متعلقة بموضوع الامتصاص
دلوقتي أثناء الامتصاص ممكن يحص اي حاجة تخلي الدوا مايمتصش أو يمتص بنسبة صغيرة لا تؤدي التأثير المطلوب ..... طيب زي أيه ؟؟؟ ركزوا معايا

Formation of ppt or complex

يعني الدوا يترسب أو يكون مركب معقد بسبب تفاعله مع مادة تانية
زي ايه... ؟

Tetracycline & Calcium

Rapid emptying of GIT *******s

يعني الدواء يتم تفريغه من المعدة بسرعة عالية
وده أحيانا كتيرة بيكون غير مناسب لأن ممكن يكون الدواء حيمتص من مكان معين من الGIT
زي مثلا vit.B12 بيمتص من الduedenum معنى كده انه لو حصل تفريغ سريع مش حيعدي على مكان الامتصاص بوقت كافي وبالتالي مش حيحصله امتصاص كويس
طيب زي ايه مثلا الأدوية اللي بتسرع التفريغ من المعدة ..؟؟

as laxatives & purgatives (MgSo4) speed up GIT emptying
so decrease contact time between drug & absorbtion surface

Reduced GIT motility

يعني الدواء يبقى في المعدة مدة طويلة ولا يمتص
يعني سرعة التفريغ وبطئه غير مستحب
خير الأمور الوسط !!!!
لأن مش كل الأدوية حتمتص من الGIT وبالتالي لابد يحدث لها تفريغ حتى يصل كل دواء إلى مكان امتصاصه
طيب زي أيه من الأدوية بيسبب بطء التفريغ ...؟؟

Atropine وده دواء بيسبب توقف حركة الأمعاء وبالتالي لا يحدث للدواء تفريغ من الGIT

يعني لا يصلح تناول دواء يحتاج لتفريغ من المعدة بالمعدل الطبيعي لشخص يتناول الatropine من الأول لأن الGIT عنده حركتها بطيئة جدا
وده يعتبر تداخل في مفعول الأدوية بمعنى أن دواء يسبب تأثير غير مرغوب لدوا آخر
وغير الatropine يوجد أيضا ال ganglion blocker وديه مجموعة من أدوية معينة تعمل على إيقاف الناقل العصبي عند الأعصاب التي تغذي المستقبلات الموجودة في الGIT وبالتالي توقف عملها وحركتها ..... حتعرفوها بعدين بالنسبة للطلبة الذين لم يبلغوا السنة الثالثة ..متقلقوش!!

meaning these drugs cause slow movement of GIT so the drug won't reach absorbtion site in sufficient dose

Reduced availability

وده بيبقى نتيجة ان الشخص يتناول دواء آخر يرتبط بالدواء الآخر ويمنع امتصاصه
طيب زي ايه ..؟؟
Cholestyramine وديه مادة بترتبط بال acidic drugs زي ال aspirin
فيفقد ال aspirin فعاليته

ياترى مركزين معايا وللااااااااااا
كفاية كده ؟؟؟
طب نقول الكلام بسرعة في عنواين

Drug interaction at absorbtion site
Formation of ppt or cplx
Rapid emptying of GIT *******s
Reduced GIT motility
Reduced availability

N.B
Particle size affect absorbtion of poorly absorbed drug
ex : Digoxin

الله عليك ياسيمو
والله موضوع رائع ويستحق التثبيت

موضوع رائع
بس انا عندي اقتراح
ممكن تحط اسئله في نهايه كل عنوان عشان تشوف احنا فهمنا ولا لأ

حاضر يادكتور محمد اقتراح رائع

الف شكر
معلهش هتعبك معايا

I can`t find words to describe the topic Smile

.... thanks doctor Mohamed ..

