هل تقيم البنت من ملابسها ؟

موضوع: هل تقيم البنت من ملابسها ؟ 17/5/2009, 1:00 pm

لكل حضاره لبس مميز و مختلف عن الحضاره الأخرى لكن الشئ المشترك بين الحضارات
هو أهميه الملابس و الإهتمام بالأناقه لدرجة ان الحاكم كان لو قلع لبس مستحيل يلبسه تاني
و كان في موظفين متخصصين بس لابتكار موديلات جديده لملابس الحاكم .
بس دلوقتي بعد الإنفتاح و العولمه أصبح القليل جدا من الشعوب يحتفظ بزيه الوطني
و لكن باقي الشعوب اتجهو للملابس الغربيه و أصبح
كل يوم في موضه جديده
موديل جديد و لون جديد
لبس واسع أو طويل
لبس ضيق و لبس قصير
ألوان فاقعه و ألوان هاديه
لكن السؤال دلوقتي :
هل نقيم البنت من خلال ملابسها ؟

امممممممممممممكن يكون ده الانطباع الاولي
لكن موش كفايه عشان نحكم ع بنتي
يعني ممكن تكون شكلها يوحي باالالتزام و هيا موش كده
يكون لبسها دون بسبب ضغوط البيت مش اكتر

لا طبعا ماينفعش نحكم على الشخص حكم نهائى عن طريق ملابسه
هو بس بيدينا انطباع اولى عن البنت بس الانطباع ده بنسبه 50% خاطئ

انا هتكلم في شقين في الموضوع ده
اولا : نوع الملابس من حيث هل هذه الملابس هندامه المظهر ام مهلهلة المظر بمعنى اخر فقيره او غنيه
يروى أن رجلا وقور المظهر كبير السن قد خط الشيب رأسه فازدادت ملامحه وقارا وهيبه حسن العطر دخل على النبي صلى الله عليه وسلم فوقره الناس توقيرا ونال منهم المنزلة العاليه فلما تكلم وجدوا الركاكة في كلامه وبينما هم كذلك اذ مر عليهم رجل فقير مهلهل الملابس ليس له بطيب العطر فاحتقره الناس ونبذوه فقال لهم النبي صلى الله عليه وسلم والله ان هذا الرجل ـــ يقصد الفقير ـــ لهو افضل عند الله من ذاك ــيقصد الغني الوقور ـــ أو كما قال رسول الله صلى الله عليه وسلم فهذا فيما معناه واكيد طبعا الموضوع مش بيقصد الق ده بس انا حبيت اقوله لأنه مقدمه للشق الثاني وهو المظهر

ثانيا : بالنسبه للملابس من حيث ان كانت خليعه او محترمه ولا بلاش خليعه خليهاخارجه عن النص حبتين يعني م الاخر مش الزي الشرعي للفتاه المسلمه طبعا طبعا لو في بنتين واحده ملتزمة باللبس الشرعي اللي طبعا شروطه معروفه لدى الجميع وواحدة تانيه لأ طبعا البنت الملتزمه اول انطباع لأي حد هيشوفها هيكون في صالحها اما التانيه طبعا وقطعا لا حتى لو كان العكس في اخلاق وتربية كلا منهما ودي برده استحاله لأن الملتزمه بحجابها الشرعي اكيد متربيه تربيه اسلاميه والتانيه حتى لو متربيه ع الاسلام فده لم ينعكس عليها من خلال لبسها
ولازم نخلي بالنا كويس اوي كمان اننا بنمشي في الشارع بنشوف بس انما مش بنقعد نسأل دي بنت مين او متربيه ازاي محدش بيبص على التفاصيل دي حتي لو كانت في صالح اللي مش ملتزمه فالناس لهم الظاهر ورب الناس هو اعلم بالباطن وطبعا حكمنا على الناس من خلال ظاهرهم والقصة الشهيرة بتاعت اسامة بن زيد هي اروع مثال لذلك لما كان في احد الغزوات وانفرد بمشرك فلما اتاه اسامه قال الرجل اشهد ان لا اله الا الله وان محمدا رسول الله ولكن سيدنا الحب بن الحب قتله ولما رجع وقص ما كان من أمره للنبي قال له النبي أقتلته بعدما قال لا اله الا الله فكيف بلا اله الا الله تحاججك يوم القيامه فقال اسامه يارسول الله ما قالها الا خوفا شوفوا بقه النبي قاله ايه :.....هلا شققت عن صدره ؟؟؟!!!!ملكش دعوه باللي جواااااااااااااه انت ليك الظاهر بس والله اعلم
طيب لو مثلا شاب ملتزم عارف دينه كويس بيمتثل لأمر الله في الحلال والحرام غيور على دينه واهله الشاب ده حب يتزوج ورأى بنتين واحده ملتزمه بالحجاب الشرعي والتانيه لا فأيهما سوف يختار ؟؟ نرجع ونقول (الطيبات للطيبين والطيبون للطيبات والخبيثات للخبيثين والخبيثون للخبيثات) يعني اللي عاوزه تفوز بزوج صالح يدخلوا الجنه معا عليها بان تكون طيبة لتتزوج من طيب ولكي تكون طيبه يجب ان تتقي الله في كل شئ حتى لبسها
دا ربنا قال لنساء النبي (واتقين الله)فما بال نساء المسلمين اليوم
اللهم اهد شباب المسلمين وبنات المسلمين
تقبلوا مروري

