لو ماضحكتش هادفعلك اللى انت عايزة

سألو واحد بخيل طحن: تعمل ايه لو الدنيا برد؟ قال: أروح جنب الدفاية. قالو: ولو الدنيا بردت أكتر؟ قال:أقرب من الدفاية. قالو: ولو بردت أكتر؟ قال: ألزق في الدفاية. قالو: طب ولو نزل تلج؟ قال: أشغل الدفاية بقى وأمري لله

واحد بخيل دخل على ولاده وقعد يزعق بصوت عالى علشان مشغلين المروحه على 3 وهما 2 بس

مرة في 3 بخلاء راحو لي تبرع لجمعية خيرية فالاول قال انا حطلع مبلغ و ارميه علي الحيطة و اللي يلزء حتبرع بيه اللي يوقع اخدو انا و التاني قال انا المبلغ اللي احدفو في السما و يلزق حتبرع بيه اللي ينزل حخدو انا و التالت قال انا حرسم خرم و ارمي الفلوس اللي يوقع جوة حتبرع بي

بخيل راح عشان يتجوز ابو العروسة بيقولوا احنا عايزين مهر عشر تلاف جنية البخيل قاله: ايه عشر تلاف جنية ده انا معروض عليا بالفين وحامل كمان

واحد بخيل اوي لما اتجوز سافر قضي شهر العسل لوحده

واحد بخيل عندو ثلاث تفاحات فتح الاولى لقى فيها دود التانية فيها دود وصل للثالثة طفا النور و أكلها

مره واحد محمل فراخ وهوه معدي علي كمين سالوه الظابط محمل ايه قالو فراخ يابيه قالو بتاكلهم ايه رد عليه السواق باكلهم علف ودره ام الظابط لا الفراخ مايكلوش علف و دره دول بيكلو لانشون وبسطرمه وراح عملو مخالفه غالسواق بعد مامشي جه عالكمين التاني فالظابط بيسالو محمل ايه قالو فراخ يا باشا قالو بتاكلهم ايه قالو لانشون و بسطرمه قالو ازاي الفراخ بتاكل دره وعلف مش لانشون وبسطرمه وراح عملو مخا لفه وبعد السواق مامشي وجه عالكمين التالت فالظابط بيسالو محمل ايه يا اسطي قالو فراخ يا باشا قلو بتاكلهم ايه بص يا باشا انا بدي كل فرخه نص جنيه وهيه تاكل اللي علي مزجها

مرة واحد غبي ماشى فى الشارع قال يارب يااااارب احط ايدى في جيبى الاقى 10جنيه يااااارب، حط ايده في جيبه لاقاه مخروم رجع يدور عليها لتكون وقعت

مره ثعبان قابل ثعبان لقاه بيعيط قالوا انت بتعيط ليه رد اصلي انا نظري ضعيف قالو بسيطه ركب عدسات وبعد يومين وهو معدي لقاه بيعيط تاني قالو انت بتعيط ليه تاني، رد اصلي اكتشفت ان اللي بحبها من عشرين سنه طلعت خرطوم

مرة واحد ركب دش فوق السطح فعلشان ماحدش يقرب منه من السكان بنى حواليه كوخ وقفله وقال للسكان

انا حاطط أسد في الكوخ ده فمحدش يقرب منه أحسنله ، السكان فضلوا خايفين يطلعوا السطح لحد مايوم

الشجيع بتاعهم طلع وراح فاتح الكوخ راح نازل جري ووشه أصفر السكان قالولوه ايه شوفته ، قالهم لأ

أنا شوفت الطبق اللي بياكل فيه بس

مرة واحد غبى ماشى فى الشارع لقى قرد مشي بيه قابل عسكرى مرور سألوا اودى القرد ده فين العسكرى قال له ودىه جنينة الحيوان تانى يوم معدى بالقرد العسكرى قال له مش قلتلك وديه جنينة الحيوان قال له ما أنا وديته امبارح ، النهاردة بقى هاوديه السينما

كان في مرة واحد صاحب مزرعة جزر وجانبه واحد صاحب مزرعة ارانب كان كل يوم يجي يلاقى الارانب اكلت الجزر كله وهكذا كل يوم لحد مل زهق قرر انه يروح مزرعة الارانب وجاب شاكوش وكسرلهم كل اسنانهم جه تانى يوم الصبح برده لقى الجزر بتاعه حد اكله راح عند الارانب ومسك واحد منهم وقاله انتوا واديتوه الجزر فين قالوه :عملناه عثير وثربناه

مره صرصار طلع من الخلاط قال يخرب بيت إللى يدخل الملاهى تانى

النمر كان كل ما يشوف الأرنب يضربه و يقول له انت ودانك طويلة كده ليه فالأرنب راح اشتكى للأسد فالأسد طلب النمر و قاله لما تعوز تضربه قول له هاتلي جزر لو جابلك جزر اصفر قوله هات جزر أحمر و لو جاب جزر احمر قوله هات أصفر ، النمر قال للأرنب عاوز جزر الأرنب سأله أحمر ولا أصفر قام النمر ضربه و قال له انت ودانك طويله كده ليه

