لكل فتاه 5 نصائح للحصول علي مظهر أنجلينا جولي في دقائق

بشرة نضرة ومتجانسة، عيون مشرقة وخدود موردة، كلها من الأمور التي يمكن
الحصول عليها في لحظات وبقليل من الجهد، إذا عرفت كيف تختارين ما يناسبك
من مستحضرات التجميل والألوان، والأهم طريقة وضعها.تقول مونيك، وهي خبيرة ماكياج، إن أهم الأساسيات تعتمد على التالي:- وزعى كريم الاساس على وجهك بواسطة أصابعك، لأنك تحصلين على نتيجة سريعة بفضل الدفء الذي ينبعث منك.بعدها ضعي بضع نقاط صغيرة من خافي العيوب (الكونسيلر)، يفضل أن يكون بنفس درجة لون كريم الاساس تحت عينيك وعلى أي شوائب في البشرة.عند وضعها يكفي أن تربتي عليها عوض توزيعها. أنهي العملية بتوزيع البودرة السائبة على مجموع الوجه بحركة سريعة وخفيفة.-
للحصول على عيون مدخنة في وقت قياسي، من الضروري أن تختاري لونا قويا
للجفون حتى يسهل توزيعه بحركة واحدة، إما بواسطة الفرشاة أو إصبعك، وإن
كان من الأسرع وضعه بالإصبع.- لعينين ساحرتين، لا تنسي أن تستعملي قلم الكحل فوق الرموش العلوية والسفلية من الجانب الخارجي، على ألا تكون بخط قاسٍ وواضح.للتمويه
على هذا الأمر استعملي فرشاة خاصة للتوزيع لإخفاء الخط، فأنت تريدين مظهرا
طبيعيا وليس دراميا. أنهي العملية بطبقة أو طبقتين من الماسكارا، حسب
المناسبة وحسب طبيعه رموشك.-
لوجنتين موردتين، وزعي أحمر الخدود من أسفل إلى أعلى العظمتين، ويفضل أن
يكون أحمر الخدود بلون الورد أو المشمش أو البرونز، بتركيبة بها لمعة
خفيفة لمظهر ندي.- ليست كل واحدة منا تتمتع بشفاه أنجلينا جولي
المكتنزة، التي لا تحتاج سوى لأحمر شفاه خفيف وملمع، لكن للحصول على نفس
المظهر يمكن استعمال قلم التحديد لرسمها وإضفاء الاكتناز عليها.تحدد من الخارج أولا ثم يوزع القلم من الداخل قبل وضع احمر الشفاه
فوقها، على أن يكون بلون قلم التحديد حتى يبدو المظهر طبيعيا. عدم
الاكتفاء بوضع قلم التحديد على الجوانب فقط، ووضعه أيضا على الشفاه، يضمن
لونا متناسقا ويدوم مدة أطول

حسب الله ونعم الوكيل
بدل ما تقول تكون زى عائشة او فاطمة تقول زى الكافرات

وما من كاتب الا سيفني .... ويبقي الدهر ماكتبة يداه
فلاتكتب بكفك غير كلامً .... يسرك في القيامة ان تراه

لا حول ولا قوة الا بالله
انت مالك ومال حوا يا محمد
وبعدين انا ليا اقتراح ممكن تخلي اسم الموضوع جذاب شويتين يعني مثلا ممن نقول
5نصايح لتدخلي جهنم في طياره
او مثلا 5نصايح لتكوني عاهرة
او مثلا5نصايح علشان تطمعي الشباب فيكي وتكوني عرضه للتحرش
انجلينا جولي؟؟؟؟ ربنا يهديك يا محمد ويتوب عليك هي البنات ناقصه يا محمد ؟؟؟انت مش بتشوفهم عاملين ازاي؟؟ مش كفايه البلاوي اللي بيهببوها في وشهم ولبسهم عاوزهم كمان يبقوا زي انجلينا جولي ؟؟؟؟؟؟؟؟؟؟؟؟ الله يسامحك يا شيخ
ويا ريت كل بنت مسلمة بجد تدخل ع الموضوع ده تقول رايها في اللي محمد قاله او بمعنى تاني تقوله انت مالك ومال حوا
حسبنا الله ونعم الوكيل