بجد روعه يا دكتور
جزاك الله كل خير

الحلقة الرابعة
بعد ماتكلمنا عن ال Absorbtion حنتنقل للعملية اللي بعدها وهي ..
Distribution :it's the process by which the drug reach the site of action
يعني العملية اللي اوصل بها الدوا لمكان تأثيره
بعض جزيئات الدوا ترتبط ببروتينات الدم وبعضها ينتشر في الخلايا
ولكن لكي يصل الدوا داخل الخلية لابد ان يعبر غشاء الخلية
وزي ماعرفنا قبل كده ان غشاء الخلية بيكون lipid وقلنا لازم يكون الدواء يذوب في الدهون لكي يعبر هذا الغشاء
طيب لكن مش كل الأدوية بتذوب في الدهون يبقى حيعدوا أزاي ؟؟
Lipid soluble drugs : pass through membrane
Small lipid insoluble drugs : pass through pores
Large lipid insoluble drugs : stay in plasma
معنى كده ان الدواء لازم يكون ذائب وإن لم يكون ذائب في الدهون يبقى لازم اعمله على هيئة جزيئات صغيرة لكن أحيانا مش بحتاج ان الدوا يدخل الخلية وببقى عايزاه يبقى في الدم وساعتها يبقى مش محتاجة أعمله على هيئة جزيئات صغيرة
زي مثلا ال dextran وده بيستخدم as plasma substitute عشان اذودها يبقى لازم الدوا يكون في الدم
فيه عوامل عديدة بتأثر على انتشار الدواء داخل الخلايا
طب زي ايه ؟؟
Binding to plasma protein
ارتباط الدواء بالبروتين يكون الأيونية معنى كده انه مش حيعدي لأن زي ما قلنا قبل كده ان الدواء لازم يكون في الحالة الغير متأينة كي يعبر غشاء الخلية
وبروتين الدم المشهور هو ال albumin وده بيكون زي مخزن للدوا بحيث يطلع الكمية المؤثرة من الدوا ولما يبدأ يتكسر يطلع بدلا منه كمية من المرتبطة بالبروتين
لأن الدوا وهو مرتبط بالبروتين لا يكون له تأثير ولا يتعرض للتكسير
وبالتالي كده بيزود من فترة وجود كمية من الدوا فعالة وتؤدي وظيفتها عن طريق تنظيم خروجه في الصورة الفعالة
وأحيانا ياخد المريض دوا يرتبط ببروتين الدم وياخد دوا آخر له قوة اكبر على الارتباط ببروتين الدم فيحل محله أي يعمله replacement
وديه بتكون ضارة غالبا لأن ممكن الدوا الأول اللي حصله استبدال وزادت نسبته في الدم يكون potent أي أنه يصل إلى ال toxic dose بسرعة فيسبب سمية
يعني لازم النقطة ديه احطها في الاعتبار من تأثيرات الأدوية على بعضها

ومن ضمن العوامل أيضا اللي بتأثر على انتشار الدواء داخل الخلايا التالي ...
Blood flow to tissues
لو زادت كمية الدم اللي بتغذي الخلايا يبقى أكيد كمية الدوا اللي بتوصل الخلايا أكثر
والأعضاء اللي بيصلها إمداد كبير من الدم هي الكلية والكبد والمخ والقلب
وبالتالي يصلها نسبة أكبر من الدواء

وأيضا فيه من العوامل اللي بتأثر على انتشار الدواء داخل الخلايا
Cellular binding
كل مازاد ارتباط الدواء بالخلية يبقى أكيد نسبته حتزيد في الخلية
بمعنى ان فيه ادوية تفضل التراكم في مكان معين في الجسم كالتالي
Chlorpromazine prefer Brain
Digitoxin prefer Liver ,Kidney & Heart
Tetracycline prefer Bones & Teeth
Calcium prefer Collagen
Arsenic prefer Keratin
Iodine prefer Thyroid gland .... and so on
وأيضا من ضمن العوامل مايلي
Concentration of drug in body fats
كل ماذادي قابلية الدواء انه يتخزن في الاجسام الدهنية كل ماحتقل كمية الدوا المتوفرة لانتشاره داخل الخلية وبيجعل الدوا بطيء في امتصاصه
The blood brain barrier
غشاء المخ دهني جدا يعني لو كان الدوا بيذوب في الدهون بشدة سوف يعبره بسهولة وبالتالي الدواء ممكن يكون له آثار جانبية على المخ

يعني ممكن نقول

BBB is Permeable to lipid sol. drugs
impermeable to H2O sol. drugs

[b]سؤال الحلقة ؟

why cardiologist use digitoxin in heart problem for treatment ?

what character of drug used for treatment of brain problem [/b]?

why cardiologist use digitoxin in heart problem for treatment ?

digitoxin bind more to the heart and Cellular binding is one of the factors that affect the distribution of the drug.... as the more the drug bind to the heart the more the drug affect the heart and treat its problem ..

what character of drug used for treatment of brain problem

Lipid soluble drugs

thanks doctor Mohamed .

