مش حارمكم من حاجه(المصطلحات البيطرية الشائعة بالريف المصرى عن أسماء وحالات الأبقار)

المصطلحات البيطرية الشائعة بالريف المصرى عن أسماء وحالات الأبقار

الأسماء الدارجة للبقر ::

عجلة : أنثى صغيرة .
عجل : ذكر صغير .
فرخ بقر : إلى سنتين .
شاب بقر : سن 4 سنوات .
شابة : البقرة التى لم تعشر .
الثور : التور .

المصطلحات الخاصة بحالة الحيوان :

البهيم مكشوف : لحم على عضم { ضعيف }.
البهيم غاشش : الحيوان مصاب بالديدان الكبدية .
رفعت لبنها : لم تحلب الكمية المعتادة من اللبن .
لبنها مقطع : بها إلتهاب ضرع ، أو ضرتها منفوخة : بها ورم .
سنانها عايمة : لا تستطيع الأكل .
البقرة بتلحس نفسها : عند وجود شوك بلسانها ، أو نقص في الأملاح .
البقرة مشلبنة : توجد زوائد لحمية بآخر اللسان يجب إستئصالها حتى تستطيع الأكل بسهولة .
أكلتها ناعمة : ضعف الشهية لسوء حالة معدتها ، أو وجودأجسام غريبة في المعدة .
البقرة عاصمة : عندها إمساك .
البقرة منفوخة : من أكل الربة .
الربة : البرسيم الغير مروى و يسبب للبقر إنتفاخ .
البقرة بتزرب أو بتهر: عندها إسهال .
البز بيتشقق : مرض الضرع و تيبس الحلمات وتشققها .
قرصة ناف : ورم بالكتف نتيجة استخدام الناف .
خيشومتها جافة : جفاف المخطم .
البهيمة مقطوعة : بها كحة خاصة بعد عمل مجهود .
البهيمة مسلبة : بتنزل مخاط من الحيا مثل السلبة { الحبل} ، وهذا علامة على أنها في حالة شبق .
الحيا ده يبقي علي حد علمي الـ vagina أو vulva

شعرتها مصَبِيَة : شعرها واقف .
البقرة فوتت سنة : لم تصبح عشراً منذ سنة .
الكى : استخدام آلة محماة لكى القرون أو للترقيم .
الخزام : استخدام خيط مع قطع من الخشب لإحداث إلتهاب في منطقة معينه من الجسم .
العروس : الجزء الحساس المتصل بالشعيرات الدموية بالحافر .
شكلتها : مكا يمسك منها الحيوان للتحكم فيه { منطقة الإلتقاء بين الفخذ و البطن } .
بيت الجلسة : فتحة الشرج .
كسر الذيل : رفع الذيل لأعلى .
بيت الولد خارج برة : خروج الرحم من الحيا .
شالية لبن : واحد كيلو وربع الكيلو من اللبن .
شقتها : فخذها .

الدووش : منطقة الـ sternum

رواسة : رباط برأس الحيوان و الوجه .
خدمة : رباط برأس الحيوان و الوجه .

المصطلحات الخاصة بالحالة التناسلية للبقرة و الثور :
أولاً : الشبق و التلقيح :

البقرة صارفة : في حالة الشبق .
البقرة خارسة : لا تعطى علامة عن حالة الشبق .
البقرة مسلبة : نزول سائل لزج من الحيا .
البقرة بتحيض : نزول دم من الحيا بعد الشبق .
تفتيش البقرة : يريد جسها لتقدير الحمل .
البقرة علت : لم تمسك من التلقيح .
البقرة فوتت سنة : لم تصبح عشراً منذ سنة .
التور طلع طرفه : في حالة انتصاب القضيب .
التور بيضرب : ينط .
التور طالبها : دخل بها .
التور مخصي : لا ينط للتلقيح .

ثانياً : حالة الحمل :

البقرة عشر : حامل
البقرة بتنضف : نزول سائل لزك من الحيا بعد الشهر الخامس من الحمل .
نسيبها تربى العجالي : عدم حلب ابقرة بعد الشهر السابع .
البقرة رخت : إنخفاض فى عظمتى الذيل و ذلك لشد لجنين للأربطة .
البقرة رفعت للولادة : ورم الضرع من أعراض الولادة .
الحيا منفنفة : ورم الحيا من أعراض الولادة .
جوعتها عمرانة : عندما تأكل البقره في حالة الحمل .
جوعتها : بطنها .

ثالثاً: حالة الولادة :

البقرة مخرقة : إنخفاض فى عظمتى الذيل و ذلك لشد لجنين للأربطة .
القرن طش :إنفجار الكيس الأمنيونى إستعداداً لنزول الجنين .
البقرة بتنضف : نزول سوائل بعد الولادة من الحيا

عشره على عشره يا معلم

تصدق بالله يا فولى اول مرة الواحد يستفيد من الموقع بتاعنا ده افاده مباشرة
شكرا ياعم
جزاك الله خيرا

جزاكم الله خيرا

معلم انت جايب المصطلحات دى من سوق بلقاس

بس بجد المصطلحات دى جامده جدااااااااااا

شكرا يا اولادى
يله اهو كله بثوابه
وتعرف انا جايبه منين يارزق من سوق ليبيا

M.ELFOULY كتب:

ليبيا هو انت بقى الى رحت ليبيا تكون نفسك رجعت تكلم نفسك
ليبيا ايه يا عم دى شكلها حاجه من الاتنين
يا من سوق نبروه
يا من سوق بلقاس
يا من على مسطبة التانك يعنى
وشكلها الرابعه هى اللى صح

تمام اوى اوى اوى تسلم ياد يا فولى كلها صح وفعلا بتتسمع كتير فى الفيلد

حلوة ومفيد ليك يا فولا

نحن فى الخدمه دايما يارجاله

مجهود جامد
تسلم يا دكتور

thank u very much

تسلم يافولى

الموضوع شاكله كبير

عايز مذاكرة لواحده

بس بجد موضوع رائع كدة لان فى الاخر هنروح نعالج ونتكلم مع الناس هنحس انهم بيتكلموا هيلوغروفى

برافو فولى بس ياريت تكمل الموضوع ده

جزاكم الله خيرا والله مجهود روووووووووووووعة .بس هو يعنى لازم نعرف كل المصطلحات دى .كتيرة اوى.

قشطه عليك

thanks alot

» طرق المشي الشائعة للحصان مع التوضيح
» جميع الادوية البيطرية للdog &cat
» الادوية البيطرية وتأثيرها وجرعاتها
» المنتدى نور بوجود الدكتوره اسماء معانا فى الملتقى الترحيب فين يادكاتره ترحيب طحن يله
» من أجمل أسماء الفتيات