يا اسلام انا حاطت الموضوع ده للمتزوجات فقط او اللى على وشك الزواج او لاى واحده عايزه تعرف ازاى تحافظ على جمالها بعد ماتتزوج
يعنى هيا الواحده حرام تتزين لزوجها ولا ايه اوعى تقول كده
انا حاطت الموضوع ده علشان لو واحده متزوجه وحاسه ان زوجها مش معجب بشكلها
او له اى تعديلات على مظهرها يبقى تشوف الناس اللى بره بيعملوا ايه وتعمل
زيهم ولا هو الواحده حرام تتزين لزوجها ولا انا غلطان ولا ايه يا عسيلى
وكمان هو حرام الواحده تتزين فى بيتها ولا ايه
هو علشان االواحده تهتم بشكلها يبقى حرام عليها ولا ايه مش لازم بردوا
الواحده تحافظ على مظهرها امام زوجها وبعدين يا اسلام انت عايز تقلبهم
عليا ولا ايه وكمان حاجه لو واحد عرض عليك سجاير او خمر هل هاتشرب لمجرد
انه عرض عليك ولا هيكون ليك رايك الخاص وترفض انا كمان كاتب الموضوع ده لو
واحده حابه تحافظ على جمالها قدام زوجها ولاايه
هاتقولى هو فين ناس متزوجين فى الكليه هاقولك لا فى بنات مخطوبين وفى بنات
متزوجين وفى بنات كاتبين الكتاب بس واكيد الموضوع ده هايفيدهم لما يتزوجم
علشان يضمنوا ان ازواجهم مش هايبصم لاى واحده تانيه علشان مافيش واحده
اجمل من انجلينا

وياريت بجد كل واحده تقرأ الموضوع تقول رأيها بصراحه وانا هاتقبله بصدر رحب

نسيت اقول حاجه انما الاعمال بالنيات ولكل امرؤ ما نوى

هههههههههههههههههههه مخرج حلو برده يا مودي من المشكله دي حلوه حكاية المتزوجات دي هههههههههه هما فين دول ياخويا؟

مودى بطل الشغل ده
اكيد مفيش بنت دلوقتى محتاجه نصايحك دى يااخويا
هما مش محتاجين منك حاجه
البنات عارفين كل الحاجات دى ومش ناقصين
وبعدين اسلام متكلمش عن زينة المرأة لزوجها يالمض انت عارف اسلام يقصد ايه وبطل لف ودوران العملية مش ناقصاك انت كمان
سيبك من الحركات دى البنات عندهم اللى يعرفهم ولما تتجوز واحده وحشة ابقى تعالى عاتبنى

طيب والله العظيم فى بنات متزوجات فى الكليه بيدرسم وفدفعتنا كمان بس مش لازم يجوا يقولولك يعنى انهم متجوزين
وبعدين انا قولت هايفيد اللى لسه ما اتزوجوش فى المستقبل ان شاء الله
والاهم انا قولت ايه
انما الاعمال بالنيات ولكل امرؤ ما نوى

يا ابنى هو حد حلفك
الحاجات دى ماليه التلفزيون والبنات عارفين ده كويس
شيل الصورة المقرفة اللى فى الاول دى

عسيلى ................... ................. اخر الرجال المحترمين

يا عسيلى المنتدى دا بتاع حوا هم بنات زى بعض يعنى عادى لو شافم الصوره

ياابنى انت بتكلم واحد من دنيا تانيه
لحد دلوقتى مفيش ولا بنت دخلت وردت الموضوع كله للرجاله

هو فى اصلا بنات فى المنتدى ؟؟؟؟؟؟؟؟؟؟؟؟
انا شايف ان معظم المشاركات للشباب

السلام عليكم ورحمة الله:
ممكن فعلا يا دكتور مودى تكون دى نيتك بصدق
بس لو واحدة عملت النصايح دى وخرجت متبرجة ياترى ده هيتقل ميزان حسناتك ولا ؟؟؟؟؟؟؟؟؟

الحمد لله يا دكتوره دى نيتى
بس انا عايز اقول حاجه هل الانسان مابيعرفش يميز بين الصح والخطأ لا طبعا اكيد كل واحد عارف ايه الصح وايه الخطأ
يعنى مثلا الانترنت موجود وفعلا انسان عبقرى اللى اخترعه بس هل هوا هيحاسب ان فى بعض الناس بيستخدموه استخدام خاطئ هو كان نيته خير بس فى ناس مش كويسه استخدموه استخدام تانى خالص غير اللى كان فى نيته
تانى حاجه اللى اخترع او اللى اكتشف الطاقه النوويه هل كان يعرف انهم هيستخدموها للحرب ولا هو كان نيته انهم يستخدموها للسلام
اكيد ماكنش يقصد التدمير بس فى ناس وحشين استخدموها فى الحرب والهلاك يعنى ربنا هيحاسبهم هم مش هيحاسب اللى عل اكتشفها
ياريت تكونوا فهمتم وجهه نظرى

