منك لله يامفيش فكه وروح نام ياكرومبو وطلحه لاتعليق وجمال هو النجم والحكم وااااااااااااااكل

انا هبدا الموضوع بحسبى الله ونعم الوكيل فى كل من
مفيش فكه(ضيع جونين ميضعوش منك لله روح)
الحكم خالد سويلم الحكم ده واااااااااااااكل وكل دى صفاره متوتورناش ياناس
والحارس الدولى بردوا محب افندى (كرومبو)

انطلقت فى عصر اليوم مباراة كرة القدم بين فريقى بتاعتنا ( مننا لله) وفريق توتى (فريق فى سنه اولى مش مكسوفين من نفسنا مش عارف)
وقام بتحكيم المباراه الحك خالد سويلم وربنا مبيعرفش يحكم خااااااااااااااااااااااااااااالص
ومن الاول كده علشان تبقوا على نور المباراه اتغلبنا فيها بس انا الى الان مش عارف كام ناس بتقول واحد صفر وناس بتقول اتنين صفر ليه بقى
لان لما جه الجون التانى مسكنا فى الحكم والمباراه وقفت وكان هيبقى فيه مجزره بس يله احنا كده كده مغلوبين مش فارقه
الشوط الاول
الحارس/ المفتش كرومبو -صد انفراد جامد فى الشوط الاول كان حلو
الليبرو/-محمد جمال الواد ده هو النجم دايما وربنا يوفقك يااااارب
اليمين/محمد بدر طه-كان شغال فى الشوط الاول حلو
الشمال/محمد الفولى -كان عامل ماتش جامد بس منه لله الى فى بالى
النصف/احمد ابو الفتوح -متعصب من اول الماتش مش عارف ليه تقريبا محلش فى الفارما
النصف برضوا/-فتحى ايوا كان شغال برضوا وبيلعب حلو
الهجوم/-مفيش فكه وحسبى الله ونعم الوكيل فيك ومنك لله فى حد يضيع جونين ياراجل زى الى انته ضيعتهم روح اجرى نام
انتهى الشوط الاول صفر صفر واحنا كنا الاحسن
الشوط التانى
الفريق حصل فيه تعديل فى نهاية الشوط الاول بنزول الكابتن ويخربيت التكتك بتاعه وانا مصمم انه كابتن على نفسه
ونزل احمد جمعه كان شغال حلو بدل من الفولى وبدر (طه)
الحارس/محب -منك لله روح علشان الجون التانى والجون الاول بسببك برضوا انته وطلحه باشا الى ماسك العرضه مش عارف ساب الكوره تعدى ليه
الليبرو/محمد جمال مصطفى نجم اللقاء بدون منازع
الشمال فى الشوط التانى/وربنا معرفش انا كنت شايف حاجات غريبه بس تقريبا
اليمين /نفس الحكايه
النصف /بقى لعب طلحه افندى
والنصف برضوا /لعب طه (نزل بدل من فتحى ايوا)
الهجوم/ لعب الفولى وربنا ولا له فيه قدام قاعد يجرى وخلاص(نزل مكان مفيش فكه ولاده نافع ولا الفولى نافع هى خربانه خربانه)

الجون الاول داخل عن طريق ضربه ركنيه من ناحية اليمين وانته داخل الملعب بس لو انته بره هتبقى شمال ولو انته مش موجود خالص مش هتشوفها لان الماتش مشفر
المهم الواد لفها فى الجون وعدت من الباش مهندس طلحه والجون افندى معرفش يمسكها
وده الجون الاول
بعدين بقى لقيت فتحى افندى بينده بيقلى تعالى غير قلتله والله ما انا طالع شوف حد تانى
المهم قام فتحى نازل ولعب فكنا بنلعب زياده واحد والحكم نايم على نفسه
وبرضوا معرفناش نجيب جون
المهم الجون التانى جه عن طريق رمية تماس لعبها الولا لمست قدم لاعب من عندهم وجت فى ايد كرومبو افندى ودخلت جون
المهم احنا مسكتناش قعدنا نزعق ونعمل (حجة البليد بقى)
وكرومبو يحلف كدب انها مش جون والدنيا كلها عارفه انها جون
تعليقات على المباراه
1-كرومبو اعلن مصدر مسئول رفض ذكر اسمه (طلحه افندى) ان مفيش تجديد لمحب الموسم القادم وهنشترى حارس جديد والكديد كديد سيبك انته
2-الحكم خالد سويلم تقريبا كان حكم يد العيال بتوع اولى بيلعبوا الكوره بايديهم وهو ولا هنا وفى ضرب وطالما فيه ضرب ضربنا احنا كمان
وكان فى ضربة جزاء لفتحى ايوا اتحسبت عليه هههههههه
والفولى الواد بتاع اولى جه يلعب الكوره ضربه وبيقول معملتش حاجه
ففيه مصدر مسئول مرفضش يقول اسمه قاله عادى يعنى بس انا مش فاكره ان خالد معتش هيحكم لمدة عشر سنين قدام
3-الواد مفيش فكه هيتم توقيع غرامه عليه اقصاها عشرة الاف دولار جنيه استريلنى ين يابانى ودينار سعودى ويورو كمان ومفيش نيه
للتجديد معاه وهيتم دفع الغرامة بتاعته مكافئه للفولى لانه حلف بالله مش هيطلع من الماتش
4-بالنسبه لتصوير المباراه كان بيزيع عليها احمد السعيد المشهور بكادت كادت كادت
مش هعرف احط اللقاء لانه تقريبا كان بيصور حد تانى مثبت الكاميرا وقاعد يذيع روح نام يا احمد انته كمان
5- الماتش الجاى يوم الثلاثاء الساعه 3 وربنا وربنا كمان مره لو ملعبتوا حلوا يله انته وهو شوفوا ايه الى هيحصل فيكم
6-ونقلا عن مصدر مهم ومسئول فى الفريق بانه هيتم ارسال شكوى لمحمد مهدى عاكف (مليش دعوه بحاجه هما الى عاملين الدوره) هيتم رفع شكوى
ضد خالد سويلم افندى
7-اللاعيبه قبل الماتش الفولى وبدر وابو الفتوح واكلين سندوتشات بطاطس
ومحب ومفيش فكه واكلين سيش بروجر يعنى مفيش اتحاد بين الفرقه الواحده
الموضوع ده اثر فى طه قوى ههههههههههههه
8- اللاعب ابو الفتوح افندى من ساعة ما خلصنا اكل لغاية ما روحنا الماتش كانت عينيه رايحه جايه
وكان ماشى معاه الفولى افندى ومحمد جمال واحمد السعيد وفتحى ايوا (محدش يفهم صح)ده كله من بعد ما شافوا الكبير ولا بلاش
9- قلنا نصلى علشان ربنا يكرمنا صلينا وكان الامام الفولى
اعتقد علشان كده ضعنا
10-انتاب جميع الاعبين بعد المباراه نوبه من الضحك الهستيرى بعد المباراه
معندهمش دم خااااااااااالص هههههههههههه
وانتظروا كل ما هو جديد وحصرى
وحسبى الله ونعم الوكيل
Sad

