بعد تكرار بكاء وإغماء البنات في حفلاته ..تامر حسنى متهم باستئجار المعجبات

ماذا حدث في الحفل الذي قام المطرب تامر حسنى بإحيائه بجامعة المنصورة ضمن فاعاليات أسبوع شباب الجامعات تحت شعار "في حب مصر"،وهى الحملة التي سبق له الإعلان عنها وذلك بإقامة مجموعة كبيرة من الحفلات بكل محافظات مصر تحت هذا الشعار على ان يتم تخصيص دخلها كما سبق وأكد لأوجه الخير.
هل حقا يتحمل هو المسئولية الكاملة عما حدث من هرج ومرج فى هذا الحفل بسبب إصراره فى بداية الحفل على عدم الفصل بين الشباب والفتيات كما كان مخططا من قبل وتهديده بعدم الغناء في حالة عدم السماح للشباب بالاختلاط بالفتيات .
وبعد اصرار تامر على رأية كان له ما أراد فحدث ما حدث من تحرشات وتدافعات واختناقات مما أدى الى نقل عدد كبير منهم للمستشفيات للعلاج وهو ما دفعه لعدم استكمال بقية فقراته .
بدأت المشاكل قبل انطلاق الحفل حين قفز الشباب من فوق الأسوار لدخول أرضية الملعب، وتفاقمت الأمور فور وصول تامر حسني، الذي تأخر عن موعد الحفل 3 ساعات كاملة، وتفاقم الوضع عقب الاختلاط بين الجنسين، حيث بدأت الرقصات والتحرشات.
فيما حاول بعض الشباب الوصول إلى الصفوف الأمامية القريبة من خشبة "تامر"، كما حاولت الفتيات وبعض الشباب الصعود على خشبة المسرح، وتوقف تامر عن الغناء، وطلب من حارسه الخاص حمايته، ومنع وصول الطلبة المتحمسين إليه.
واضطرت أجهزة أمن الدقهلية فى النهاية إلى إلغاء الحفل ، بعد أن تحولت أرضية الملعب، الذي استضاف الحفل إلى ساحة للتدافع والتحرشات، أصيب بسببها 150 طالبا وطالبة.
الغريب حقا ان الاتهامات التي وجهت من الشباب لتامر حسنى بعد هذا الحفل لم تتوقف عند هذا الحد بل وصلت الى درجة اتهامه باستئجار الفتيات اللاتي اصببن بالإغماء فى الحفل كالعادة كما قيل فى كل حفلاته السابقة بما فى ذلك حفل الجزائر الأخير الذى شهد أحداث مؤسفة كانت حديث الجميع وقتها ويعد استكمالا لكل حفلاته السابقة فى مصر وخارجها .

يا جامد يا جامد انت كنت هناك ولا اية يا دراج

حرام عليك يادراج ان بعد الضن اسم

على فكرة يا احمد تامر ماتأخرش تلات ساعات ولا حاجة هوة اتأخر ساعة ونص او ساعتين الا ربع بس دة الطبيعى بتاع اى حفلة والغلط مش غلطه لوحده دة غلط التنظيم والأمن وغلط شوية العيال اللى كانوا جايين يبوظوا الحفلة اصلا وبعدين ماتزعلش منى بنات يغمى عليها تموت تطلع تبوسة الولاد مالها ويضايقوا ليه وعلشان ايه وحتى لو مأجر بردة مالهم همة جايين علشان يسمعولة واللى مش حابه ماكنش ييجى واللى جة علشان يعاكس ولا علشان حاجة طب ليه يشتموا دة مهما كان ضيف فى بلدك وفى الاول وفى الاخر تامر يعنى مش محتاج انة ينزل المنصورة انا كنت هناك وكنت فى اسبوع شباب الجامعات سواء مع هندسة او شوية فى كليتنا وشوية فى تجارة وكانت الوفود بتاعة الجامعات التانية مبسوطة جدا واتصاحبنا على ناس كتير وكدة لغاية يوم الحفلة طلعوا قالونا انتم معاكم شوية وشعبكم همجى طب ليه...
وبعدين على فكرة التحرشات حصلت اه لكن حوار 150 اغماء والكلام دة ماحصلش دة كلام جرايد انا كنت قاعد ومصورين كام عربية اسعاف وكام واحد اتاخد فيها وحوار التحرشات دة البنات المحترمة اللى كانت فى ارض الملعب عرفت تتحاشاه ولو حتى نسبة قليلة منهم ماعرفوش يخرجوا لكن باقى التحرشات كانت لبنات عايزة كدة وبعدين كان فين الامن اما حصلت الدربكة دى مشوا ماكنش فى عسكرى واحد ساعات اما المقدم بلغهم فى اللاسلكى يفتحوا البوابات علشان تامر عايز الملعب ممتلىء و90 فى الميه من الناس اللى داخلة ماكنش معاها تذاكر طب ليه بقى تدفعوا ناس فلوس وتنظموا وتخلوا ناس محترمة تيجى وفى واحدة ماتت ودى متاكد منها لانى شوفتها لكن موضوع 2 دة ماعرفوش ... من الاخر اهى الحفلة اتعملها اعلانات ناجحة وان الحفلة كانت مكسرة الدنيا يبقى من الاخر التنظيم كان مش كويس والامن ماكنش ليه اى دعوة باللى بيحصل وتامر كان غلطان لانه مفكر ان شعب المنصورة عادى متحضر لكن مايعرفش ان فيهم عيال يعنى مش عارف اقول عليهم ايه فعلا همجيين لان لو كل واحد اعتبر ان اخته هيتعمل فيها كدة فى يوم او دى مراتة او مامته عمرة ماكان هيفكر يعمل دة لكن دول لا عنده دين ولا تفكير