أنا فاهمة وجهة نظرك
النصايح دى كويسة (بس طبعا فى البيت) عشان لو أى بنت خرجت كده تبقى مصيبة
وكويس انك وضحت وجهة نظرك عشان الهجووووم اللى حصل عليك من مسلم والعسيلى بس طبعا لأنهم خايفين ان حد يسمع كلامك (بس برة)

اه الحمد لله انى وضحت وجهه نظرى لحسن دول شغالين نقد عمال على بطال عاملين زى النقاد اللى مابيعجبهمش اى حاجه

كده برده بقه احنا نقاد مش بيعجبنا اي حاجه طيب انا كنت سكت بعد الكلمتين بتوع ان الموضوع للمتزوجات مع انك في الاول في الموضوع الاصلي مقلتش كده وموضحتش ومكتبتهمش الا لما اتقرصت من ودنك علشان موقفك يبقى كويس وع العموم كان لازم لو توضح نيتك من الاول وكان لازم برده احنا نقول الكلام طالما انت موضحتش وجهة نظرك وسبتها عايمه واخيرا اقولك.............لا خير فينا ان لم نقله ولا خير فيكم ان لم تتقبلوه
جزاكم الله خيرا

عيب عليك يا اسلام انت عارف ان كلامك ده على عينى وعلى راسى من فوق بس انا لازم اتراخم عليكم شويه بس انا بئى مش معاك فى حكايه انى ابين وجهه نظرى دى هو كل واحد هيعمل حاجه لازم يقول نيته ايه ؟؟؟؟

اكيد طبعا لان الاعمال بالنيات
هذكر لحضرتك مثال بسيط تعليقا على ردك ان الانسان عمل الشئ بنية كويسة لكن مش محاسب على الاستخدام السئ ليها
طيب
يا دكتور بس النفس البشرية امارة بالسوء بطبعها
انا مثلا كنت فى يوم عايزة اجيب هدية لصديقتى وهى برفيوم بس بصراحة خقت تحط منها وهى خارجة فقلت طيب وليه طالما
فيه احتمال انها تستخدمها استخدام سئ وساعتها انا برده جزء من المعصية واقع عليا
لانى لو اهدتها حجاب جميل وخرجت بيه هاخد الثواب صح ؟؟
طبعا مش محتاج تدافع عن نيتك بصدق لانها اكيد نية حسنة بس احنا بشر؟؟؟

اه طبعا يا مودي لازم تبين وجهة نظرك البشر لهم الظاهر ورب البشر له الباطن
هقولك مثال بتاع سيدنا اسامة ابن زيد الحب بن الحب
أروع قصة وردت في السيرة النبوية ما ورد عن سيدنا أسامة بن زيد الذي كان يقاتل في أحد الغزوات فاستفرد بمشرك، هل هناك أكثر من ذلك؟ مشرك و يقاتل المسلمين، كفر بواح و يقاتل المسلمين، فلما همّ سيدنا أسامة بقتله قال المشرك: أشهد أن لا إله إلا الله، و أشهد أن محمداً رسول الله، فظنّ سيدنا أسامة أنه كذاب دجال فقتله، فتشوّش سيدنا أسامة من قتله الشخص الذي قال لا إله إلا الله: قالها بحق أم كذباً و هروباً من الموت؟ فذهب إلى سيدنا محمد صلى الله عليه الصلاة و السلام و قال له: بينما أنا البارحة بالمعركة و إذا برجل من المشركين نازلته فلما أردت قتله قال: أشهد أن لا إله إلا الله، و أشهد أن محمداً رسول الله، قال: فماذا فعلت يا أسامة، قال: لقد قتلته، فقال النبي عليه الصلاة و السلام: أقتلته و هو يقول لا إله إلا الله، يا أسامة: كيف بـ (لا إله إلا الله) إذا جاءت تحاججك يوم القيامة؟ أحب سيدنا أسامة أن يبرر موقفه و قال: يا رسول الله ما قالها إلا تعوّذاً، فقال النبي: هلا شققت عن صدره!، قال سيدنا أسامة: فوددت أني أسلمت بعدها.
عرفت ان الناس ليها الظاهر ونيتك دي لله مش لحد؟؟؟

ميرسى يا جماعه على المعلومات القيمه دى وبردوا الواحد مش بيتعلم ببلاش
بعد كده لو هاكتب اى موضوع هبقى اقول نيتى من الموضوع ده ايه

» معلومه هامه لكل فتاه
» نصائح للمطبخ
» نصائح هامة عند صنع الحلويات