مراية ونتيجة وساعة......وقميص ابيض؟

مراية ونتيجةوساعة.. وقميص أبيض

عندك مراية فيبيتكم؟

طب معلق نتيجة على الحيطة جنب الساعة اللي بتعد ساعات العمر؟ معاكورقة وقلم أو فاتح الوورد على الكمبيوتر؟ جوّاك شجاعة كبيرة وقادر تواجه أخطر الحقائق وأشدها فزعا؟لو إجابتك عن كل الأسئلة اللي فاتت دي بأيوه ..
يبقىحلو قوي.. شمر بقى كم القميص وخش في الموضوع عدل أما لو كانت الإجابة عن نفسالأسئلة بـ: لا فإحم.. يبقى شمر كم القميص وخش برضه في الموضوع عدل

*******

تخيل إنك قعدت مع نفسك على انفراد بعد الفطارالحوار بقى هيكون شكله إيه ..

*******

كده..؟؟

انت: مساء الخير
نفسك :يسعدمساك ...... نعم أي خدمة؟
انت: بالراحة عليّشوية.. عادي يعني.. كنت عاوز نقعد مع بعض شوية
نفسك : ليه يعني بمناسبة ايه ؟
انت:يا ستي ده إنتِ نفسي.. مش لازم يعني يكون فيه سبب عشاننتكلم مع بعض
نفسك: اتفضل يا سيدي.. سمعني
انت :مش عارف.. حاسس إن أنا غلطت لما اتخانقت مع ماماالنهارده الصبح
نفسك: مش هي اللي مارضيتشتديك فلوس عشان تشتري كتب الجامعة
انت : مانتي عارفة إني خدت منها فلوس الكتب قبل كده 3مرات بعد ما أخدتهم من بابا 4 مرات وبرضه ماشترتش الكتب
نفسك : آه والله في دي عندك حقك.. ما هو إنت اللي بتصرف فلوسكدايما على البنات، ده حتى في رمضان قال إيه بتجيب لهم شيكولاتة وابقوا كلوها بعد الفطار وافتكروني..
انت :طب خلاص خلاص هولازم يعني تشدي عليّ كده في كل مرة.. خلاص ماعدتش هاعمل كده تاني.. بس لازم أعتذر لماما صح.. صح؟
نفسك :طبعا.. يالا قوم بدل ما إنتقاعد قدامي كده.. ايه دة ؟ جيل فاشل صحيح

*******

ولاّ كده؟؟

انت: مساء الخير
نفسك: مساءالخير يا جميل .. ما تاخد لك نفس طيب..
انت :لايا ستي.. ما هو أنا أصلا جاي لك عشان كده
نفسك وهي تنفخالدخان في وجهك : فووووووو.. وماله اتفضل اتفضل
انت :بصراحة... أنا عاوز أبطل شرب سجاير
تقف نفسك في قلب الصالة وهي تضع يدها في وسطها قائلة لك :نعم.. تبطل شرب؟

انت وفيها إيه؟.. أيوه أنا عاوز أبطل شرب سجاير .. بصراحة باصرف عليهم فلوس بالهبل وصحتي بقت زيرو.. ده أنا لما باطلع السلم بانهج وكأني شايل جبل المقطم على صدري.. وأنا ساكن في الدور التاني ما بالك بقى لو كنت ساكن في الدور الخامس ولا السادس؟
نفسك :عادي يعني هتحس إنك شايلجبل المقطم والجبل الأخضر..
انت:قولي عليّ زي ما تقولي.. بس أنا قررت.. مافيش سجاير بعد النهارده، إيه رأيك بقى؟
نفسك :خلاص يا عم إنت أدرى بنفسك.. بس بس يعني مش هاتفرق من السيجارة دي طالما هتبطل بقى
انت:يا ستي باقول لك هابطل هابطل
نفسك :يعني كنت كابتن مصروهتبطل كورة ما تبطل يا سيدي.. باقول لك دي آخر واحدة مالهاش تأثير يعني
انت:تفتكري؟نفسك تشير لك بعلامة "كده " ثم تقدم لك السيجارة التي تلتقطها في سرعة أدهشتك أنت شخصيا.. لحظات ويمتلئ المكان بالدخان .. كح كح.. مش تفتح شيش البلكونة طيب؟

