معلومات مهمه ستدهشك بأذن الله

العسل الطبيعي هو الطعام الوحيد الذي لا يفسد ولا يتعفن مهما طال به الزمن لأن به مادة مضادة للتعفن

التفاح وليس الكافيين هو المنبه الأقوى، لمساعدة الإنسان على الاستيقاظ في الصباح

أثبت العلماء أن الكاكاو الشوكولاته لا تساعد على زيادة الوزن كما يعتقد البعض

حبات اللؤلؤ تذوب في الخل

الأشخاص الأذكياء لديهم نسبة مرتفعة من الزنك والنحاس في شعورهم

أن مخ الأشخاص طوال القامة أثقل وزناً من مخ الأشخاص قصار القامة

السعرات الحرارية التي تحرق أثناء نوم الإنسان تفوق تلك التي يحرقها أثناء مشاهدته للتلفاز

حجم عينيك الآن هو نفس حجمها عند ولادتك، فالعيون لا تنمو بعكس الأنف والأذن

إذا عطست بقوة، يمكن أن تكسر ضلعا

و إذا حاولت أن تكتم عطسة، فانه يمكن أن تفجر وعاءاً دمويا في رأسك أو رقبتك و تموت

أما إذا عطست و عيناك مفتوحتان، فإنهما سينفجران

أصغر عظمة في جسم الإنسان تعرف باسم عظمة الركاب وتوجد في داخل الأذن

يبدأ جسم الإنسان في الانكماش بدلاً من النمو عند بلوغ سن الأربعين

أصبع السبابة هو الأكثر حساسية بين أصابع يد الإنسان

فعلا والله فى حاجلت كتيره كانت عندى غلط
شكرا ليكى يادكتوره
على تصحيح المعلومات الى تقريبا كلها هتطلع فشنك عندى
هههههههههههه
ربنا يزيدك دائما

الحمد لله ان الموضوع عجب حضرتك يا دكتور فولى
وان شاء الله نستفيد دايما فى منتدانا
وجزانا واياكم كل خير

سبحان الله وبحمده .... سبحان الله العظيم

جزاكي الله كل خيير

جزاكى الله خيراااااا

مش عارفة المعلومات دى غريبة قوى صعب بجد انى اصدقها ممكن اخد وقت طويل لما افوق من الصدمة

بس احسن حاجة بتاعة التفاح دى لانى بموت فى التفاح

معلومات قيمة
شكرا ليكي

انا عارفه ان المعلومات غريبه شويه يا مملكة الحزن بس ده ممكن يكون بسبب قله معرفتنا
انا كمان اول ما قرأتها اندهشت وحسيت بشويه جهل
هههههههههه
و ان شاء الله تكون صحيحه ونستفيد منها بعد كده
وشكرا ليكى على مرورك
وشكرا ليكى يا ايمى

سبحان الله وبحمده ... سبحان الله العظيم

اصل حكاية الشيكولاتة دى غريبة اصل كلها سعرات حرارية

كمان المعلومة دى

أصبع السبابة هو الأكثر حساسية بين أصابع يد الإنسان

مش بحس كدة خالص

بصى يا مملكة الحزن انا دورت فى جوجل عن صحة المعلومه بتاعت الكاكاو هل هو بيسبب السمنه ولا لا؟
ولقيت التقرير ده وان شاء الله يكون صح وتقتنعى بيه

حقائق لم تعرفونها من قبل عن مشروب الكاكاو
-------------------------------------------------------
سنوات والادعاءات حول مشروب الشوكو بكونه غير جيد, يضر بالصحة والأسنان, يسبب السمنة وغيرها تلازمنا,لكن أبحاث جديدة أظهرت عكس ذلك..

يعتبر مشروب الشوكو أحد المشروبات التي ترافقنا منذ الطفولة والكثير من الكبار لا يزالون يرغبونه، على الرغم من ذلك وليس من فترة بعيدة قاموا بتشويه اسمه بادعائهم انه يضر بالصحة, يمنع امتصاص الكالسيوم في الجسم، يضر الأسنان، ويسبب السمنة.

انقلاب جديد!!

أبحاث جديدة أعادت لمشروب الشوكو سمعته الجيدة ,لا يهم اذا كان باردا او ساخنا لكن الأهم احتواءه على الكثير من الكاكاو بجودة عالية وعلى الحليب ,فحسب معطيات هذه الأبحاث وجد أن الشوكو صحي جداً.

كيف حدث ذلك؟ متى حدث هذا التغيير؟

في الماضي لم يعتبروا المأكولات التي تحتوي على ماده الكاكاو كمصدر جيد للكالسيوم وذلك بسبب التخوف من كون الكاكاو ينافس الكالسيوم ويمنع امتصاصه داخل الجسم.

الأبحاث والمعطيات الاخيره تظهر صحة كون الكاكاو يتنافس مع الكالسيوم على مناطق الامتصاص في المعي الا ان هذا الضرر قليل جدا بنسبة 5%-3%.

وهذا يعني ,إذا شربنا كأس شوكو الذي يحتوي على 200 ميللتر حليب 200 ميللغرام كالسيوم. فأن الجسم يقوم بامتصاص ا 194-190 ميللغرام كالسيوم تقريب.

