ادخل واطلب اكلتك المفضلة..........واحنا هنعملها

يا جماعة طبعا انتم عارفين ان فيه ناس كده ملهاش فى المطبخ غلابه يعنى بس للاسف

هما ليهم فى الاكل بس

فبقترح كل واحد من الشباب او البنات اللى يحب يسال عن اكله معينه هو بيحبها

واحنا هنقوله بتتعمل ازاى

بس الرجاء والنبى اختاروا اكل سهل فى عمايله

علشان احنا مش الشيف حسن بتاع قناة الحياة

يالا عايزين ننشط القسم ده يا بنات لان من اول ما المنتدى اتجدد ومفيش حد كتب فيه اى حاجة "موضوع جديد" واللى

عارفة طبيخ معين وحابه تكتبه تنورنا

مين اول حد عايز ياكل اقصد عايز يعرف اكلته المفضله بتتعمل ازى

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

نبداها على البركه
المحشى
هههههههههههههه

اوك يا محمد

اولا المحشى ده ليه انواع على حسب الحاجة اللى بيتلف فيها يا اما ورق كرنب او ورق عنب او باذنجان او فلفل ممكن قوطة بس الصراحة مجربتهاش ممكن كوسة بالنسبة للورق كله بيتسلقطبعا الكرنب بيتقطع وبيتسلق وورق العنب بيتشيل العنقود وبيتسلق اما الباذنجان ده عايز غلبه يعنى يتقور وبعدين يتقلى والايدين تسود والذى منه والطماطم بتتقور برضة والكوسه بتتقشر وتتقور والفلفل يدوب تشيل راسه

التسبيكة اقولكم على سر اهم حاجة فى طبخة البهرات دى اللى بيقولو عليها النفس
حط للاكل بهرات وظبط الطماطم هيبقى طعمه حلو

المهم تسبيكة المحشى هو بيحتاج طماطم كتير وبصل كتييييييييييييير ويا سلام لو باللحمة المفرومه حاجة تانية

ام هند"المهم" وتقعد تخرط البصل كتير بس لو فيه كبه هتفرمه على طول بس يفضل يتخرط

تسوى البصل لحد اما يصفر كده وبعدين تحط الطماطم وبعدينتسيبهم يتسبكوا وعلى ما تتسبك اغسل الرز وبعدين قلب الكل وخرط الشبت والكسبرة الخضرا على الرز والتسبيكة

والبهرات الكمون الفلفل الاسود والكسبرة الناشفة

وبعدين احشى الورق او الحاجة اللى بتحبها وحطها فى حلة بس ابقى حط ورقة كبيرة من الكرنب او ورقتين عنب تحت "يفضل"المهم
املى الحلة وبالمحشى وبعدين حط شربه لحد ما تغطى سطح المحشى

وبعدين نحطه على النارونعلى النار لحد ما يغلى وعلى راى ماما يشبغ غليان تبدا تهدى عليهخالص

لحد ما يستوى

كدة اسيبكم لاكله جديدة طبعا كان لازم ارد عليك يا محمد خارج من سجن المنتدى بطنه وجعاه من العيش والحلاوة يا عينى غلبان

الكيـــــــــك ................. دى الحاجة الوحيده الصعبه اللى بعرف اعملها

اما نشوف الشيف بيعرف يعمله ولا لأ

انااا
عااوز اي حاجه سهله و تتعمل بسررعه
من غير ما اضيع وقت او اغسل حاجات كتير
عشان اانا قاعد لوحدي لفتررررره

اهلا بيكم يا جماعه

دكتور A

دكتور صمت السكون

بالنسبه للدكتور "A"
ما حضرتك يا دكتور بتعرف تعملها
اها بتختبرنا يعنى ماشى ماشى
اختار طلب تانى علشان انت بتعرف تعملها