اذا كان افشل واحد فى الماتش هو الى كاتب الموضوع

يبقى عاوز ايه يعنى
متنساش انك فى مع اول كره وانت بتلعب باك شمال رحت ع اليمين واسال كابتن طلحه
وانا معترف اماااااااااااااااااام الجميع انى سبب الخساره لانى ضيعت فرص
بس شوف الفرقه من غيرى فى الشوط التانى
نايمين فى نص الملعب
والسبب الاهم فى الخساره بقى من الاخر انى اكلت تشيس بورجر اصل انا مش متعود ع الحاجات دى ما تسدش معايا اصلا
هو ده الى زغلل عينى وخلانى مش شايف الجون

يلا بالشفا عقبال ما نكسبكوا يا فوللى وناخد بثاركوا قولوا امين الله يخرب بيتكوا ما تشنا ومتشكوا هتبقى مجزرة

لا تعليق هههههههههههه

واضح انك فاهم ياعطيه

انا عايزكم تموتوا نفسكوا الماتش الجاي لاني ممكن ماقدرش العبه والفولي هيبقى الكابيتن عشان تخرب اكتر
حبيبي يا مفيش فكة

حبيبى يا طلحه

بس الفولى لو بقى الكابتن فأنا اعلن اعتزالى
ومش هدفع العشر الاف دولار
والمحاكم فاتحه ابوابها

يبقى هتعتزل ياباشا
يابنى فى حد يضيع الجونين الى ضيعتهم ياراجل روح نام
انسى التجديد فى الموسم القادم
وبالنسبه لطلحه انه مش هيلعب اعتقد ان ربنا هيكرمنا بالفوز
احمدك ياااااااااااارب

معلشي يا رجاله نعوض الماتش الجاي

ودى الحرب النفسية اللى فريقنا شغال عليها دلوقتى لازم حرب من دى علشان نقابل الفريق مطحطم خالص اوعى ياعم الحج

ياحبيبى انتم كده كده هتتغلبوا
الى حصل كان زى ما بيقولوا
لكل جواد كبوه

ده مش لكل جواد ده لكل تييييييييييييييييييييييييت هو لسه في كده يا فولي يا مشهور بروح نام
اكيد لازم تخسروا طول ما النجم مش معاكو

اللي عنده كلمة يخليها لنفسه والملعب موجود ومتفرحش اوي يا فولي طبعا انت فاهمني

اهدوا كده يا رجاله الماتش الجاي قرب الكوره هي اللي هتتكلم
لا للتصريحات العشوائيه لا للظهور في وسائل الاعلام ونركز عشان الماتش الجاي ونركز في التكتك يقه
ومتوتوروناش ياناس

ههههههههههههههههههههههههههههه والله انت واد عسل يا دكتور محمد يا جمال

انا داخل بس عشان أعرف فين كرومبو ومع ذلك معرفتوش ياترى هو مين ؟؟؟؟؟؟؟؟؟؟؟

معقوله يا حبيب معرفتش مين كرومبو؟؟؟؟؟؟؟؟؟؟؟؟؟تدفع كام وانا اقولك؟؟؟؟؟؟؟؟!!!!!!!!!!!!!!!!!

يا جماعه ربنا يوفئقوا الماتش اللى جاى بس انا اعتقد ان السبب فى الخساره ان الفريق ماعملش معسكر مغلق قبل المباراه بحوالى شهرين كده ولا حاجه بس ماتخافوش انتم تجيبوا اوتوبيس وتروحوا تعملوا معسكر يوم واحد فى اسكندريه وطبعا زى ما انتم عارفين ان اسكندريه فى الحر ده بتكون زى العسل صح ولا ايه يا رجاله المهم انا بشكر المعلق الرائع الفولى اللى بجد حسيت معاه انى اتفرجت على الماتش بالظبط بس هو نسى يوصف الهدفين اللى ضيعهم مفيش فكه هو عمال بيشرد فى حارس المرمى اللى خايف ليهرب منكم زى الحضرى ويروح يحترف فى كليه اداب براحه عليه شويه يا فولى
وشكرا وارجو منك وصف الهدفين اللى ضاعوا