السلام عليكم ورحمة الله وبركاته
النهارده انا جيبالكم فرصة عظيمة جدا
عارفين ايه هو غراس الجنة
سبحان الله والحمد لله ولا اله الا الله والله أكبر
لو حبيتوا تقولوه كتير هتقولوه كام مرة 50.......100.........150
احنا بقى هنقولوا 300 مرة فى ربع ساعة بس...............................طيب ازاى؟
فى صلاة جميلة اوى اسمها صلاة التسابيح
الصلاة دى بتصلى ازاى؟
ركزوا معاية شوية
هى عبارة عن 4 ركعات من غير تشهد فى النصف
هتبدأوا عادى بتكبيرة الاحرام هتقراوا الفاتحة وصورة صغيرة عادى خالص وبعدين تقولوا (سبحان الله والحمد لله ولا اله الا الله والله اكبر) 15 مرة ال4 كلمات دول يعتبروا مرة واحدة مش 4
وبعدين تركعوا هتقولوا عادى سبحان ربى العظيم وتقولوا وانتوا راكعين (سبحان الله والحمد لله ولا اله الا الله والله اكبر)10 مرات
ترفعوا من الركوع وتقولوا 10
تسجدوا 10
ترفعوا من السجدة 10
تسجدوا تانى 10
ترفعوا من السجدة التانية وقبل ما تقفوا للركعة التانية 10
يبقى كده فى الركعة الواحدة
15+10+10+10+10+10+10=75 75×4=300
وهكذا فى الركعات الثلاث الخرى
وعايزة افكركوا بحاجة اوعوا تنسوا قبل التحيات الاخيرة تقولوها 10 عشان فى ناس بتتلخبط
والوقتى بقى اقولكوا نص الحديث
هذه الصلاه علمها رسول الله صلى الله عليه وسلم عمه العباس رضى الله عنه فقال
" تصلى اربع ركعات,تقرأفى كل ركعة فاتحة الكتاب وسورةفاذا فرغت من القراءة فى اول ركعة فقل وأنت قائم "سبحان الله والحمد لله ولا اله الا الله والله أكبرخمس عشرة مرة,ثم تركع فتقولها عشرا ثم ترفع رأسك فتقولها عشرا ثم تهوى ساجدا فتقولها عشرا,ثم تقعد فتقولها عشرا,ثم تسجد فتقولها عشرا,ثم ترفع رأسك فتقولها عشرا فذلك خمس وسبعون فى كل ركعة, ثم تفعل ذلك فى اربع ركعات.وان استطعت ان تصليها فى كل يوممرة فافعل,فان لم تستطع ففى كل جمعة مرة فان لم تفعل ففى كل سنة مرة فان لم تفعل ففى العمر مرة
تقبل الله منا واياكم الصيام والقيام وسائر الاعمال