dr.samak كتب:

على فكرة يا احمد تامر ماتأخرش تلات ساعات ولا حاجة هوة اتأخر ساعة ونص او ساعتين الا ربع بس دة الطبيعى بتاع اى حفلة
يا غالى الدى جى بادىء من 6.30
متأخرش ازاى بس!!

والغلط مش غلطه لوحده دة غلط التنظيم والأمن
صح متفق معااك..
وغلط شوية العيال اللى كانوا جايين يبوظوا الحفلة اصلا ........وبعدين ماتزعلش منى بنات يغمى عليها تموت تطلع تبوسة الولاد مالها ويضايقوا ليه وعلشان اي........... الحوا مش متضايقين او غيره
انت ليه آخدها من الزاويه دى؟
شباب و بنات
احنا يننتقد اللى حصل عموما بغض النظر مش عشان بنات بتحبه ولاد يكرهوه او فنانه شباب بيحبوا يسمعولها البنات تكرهها
التفكير ده مش تمام..ه وحتى لو مأجر بردة مالهم همة!!!!!! جايين علشان يسمعولة واللى مش حابه ماكنش ييجى واللى جة علشان يعاكس ولا علشان حاجة طب ليه يشتموا دة مهما كان ضيف فى بلدك
وفى الاول وفى الاخر تامر يعنى مش محتاج انة ينزل المنصورة
يا غالى زيارته للمنصوره او اى حد تانى شرف ليه هوا مش لينا
الفنان تامر حسنى لو تحب نسميه كده
مش رسول ولا شخصيه قياديه عشان البلد تتوقف عليه
وجوده شرف ليه هوا
و هوا محتاج يروح اى بلد ويغنى ف اى مكان
دى شغلته ...
انا كنت هناك وكنت فى اسبوع شباب الجامعات سواء مع هندسة او شوية فى كليتنا وشوية فى تجارة وكانت الوفود بتاعة الجامعات التانية مبسوطة جدا واتصاحبنا على ناس كتير وكدة لغاية يوم الحفلة طلعوا قالونا انتم معاكم شوية وشعبكم همجى طب ليه...
... ف آلاف مؤلفه مش راحت هناك
ودى ناس بتحترم ذاتها وعارفه فلوسها تندفع فى ايه صح ووقتها تقضيه ازاى
الحكم على بلد من شويه شباب اغلبهم طايش او موش تمام او كده مش صح
..
اصحابك غلطانين طبعا وانت المفروض توضح لهم كده

وبعدين على فكرة التحرشات حصلت اه لكن حوار 150 اغماء والكلام دة ماحصلش دة كلام جرايد انا كنت قاعد ومصورين كام عربية اسعاف وكام واحد اتاخد فيها
يمكن العدد موش تمام
اكيد الصحافه فعلا بتبالغ
وحوار التحرشات دة البنات المحترمة اللى كانت فى ارض الملعب عرفت تتحاشاه
يا غالى فرق لى بين البنت اللى ف بيتها او وسط اهلها و بين البنت اللى راحت تدفع فلوس عشان تتفرج ع فنان او مغنى ف مكان زى ده اغلب اللى رايحين عارفين انه احتمال كبير جدا يحصل التحرش او المدافعه و الزحمه دى!!
مش تقول عرفت او مش عرفت .
البنت اللى راحت هناك وكانت خارج المقصوره مثلا بتعرض نفسها لمشاكل هيا عارفاها ومش نقول محترمه او مش محترمه او عرفت تتحاشاه
ولو حتى نسبة قليلة منهم ماعرفوش يخرجوا لكن باقى التحرشات كانت لبنات عايزة كدة
وبعدين كان فين الامن اما حصلت الدربكة دى مشوا ماكنش فى عسكرى واحد ساعات اما المقدم بلغهم فى اللاسلكى يفتحوا البوابات علشان تامر عايز الملعب ممتلىء
... الغلط كان منه ف كده لانه اتاح الفرصه لحدوث الامر ده
حتى لو الامن مش موجود
هو اعطى الدافع ..و90 فى الميه من الناس اللى داخلة ماكنش معاها تذاكر طب ليه بقى تدفعوا ناس فلوس وتنظموا وتخلوا ناس محترمة تيجى وفى واحدة ماتت ودى متاكد منها لانى شوفتها لكن موضوع 2 دة ماعرفوش ... ..من الاخر اهى الحفلة اتعملها اعلانات ناجحة وان الحفلة كانت مكسرة الدنيا يبقى من الاخر التنظيم كان مش كويس والامن ماكنش ليه اى دعوة باللى بيحصل
وتامر كان غلطان لانه مفكر ان شعب المنصورة عادى متحضر
شعب المنصوره شعب متحضر فعلا مش محتاج كلام من سيادتك او من غيرك للحكم عليه..
ومش نآخد المثال السىء نتكلم عليه
فيه آلاف ف بيوتهم اصلا كانوا محترمين نفسهم من البدايه..
لكن مايعرفش ان فيهم عيال يعنى مش عارف اقول عليهم ايه فعلا همجيين لان لو كل واحد اعتبر ان اخته هيتعمل فيها كدة فى يوم او دى مراتة او مامته عمرة ماكان هيفكر يعمل دة لكن دول لا عنده دين ولا تفكي
صح عليكر

