نصائح للمطبخ

السلام عليكم ورحمة الله وبركاته

علشان المطبخ ده مهم جدا فى حياة حواء لازم تنتبه لمجموعة من النصائح

1***اذا كنتى هتطبخى لحد ضغطه عالى حاولى انك مش تضيفى ملح للاكل وهو بيطبخ بعد ما تخلصيه ضيفى الملح على حسب ما اللى هياكل هيحتاج وبكدة هتكونى اتحكمتى فى كمية الملح وكمان ممكن تضيفى كمية صغيرة من خل التفاح وده لانه بيسهل الهضم وبيدوب الدهون كمان بيخلى الاكل ليه طعم تانى

2********علشان تشيلى ريحة الثوم من الاكل ممكن تضيفى قطعة صغيرة من الزنجبيل الطازج

3****علشان تشيلى ريحة الثوم من الفم ممكن تاكلى عيدان بقدونس اخضر بصراحة ليها تاثير السحر





4*****

نصائح عامة للحفاظ على الثلاجة

-تغسل الغسالة مرة كل عشر ايام بالمية والصابون وتجفف كويس

-علشان تخلى ريحة الثلاجة كويسة حطى قشر برتقال وليمون حبة صغيرة فى اماكن مختلفة من الثلاجة

- علشان روائح الاطعمة مش تختلط مع بعض ممكن تحطى قطعة فحم صغيرة

- بعد تنظيف الثلاجة سيبها ساعتين قبل ما تستعمليها او تحطى فيها اكل


5*********
عشان تشيلى بواقى البيض من الملاعق والاطباق افركيها كويس بملح خشن ومية دافية



6*******
علشان تخلى ريحة الاكل مميزة اقلى فلفل مجفف كامل مع بصل وورق الكارى وحطيه على اللحمة والخضار ده هيخلى الاكل ريحته كويسة ويفتح النفس

نظفى البيت باستمرار
قاذورات البيت والمطبخ توضع فى سلة القمامة اللى ليها غطاء محكم
حاولى تجعلى فيه هواء مستمر فى البيت وفة خزانة الاكل
الاطباق المستعملة والقذرة يجب ان تغسل بعد الانتهاء من الطعام مباشرة
لو فيه ثقوب فى المطبخ حاولى تسديها بجبس او اسمنت
بالنسبة للشبابيك والابواب حطى عليها ستاير او سلك
حاولى مش تسيبى فضلات الاكل على التربيزة بعد الانتهاء من الاكل