جميل جدااا يا كت ميلكى

10/10

برافوووووووووووووو

موضوع: Taodih 31/8/2009, 12:53 am

mohamed simooo كتب:: جميل جدااا يا كت ميلكى

10/10

برافوووووووووووووو

el 3afo ya doctor el barka fe sharh hadretk bs Cute Miley mesh cut milky Smile

thanks again

ازيكم ... اخباركم ....يارب تكونوا بخير

عااارف بجد انى متاااخر.... اه وزيادة اووووى

ايوة .. وعارف انى زودتها ...بس اعمل اية الظروف

يارب تكونوا مقدرين

المهم
ندخل ف الموضوع ع طول

انا قلت افتح نفسكم بفاصل اعلانى بسيط كدة
طب يللا نبدأ
!!
بما إن ده فاصل إعلاني فهو عبارة عن شوية ملاحظات

حنتكلم عن أول حاجة واسمها =======>>

Volume Of Distribution Vd

ركز أوي

وده معناه الحجم اللي حينتشر فيه الدوا
بمعنى .. ممكن الدوا ينتشر في البلازما فقط ولا يرتبط ببروتينات الدم يبقى معنى كده ان حجم السوائل اللي حينتشر فيها الدوا يساوي حجم البلازما فقط
طب ولو انتشر في البلازما وارتبط ببروتينات الدم كمان يبقى ايه ؟؟
يبقى حجم السوائل اللي حينتشر فيها هي حجم الدم كله لأن الدم هو بلازما وبروتين
يعني نقدر نقول التالي ..

It's the volume in which the amount of drug would need to be uniformly distributed in ,to produce the observed blood concentration
OR
It's the volume of fluids which contain the total amount of drug at the same concentration as that present in plasma

من قوانين الحجوم نجد انه يساوي ======== >>> Vd =Q/C

حيث ان Q ==> total amount of drug
وان C ==> conc. in plasma

مثلا فيه أدوية لها Vd قليلة زي
Heparin عشان له Molecular size عالي وبالتالي مابينتشرش أوي غير انه له طبيعة أيونية ionic nature يعني بيرتبط ببروتينات الدم
وزي كمان Sulphonamide ,Phenylbutazone & Evan's blue

ملحوظة أخيرة وهي ....
بعض تأثيرات الأدوية على بعض عند موقع الارتباط ببروتينات الدم

Important drug interactions at protein binding sites

Chloral hydrate ,clofibrate ,phenybutazone can displace coumarin

طب والكومارين ده ايه بالضبط ؟؟
ده عبارة عن anticoagulant يعني ضد تجلط الدم
معنى كده انه بيسبب سيولة للدم فبيستخدم للناس اللي عندها جلطات أو قابلية عالية لتجلط الدم
بالتالي لو كان بيستخدم لوحده مثلا الشخص بياخد بجرعة معينة
يبقى لو استخدم معاه دوا من الثلاثة اللي بيحلوا محله سيصبح الكمية الحرة في الدم أكبر ومعنى كده ان تأثيره حيزيد (لأن الدوا الحر الغير مرتبط ببروتين الدم هو بس اللي ليه تأثير) وبالتالي ممكن يسبب سيولة عالية للدم ويسبب bleeding
بقى كده لازم أخد بالي من تأثير الأدوية على بعض واظبط الجرعة جيداً

Salicylates can displace Tolbutamide

طب والتولبيوتاميد ده عبارة عن ايه ده كمان ؟؟
ده عبارة عن Hypoglycemic drug يعني بيقلل سكر الدم عند مرضى السكر
معنى كده زي اللي المثال اللي فات ..
حيعمل ايه ؟؟
حيزيد كميته الحرة في الدم والتي تسبب زيادة تأثيره فيقلل السكر بشدة ويسبب غيبوبة تسمى Hypoglycemic shock

خلااااااص .. ياترى فهمتوا
كفاية كده

اسماء الادوية لسة بدرى عليها مش شرط تكون محل تعقيد دلوقت
المهم انك تكون فهمت عاوز اقول اية

Sure i understood it and i think i heard of the Hypoglycemic shock
before but where!!.. where!!.. i just know it افهمها صح : شرح علم الادوية " عندنا بس " Icon_smile

...thanks doctor for your Great effort waiting for more Smile

w jazaka allah kol khir

» استراليا تنتج لقاحا يحمي من "الخنازير" بجرعة واحدة
» خطة مواجهة وباء أنفلونزا الخنازير فى الجامعات "ثلاثة محاور"
» التحقيق مع 6 أطباء في وفاة ثانى مصابة بـ"الخنازير" بـ مصر
» "المعصرة ببلقاس" فى حالة رعب بسبب أنفلونزا الخنازير
» "سحالي المنتدى وتماسيحه". نصيحةٌ إليك يامن تدخلين المنتديات