للدكتور صمت السكون اسهل حاجة المكرونه
وسلق البيض

ممكن كشرى
طيب وهتروح بعيد ليه
هات سمك وخلى المحل يشويه

انا عايزة تعاطف من البنات شويه

واى حد يدخل يسال باى حاجة ولو مش عارفينها هنسال

شكرااا ليكي
بس انا تعبت من المكرونه دي
وبتبقي زي العجينه

و مبحبش السمك
شوفوا اي حاجه سهله
يعني بتتقلي او بتتحط ف الفرن من فضلكم

اولا المكرومه علشان متبقاش عجين زى حضرتك ما بتقول

لما تحط المكرونه الناشفه فى الميه علشان تسلق حط معاها معلقة زيت اكل

وخليها تقعد بتاع 5 او7 دقايق ومتسبهاش كتير تتسلق لانها بتعجن من كده

البطاطس اعتقد سهلة

حضرتك تقدر تعمل اى طبيخ اذا عرفت التسبيكه
واعتقد انها سهلة لانها طماطم وبصل وملح وبهرات

اذا كانت فاصوليا بتسلق الاول بس بتقعد تتسلق كتييييييييييييييييييييييييييييير

اى طبيخ مشى حالك
اللحمه سهلة
اعتقد دى اسهل حاجة

اقلى بطاطس باذنجان فلفل اى حاجة
مشى امورك يعنى

انصحك اعمل رجيم احسن ههه
بهزر طبعا

ههههههههههه شكرا ليكي يا دكتوره
عسلق و خلاص ع رايك و اجيب صلصه و خلاااص
بس انا علي فكره حطيت زيت برده و بتعجن

اقتراح الريجيم والله مش هينفع
ههههههههههههه انا لو خسيت اكتر من كده هختفي

ماتسبش المكرونه على النار كتير يا دكتور
طبعا مع التقليب من وقت للتاني
وبعد ما تشلها من على النار ،صفيها فى مصفى كبيره من الماء الساخن
وقلبها تحت الحنفيه شويه مش كتير-يعني تحت الماء البارد-
اعتقد بكده مش ممكن تعجن

شكرا يا جومانا

الحمد لله ان فيه بنت دخلت

يله بقى عرفينا طبخه جديده

علشان انا اللى جعانه دلوقتى

هههههههههه

أؤمر يا جميل وانا انفذ
بس اطلبي اي اكله انتي عايزاها وباذن الله هتلائي الاجابه

عايزة ااااااااااااااااااااااااااااااااااااااااااااااااااااااكل

اممممممممممممممممممممممممممممممممممممم مكرونة بالبشمل

بسيطه
بس هتعمليها الوقتي؟
انتي ليلتك طويله اوي
اولا :تسلقي المكرونه زي ما قلنا قبل كده
متنسيش تحطي ملح مع مية السلق
ثانيا :سوي اللحمه عادي جدا
ثالثا:اقطي بصله كبيره وتبليها كوويس وضيفي عليها الحمه المستويه نعد ما تقطعيها قطع صغيره
وسبيها فتره علي نار هاديه عشان اللحمه تتبل كويس وضيفي عليها شوية ميه صغيرين بس عشان ما تتحرقش
رابعا:اعملي الاشمل.........ازاي
ممكن تشتريه جاهز بس لو عندك وقت ممكن تعمليه
الاول بتحطي زيت في حله مش كبيره
حمري الدقيق في الزيت(حوالي 4معالق كبيره دقيق)على حسب الكميه اللي انتى عايزاها
على نار هــــــــــــاديه
ضيفي اللبن بالتدريج وهيه علي النار
ضيفي عليها علبة زبادي
ضيفي جبنه موزوريلا لو متوفره عندك
اوعي تنسي الملح والبهارات (حسب الرغبه)
خامسا:جيبي صنية فرن مناسبه
ادهنيها ماده دهنيه(زيت او سمنه)
اخلطي كميه من الباشمل علي المكرونه كلها
حطي نص المكرونه في القالب
حطي اللحمه فوقيها (طبقات)
حطي باقي المكرونه فوق
وفوقيها الباشمل
ودخليها الفرن