بصراحة اليومين دول لبس الفتاة والشاب ايضا يعكسوا نسبة كبيرة جدا من شخصيتهم سواء احترام او .......... بالنسبة للفتاة او جدعنة ورجولة و...........بالنسبة للشاب وطبعا الكل عارف ايه المكتوب مكان النقط

شكرا علي مروركم جميعا

الموضوع ده وجهات نظره مختلفة على حسب البيئة المندرجة منها الفتاة أو الشاب والنقطة دى اتكلم فيها دكتور مسلم بشكل واسع مش محتاجه افصل فيه....

فيه بس نقطة بسيطة البنت اللى مش ملتزمة فى رأيين لعدم التزامها:
الاول:البيئة مش مساعدة لان الاب والام أكيد نفس الموضوع
الثانى:أحيانا بيكون تفكيرها انها تلفت نظر الشباب م الاخر بتعرض نفسها ومتعرفش المسكينة انها سلعة رخيصة لعيون كثير من الذئاب الجائعين...

واحيانا بقى وده اللى بيخص ان رب الاسرة سواء كان اب أو أخ أو زوج ديوث ومش غيور على اهل بيته وبالتالى ممكن جدا يكون هو اللى بيطلب منها كده

مثال:احيانا تكون البنت ملتزمة وربنا ييسرها الامور وتتخطب وبعدين تلاقيها حاجة تانية خالص يعنى النقيض تماما وممكن يكون العكس التغيير ده للأحسن....

فى واحدة حكيت لى عن موقف غريب:تعرف بنت لما اتخطبت خطيبها قالها:

(((عايزك تحطى برفيوم اللى على أول الشارع يشمه)))

تتخيلوا كده؟؟؟؟؟؟

الله المستعان ...سلمت يداك يا آية.......

أ،ا رأي إني لو معرفشي البنت ديه طبعا بيكون إنطباعي عن أخلاقها وعنها بنسبة كبيرة جدا عن طريق لبسها

اولا :مظهر البنت اوالولد لازم يكون كويس
بغض النظر عن قيمتة المادية
فالمضهر السليم يدل على 60%من الشخصية
ثانيا: ما هو المضهر الكويس؟؟؟
هو ان يكون غير ملفت اوجذاب- او غيرمهلهل_غير نظيف-
او مشير الى الاستفزاز
ثالثا:كيف يدل المظهر على الشخصية؟
الالوان فمثلا الالوان الساخنة تدل على(الشقاوة)واللوان الهدة تدل على( الهدوء)و
التنسيق فى الملابس مهم ججججججججدا
اختيارنوع الملابس
رابعا: فى رائى الطباع الاول يكون سليم نسبي
و-المحترم محترم حتى لوفى القاع
و_كما انى افضل ان لا تحكم على المرئ قبل ان يتكلم

كلام جميل خالص
اذا ادي الانسان ما له من واجبات وعرف ما له من حقوق
هتسير مركب الحياة بإذن الله
فهكذا الحياة الزوجية

بصوا ياجماعة أنا من رأيى ان المظهر وسيلة حكم وماهياش سطحية ولا حاجة.........لأن بمنتهى البساطة المنطق بيقول ان ظاهر الاشياء المفروض يدل على باطنه............لو حصل العكس يبقى أساسا الشخصية دى هى اللى متركبة غلط.........وبعدين هقولكوا حاجة لو دخل الدكتور فى المحاضرة بجينز وتى شيرت عادى. تفتكر انطباعنا بيبقى ازاى..؟حتى لو كان جبار فى الشرح فمن المفترض انه برده يحافظ على مظهره و مش هكون سطحية ابدا لو قلت كلمة مش ولا بد عليه...لأن هو المفروض اللى يحافظ على شكله داخليا وخارجيا...........بالنسبة للبنات الموضوع مش محتاج أحكم لأن هى بتاخد ذنوب ودى صفر على الشمال من اى انطباع لاى حد فى الشارع....اظن انطباع ربنا اهم...وبعدين حتى لو تدينها داخلى وماانعكسش على هدومها و مظهرها.تفتكر ده عليه ثواب ولا حتى له فايدة؟..اما الشباب من الرجال.........فربنا يسترها بقى...انا مش فاهمة هبل ايه اللى فى اللبس ده سواء الوان و لا أشكال وموضة وبعدين لما ولد يلبس بمبى انا هلبس أيه؟يلا معلش يا ناس عالاطالة.............الا اخبار البارا أيه؟

» البنت ام الولد
» بالدليل المادى البنت احسن من الولد