مرة ندل ماشى مع واحد صاحبه قاله ارهنك على كام ان اللى ماشية مع الراجل هناك دى اسمها فوزية قاله وانت عرفت ازاى قاله اصلها مراتي

مره واحد فشار قوى بيقول لصاحبه انا كنت ماشى فى الصحره طلع عليا اسد نطيت في البحر،صاحبه قاله بحر ايه بس اللي فى الصحره، قال لا انا قلت لقيت ابو الهول اتشعلقت فى رقبته، صاحبه قاله وايه اللي جاب ابو الهول في الصحرا، فقال وانا ماشى فى الصحره طلع عليا اسد أكلنى.. ارتحت

مرة واحد فشار قوي قاعد على القهوة مع واحد صاحبه وقالوا إن أبو جهل كان بيتعشى معاه أمبارح في البيت فرد صاحبه وقالو يا كداب أبو جهل مات من الف وربعميت سنه قام الفشار منادي على جاره قالوه مش أبو جهل كان بيتعشى معايا أمبارح جاره قال الكدب خيبه .... بس كان فيه عربيه راكنه هنا أمبارح نمرها ملاكي قريش

انعقد مؤتمر دولي في فرنسا وكان بعنوان الأتصالات والتكنولوجيا المعاصرة ، فبدأ بالحديث فيلسوف فرنساوي وقال لقد حفرنا تحت برج ايفل ولقينا أسلاك تليفونات وده دليل على انه احنا عندنا التليفونات بقالها اكتر من 100 سنة ، وقام الإيطالي وقال احنا حفرنا تحت برج بيزا ولقينا أسلاك تليفونات وده دليل انه احنا عندنا التليفونات بقالها اكتر من 500 سنة ، وقام البروفيسور العظيم المصري وقال: احنا حفرنا تحت الأهرامات وملقيناش حاجة وده دليل على انه احنا عندنا الموبيلات بقالها اكتر من 7000 سنة

مره فى ثلاثه بنات ماشيين فى الشارع واحده بتقول انا عايزه اتجوز واحد يكون له هيبه وشان عظيم والثانيه تقول انا عايزه اتجوز واحد من اليابان والثالثه عايزه تتجوز لاعب كوره مصرى مشهور ، واحد كان ماشى وراهم وسمعهم ام راح يسلم عليهم ويقول انا العميد يونج يانج الشهير بابو تريكه

كفايه عليكم كده لحسن تموتم من كتر الضحك
انا بدعى انكم تكونا ضحكتم علشان ما ادفعش حاجه ههههههههه

نسيت اقلوكم اخر اخر نكته

مره وحدة روحت على بتها متاخر قال لها زوجها :انتى كنتى فين يا مدام ؟؟؟ قالت :لا مهوا ... اصلو ... كان فى واحد بيعكسنى قال لها :هو بيعكسك انتى اتاخرتى ليه ؟؟؟؟ قالت :اصله كان ماشى على مهله ....!

هههههههههههههههههههه جامدة أخر حاجة

ههههههههههههههههه جامده جدا

جاااااااااااااامدة يا مودي
بس أنا مضحكتش شكلك هتدفع ههههههههههههه

طيب انا اعملك ايه يا ياسر لو انت ماضحكتش العيب عندك انت
انت اللى عندك اكتئااااااااب هههههههههههه

والله مش عارف اضحك علي ايه كل النكت قديمه علي العموم هع هع هع هع انت شكلك البخيل اللي في النكت دمك شربات والنبي شربات

هههههههههههههههههههههههههههههه والله انت عسل يا واد يا كاتب

ماشى يا كاتب النكت قديمه بس حتى لو سمعتها 100 مره هيا اصلا النكت تضحك لوحدها

مش كلها جامده بس فيه نكت من الاخر فعلا

يابلدنا فيكى حاجه محيرانىنزرع القمح فى سنين تطلع الكوسه فى ثوانىM . A

هو الكلام ده نكت . كان المفروض تكتب انها نكت تحياتي

خلاص بئى يا طلحه مش انا اديتك الفلوس اللى انت عايزها علشان ما ضحكتش

ماهو انا سمعتها اكتر من 100 مره فعلشان كده ماضحكتش ........................ فله ياطلحه انت اللي فيهم

مشكلتك يا كاتب انك عايز تتلت عليا بس صدقنى مش هاتعرف

ههههههههههههههههههههههههههههههههههههههههههههههههههههههههههههههههههه

مع انى سمعتها بدل المرة مليون الا انى برضة وقعت من الضحك بعد ماحاولت ماأضحكش
ههههههههههههههههههههههههههههههههههههههههههههههههههههههههه

ميرسى يا دكتورة
يا جماعه انا جايبلكم النكت دى من التراث القديم هيا اتسمعت كتير قبل كده بس هيا بتفضل بردوا نكت تضحك

» عايزة ترحيب جامد جدااا...بالطبيب الفيلسوف!!!!
» أحلى من اللى فات
» اتفضلوا وشوفوا اللى بيحبونا
» اللى عاوز يكلم الريس
» حد يشيل الاغنيه اللى محطوطه دى يا جدعان