دي طريقتي انا

يا رب اكون قدرت اساعدك

انا عندى طريقة احسن للمكرونة بالباشميل

مكرونة + بشميل = المكرونة بالبشميل
Very Happy

على فكرة الفكرة دى من اكتشافى

فكره رائعة طبعا يا دكتور
وطبعا اسهل كتير ومش محتاجه مجهود كبير

يااااااااااااااااااااااااااااااااه انا دخلت على الريحة ايوة كده ايوه كده ياااااااااااااااااااااه ربنا يبارك فيكم
حد بقه يعمل كشري مصري
وفي حاجه كده اسمها نجرسكو انا بسمع عنها بس بيقولو فراخ وفيها مش عارف ايه
المهم انتوا ريحتكوا فعلا جايبه من اول المنتدى هو ده الشغل

ههههههههههههههههه

والله يا مسلم ما شاء الله عليك

ايه خفة الدم دى

ربنا يخلييييييييييييييك
بس خلي الطلبات لبكره

بكرة هو ديليفري ولا ايه ؟؟؟ انا شكلي هطلب مؤمن وليه مؤمن ما انا اولى هطلب مسلم

ههههههههههههههههههههههههههههههههههههه

لا انا بجد عايزة نجرسكوا يا اسماء ومش تهربى اصلى قاعدة لواحدة ومش عارفة اعمل حاجة

هههههههههههههههههههه
والله يا جماعه
مش عارفه
هو ايه اصلا
بس هغشه
واقوله ليكم

معلشى
يا مسلم الكشرى المصرى لازم اعملهولك دا انت الخير والبركه
ولا اقولك
روووووووووووووووووووووووووووووووووح عند الحجاز هيبقى افضل
ههههههههههههههههههههههههههه
لى قاعدة مع الكشرى المصرى بس افضى بس وهكتبه ان شاء الله

انت تؤمر يا مسلم بس والنبى بلاش الطلب بتاعك انت ومملكه الحزن بتاع النجرسكو
دا حتى مش عارفه انطق
هههههههههههههههههههههههههههههه

اعملى حسابك يا اسماء ان لما تتخرجى من بيطرى ومش تلاقى شغل وتفتحى مطعم كدة محدش هيجيلك

Sad

ههههههههههههههههههههههههههه

ما انا عارفه

ازيكوا يا جماعه
عاملين ايه مع الطبخ
عرفت انكم عايزين الكشري المصرى والنجرسكو
سبتلك الكشري يا اسماء مادام عايزه تعمليه
اماالنجرسكو:فلو عايزين تعرفوا طريقته ادخلواهنا

هو ده الشغل يا دكتورة جومانا والدكتورة اسماء مشفناش منها الا الكلام فين الكشري يا دكتورة؟؟؟ اخرتها هنروح الحجاز؟؟؟ماشي ماشي

انا عايز مكرونه باشميل

عدل سابقا من قبل asmaa89 في 31/7/2009, 11:25 am عدل 1 مرات

اولا نظرا للكسل اللى انا فيه فهعمل كوبى للموضوع من احد المنتديات
الكشرى المصرى

المقادير :

1- كيسين معكرونة ( يفضل النوع الصغيره ) ولكني استخدمت هنا العادي .

-ملح وبهارات ( حسب الرغبة ) و شطه طبعاا و خصوصاا الكمون مهم جداااااااا

خل أبيض

- زيت

علبتين من صلصة الطماطم ..او اكثر حسب الرغبة

2- عدس أخضر غير مقشور ..

كوبين رز مصري ( منقوع في الماء )

طماطم ( الكمية حسب الحاجة )

- ثوم حسب الرغبة

فلفل أخضر حار حسب الرغبة

- بصل ( الكمية حسب الرغبة ويفضل ان تكون كمية كبيرة

طريقة التحضير :

- نقوم بسلق المعكرونة مع قليل من الملح على النار .. ثم توضع جانبا ..

يسلق العدس بعد غسله جيدا وتنقيته من الشوائب في ماء دافيء وملح .

بعد ان يقترب من النضج نقوم بتصفيته من الماء واضافة ماء جديد له ...

3- الآن نضيف الرز المنقوع في الماء إلى العدس بعد تغيير ماءه ( تم تغيير الماء حتى لايسود الرز )

4- بعد نضج الرز والعدس سويا ونضعه جانبا ..