التوبيك هايل يا غالى ومشكور لنقلك
و ف النهايه اصلا انا شايف انه تامر او غيره بنديللهم اكتر من قيمتهم بمجرد الحديث عنهم ..
بس حبيت اعلق ع الرد ده
وتقبلوا مرورى

بصراحه يا جماعه اللى حصل فى حفله تامر دى مش تامر بس اللى غلطان فيها لاء كمان الامن واللى سمحو لتامر انه يعمل كده واذا كان هو مش عاجبه جامعتنا ولا الطلبه بتوعها كان جاى بيغنى فيها ليه من الاول

انا اسف انى قريت ردك عليا متأحر بس انا متفق معاك فى شوية ردود وشوية لأ يعنى مثلا انت بتقول ان البنت فى بيتها احسن ومعظم اللى جايين عارف ان هيحصل كدة وانا مش متفق مع حضرتك فى دة لان كان فى بنات اخوات اصحابنا هناك وقرايبنا وقرايب اصحابنا وكانوا بالفعل رايحين علشان افتكروا ان البنات لوحدهم والولاد لوحدهم الله اعلم الباقى كان بردة كدة او لأ لكن مانكنش سيىء الظن بحد ثانيا حضرتك بتقول انه شرف لتامر انه ييجى المنصورة سورى فى الكلمه ليه يعنى هوة مش مننا ولا محتاج منا فلوس لحفلتة ولا محتاج اى حاجة وصح هوة مش رسول ولا شخصية قياديه بس حتى الشخصيات القيادية مش بتحب تييجى المنصورة ودة كلام موثوق منه وغير كدة وموضوع انك بتقول شعب المنصورة متحضر سورى فى الكلام الشعب بيبان من تصرفاته وافعاله والمنظر العام يوم الحفلة كان يبيين لاى حد انه شعب همجى وانا كنت فى الحفل واكيد من المنصورة واكيد هيتقال عليا كدة بردة لكن احنا حاولنا بقدر الامكان ندى صورة حلوة واللى انت بتقول ان شوية شباب طايش سبب كدة اوكى ماهمة شوية الشباب الطايش دول ادوا الصورة الوحشة زى ماحنا والوفود اللى استقبلت واستضافت الاسبوع ادت صورة حلوة بردة وبعدين سورى فى الكلام يعنى ههههههه وعايز تاخدها بضحك براحتك مصر عامة شعب بيتذل فى كل مكان فى العالم واكيد المحترم يحترم بس انا وانا فى الامارات وليبياا والسعودية شوفت المصريين بيتعاملوا ازاى هههههههه يعنى مثلا فى الامارات اللى يعاكس مصرى اللى يشتم مصرى اللى يخالف القوانين مصرى اللى همة على بطنه مصرى اللى يسمح للقرش يذلة مصرى وحاجات تانيه كتير....
انا افتخر انى مصرى بس اتمنى ان احنا فعلا نكون متحضرين بمعنى الكلمه ونحترم نفسنا وعملنا علشان العالم كله يحترمنا
وشكرا يا جميل على ردودك ولو فى تعليق منك بردة انا هدخل تانى واشوفه

ana ma3 daraj fel kalam elly aloh

حسبى الله ونعم الوكيل

حبيب قلبي يا دراج والله يا اخوانا دي مهذلة اصلا حصلت ف الجامعه وشارك فيها كل اللي سمح لسي تامر ده بإنه يجي حرم الجامعه زي ما بيقولو ولو هو حرم فعلا يبقى اكيد له حرمه وشارك فيها كمان كل اللي راح للاخ ده وبعدين في حاجه غريبة اوي تامر باشا ده مش هو اللي زور شهادة الخدمة العسكرية واتهرب من الجيش بالله عليكم حب مصر ايه بقه اللي بيقوله الكداب ده استغفر الله العظيم
وابقه سلملي على ابوك يا دراااااااااااااااااااااااج هههههههههه
تحياتي dr_moslim