*******

شفت بقى، آدي الحوارات ولا بلاشعرفت ليه لازم يكون عندك في البيت ساعةونتيجة..؟
عشان تبص على الأيام اللي راحت من عمرك وعرفت ليه إنت محتاج مراية؟
عشان تشوف فيها نفسك على حقيقتها.. وتقف قصادها وتسألها هي الأيام والساعاتاللي راحت دي راحت في إيه؟ والأفعال اللي قمت بيها كانت صح ولا غلط؟

*******
خايف؟

ماتخافش.. صحيح إن كتير من الحكماء قالوا إن أكبر عدو ممكن تقابله في حياتك هو نفسك، وصحيح كلنا عارفين إن النفس -عادة- ما تأمر صاحبها بالسوء، بس خليك شجاع، وحاول تواجه نفسكاقعد مع نفسكوحاسبها بالورقة والقلم

لقيت نفسك غلطان ؟؟؟؟؟؟؟

عاديماتزعلش.. اعرف إنك غلطت وحاول تصحح الغلط ده لو تقدرطب لو ماقدرتش والوقت فات؟ ..

مافيش مشكلة

خليك فاكر وأكيد عمرك ما هتغلط نفس الغلطة دي تاني

لقيتنفسك عملت حاجات كتير صح وخير

وده صعب.. بس حلو قوي.. اثبت على كده يا عم.. ودرب نفسك على فعل الخير وحب عملهيعني في الحالتين إنت كسبانكسبان ..
محاسبة النفس دي زي كده ما الواحد يكون عنده قميص مش نضيف.. وبعدينيغسله بمسحوق معتبر.. بعدها يرجع أبيض زي الفل.. زي الأول بالظبط.. صحيح القميصممكن يتوسخ تاني.. بس ممكن برضه يفضل نضيف.. والأهم.. إنه رجع أبيض

*******
طب ايه رأيك دلوقتي
لو تحاول تحكِ لنا وتقول لنا
قعدت مع نفسك قبل كده وحاسبتها
والنتيجة كانت إيه طيب؟
ولوقعدت دلوقتي مع نفسك..
وعملت معاها كشفحساب
يا ترى هتقول إيه والنتيجة هتكون إيه؟
*******

الموضوع منقول بمعالجة

الموضوع رائع جدا

انافعلا اعدت مع نفسي كتير اوى
وفي النهايه كان بيبقي تناقض دايما ملوش اخر

ساعات النتيجه كانت بترضينى وساعات لا

انا دايما بحب اعاتب نفسي واعاقبها

وبشيل ذنب وبانب نفسي بغباااء لايوصف

ممكن اكون بقسي على نفسي كتير جدا بس شايفه ان ده الصح

لازم احط لنفسي حدود وعواقب واعاتب عشان الغلط ميتكررش

واجى في يوم ابص عالمرايه والاقينى بسال نفسي انتى مين؟؟انتى مش انا

ويكون وقتها فعلا اقول ياخساره عايامى اللى عدت ومعاتبتش فيها نفسي

لازم اعاتب نفسي واغلطها وتغلطنى

مليش غيرها يفهمنى ولايتحاسب بدالى

موضوع رائع يادكتور

واسفه عالاطاله

تقبل مرورى

شكرا على المرور يا لحن الحياة

فعلا موضوع جميل

الواحد لما بيقعد مع نفسه بيحس بتناقض فظيع
بس المشكله ان مفيش جرأة لمواجهة هذا التناقض

موضوع جامد جدايا دكتور محمد
فعلا كل الكلام اللى موجود فيه صح
المفروض الواحد يقف مع نفسه وقفه ويحاول يغير حياته
عشان الحياه مليانه حاجات كتير غلط لازم الواحد يقف واقفه ويحاول يغير حياته ومش شرط تكون حاجات من اللى انت كاتبها بس فى حاجات تانيه كتير
وشكرا

موضوع اكثر من رائع
واكيد كل واحد فينا اتعرض للمواجهه دي والاهم ان الواحد بجد يعترف بخطأه
ويحاول بقدر الامكان يتفاداه
جزاك الله خيرا

جميل جدا

» ليه العروسه بتلبس فستان ابيض فى فرحهها