طريقة تحضير الصلصة :

1- يفرم الثوم فرما ناعما .. ثم يوضع في القدر مع الزيت حتى يبدأ في الذبول ( يجب ألا يحمر )...

- حين يذبل الثوم قومي بإضافة كوب من الخل الأبيض إليه واتركيه حتى يغلي قليلا مع الثوم ..

3- في هذه الاثناء تقومين بعصر الطماطم في الخلاط مع ماء قليل وعلبتين من معجون الطماطم ..[ ويمكن إضافة قرن من الفلفل لمن يحبه حارا ]

4- الآن اضيفي عصير الطماطم مع معجونه إلى الثوم والخل على النار وتبليه كما تحبين بالملح والفلفل الاسود واية بهارات تحبينها ...[ انا لم اضف سوى الملح و الكمون و الشطه] ثم نتركه يغلي على نار عالية إلى ان يبدأ في الغلظان .. ثم نهدئ النار حتى يتسبك جيدا

بعد ذلك نطفيء النار ونغطي الصلصة حتى تتسبك على البارد ...

نتوجه الآن للخطوة الأخيرة والمهمة جدا جدا .. وهي البصل ..

نقوم بتقطيع البصل إلى شرائح طولية ويفضل ان تكون سميكة نوعا ما .. ( ولمن يحبها مقرمشة تكون قليلة السمك )...

ثم نضعها على المقلى بدون زيت حتى يبدأ ماؤها يجف .. ثم نضيف كمية من الزيت ... ونتركها تحمر في الزيت مع التقليب بين فترة وفترة حتى لاتحمر كثيرا فتحترق ..

وبعد ان يحمر [ ركزوا هنا جيدا ] .. نقوم بأخذ جزء من الزيت الذي قمنا بقلي البصل فيه ونسكبه على المعكرونة في قدرها بعد تصفيتها ويتم تقليبها مع الزيت حتى تتشرب نكهة البصل جيدا .. [ لاحظوا نحن لم نضف للمعكرونة أي زيت سابق ]..

الآن نأتي للناحية الجمالية ..

يمكن لنا أن نغرف كل صنف على حدة او ان نجمعهم في وعاء واحد ..

أحضر وعاء كبير ... واسكب الرز المسلوق مع العدس في أسفله..

ثم فوقه طبقة المعكرونة ..

ثم أخيرا طبقة البصل المحمر ...

و ممكن نستعمل قالب جيلى مثلاا كبير يعطى شكل هرمى مميز للطبق

ويقدم معه الصلصة

احفظو الجمايل دى يله اهو كله بثوابه

بس اجبارا ليك يا مسلم لازم تطبخه بنفسك
انا كان نفسى احط الصور بس نظرا لتفوقى الملحوظ فى عالم النت معرفتش

اطبخه.؟؟ قال اطبخه قال !!! دا انا بعمل الشاي بالعافية

ماشى ماشى

ما هو لازم يكون فيه عقوبه ليك

اختارها بقى بنفسك

عقوبه؟؟ اوك انا ممكن اكل الكشري اللي حضرتك عملتيه !!

ماشى المهم انها يكون لها علاقه بالطبخ والاكل

مش هتفرق ويا سيدى بالف هنا

ممكن تحطي صوره بسهوله جدا يا اسماء
الاول بتروحي على الصوره اللي انت عايزها وبتعملي كلك يمين وتختاري properties
وبتنسخي رابط الصوره(address)
وبعدين بتعمليله copyفي اضافة صوره
اعلي اوكي(نعم) بتلاقي الصوره اضافت في موضوعك
بس......................سهله مش كده؟؟؟

ميرسى يا جومانا

ربنا يخليكى

» الجديد على الساحه العالميه(انفلونزا الخنازير واحنا فين منها) ادخل وقول اى معلومه تعرفها
» كان فى وقفه احتاجيه لبيطرى واحنا كنا فين مش عارف المهم
» الهرمونات الجنسيه ادخل وشوف
» قصه جميله ادخل واقراها بنفسك
» ليه أكل لحم الخنزير حرام ادخل واعرف بسرعة