هذا يعني ان الضرر الذي يقوم به الكاكاوا ضئيل جدا , وهذا السبب وراء دمج الكاكاو في مركبات التغذية للأطفال والرضع .

الشوكو غني جداً بمضادات الاكسدة أكثر مما في الشاي الأخضر.

وأثبتت أبحاث أخرى نشرت في السنوات الأخيرة أن الشاي الأخضر يحتوي على كمية لا باس بها من مضادات الأكسدة التي تساعد على منع تطور أورام سرطانية وتمنع الالتهابات ومشاكل صحية أخرى.

البحث الذي نشر سنه 2003, يظهر أن في كاس شوكو الذي يحوي مسحوق كاكاو يوجد كميه عاليه من مضادات الاكسدة مقارنة بكأس من الشاي العادي أو كاس من الشاي الأخضر .

وطبعا الله اعلم

سبحان الله وبحمده ..... سبحان الله العظيم

اما بقى موضوع اصبع الابهام فهو صحيح بأذن الله ولو دورتى على جوجل حتكتشفى صحة الكلام ده ان شاء الله
وانا والله بحاول اجيب معلومات صحيحه علشان ما اوصل معلومات خاطئه احاسب عليها يوم الدين
وجزانكى وأياى كل خير

سبحان الله وبحمده ...... سبحان الله العظيم

انا مش معترضة على انها مش مضرة انا عارفة انها مش مضرة او بالاحرى ان كل شىء بيزيد عن حده بيكون ليه اثره السلبى
واللى بيحب الشيكولاة بيدمنها بشراهة الا من رحم ربه

كمان

الشيكولاته تعطي اللذة والمتعة والطاقة وهي تخفف من الإحباط والحالات العصبية، حيث تحتوى بذور الكاكاو على مواد كيميائية تحفز إفراز مادتي Serotonin& Endorphins في المخ والتي تضبط من مزاج الشخص وتخفف الآلام لديه.

وكمان كانت جت فترة فى الماضى تم وصف الشيكولاة للنساء الحوامل لزيادة افراز لبن الثدى

بس انا بقول على السعرات الحرارية
انتى قولتى انها مش بتساعد على زيادة الوزن ازاى وفيها سعرات حرارية مهولة ؟؟؟؟؟؟؟؟؟؟؟؟؟؟؟

dr_nermeen كتب:: اما بقى موضوع اصبع الابهام فهو صحيح بأذن الله ولو دورتى على جوجل حتكتشفى صحة الكلام ده ان شاء الله
وانا والله بحاول اجيب معلومات صحيحه علشان ما اوصل معلومات خاطئه احاسب عليها يوم الدين
وجزانكى وأياى كل خير

سبحان الله وبحمده ...... سبحان الله العظيم

هو الابهام ولا السبابة ؟؟؟؟؟؟؟؟؟؟؟؟؟؟؟؟؟

انا اسفه كتبت الابهام بس كنت اقصد السبابه
معلش العتب على النظر وعدم التركيز وتقريبا عاوزه انام Sleep

اعذرينى
اما موضوع الكاكاو انا مش عارفه حقيقته بس ده اللى قريته على النت واتبعتلى على الميل
واسفه مره تانيه على الغلطه الفظيعه دى

لا ولا يهزك

بس فعلا الشيكولاة مية جرام منها على شوية لبن فيهم خمسميت سعر حرارى

يعنى يدمروا الدنيا

والله ورسوله اعلم

روحى نامى بقة اصل حالتك بقت صعبة ونكمل بكرة ان شاء الله

جزاكى الله كل خير فعلا معلومات مدهشة

شيكولاتة ايه اللي بتزود الوزن دا انا بيتهيقلي اني اكتر واحد في مصر اكل شيكولاته !!! وبيتهيقلي اني كنت بخس مش بتخن !! يمكن الوزن عندي بيزيد في الطول؟؟؟ يمكن برده بس فعلا انتي معاكي حق في المعلومه دي يا دكتورة نيرمين وانا رايي كده من زمان وكان نفسي حد يصدقلي على المعلومة دي
بس برده في حاجات غريبه ممكن نصدقها بس بصعوبه
جزاكم الله خيرا على الموضوع الرائع

شكرا يا دكتوره على المعلومات القيمه دي
بس انا اعرف ان وجود التفاح جنبك وانتي نايمه يساعد على النوم والراحه اكثر
معلومه اكيده ان شاء الله

dr_moslim كتب:: شيكولاتة ايه اللي بتزود الوزن دا انا بيتهيقلي اني اكتر واحد في مصر اكل شيكولاته !!! وبيتهيقلي اني كنت بخس مش بتخن !! يمكن الوزن عندي بيزيد في الطول؟؟؟ يمكن برده بس فعلا انتي معاكي حق في المعلومه دي يا دكتورة نيرمين وانا رايي كده من زمان وكان نفسي حد يصدقلي على المعلومة دي
بس برده في حاجات غريبه ممكن نصدقها بس بصعوبه
جزاكم الله خيرا على الموضوع الرائع

اعتقد يا اسلام انت بلاش تتكلم عن موضوع الاكل ده

انت اكيد بتتخيل انك بتاكل وبتودى الاكل ده مكان تانى غير معدتك

Evil or Very Mad

شكرا ليكوا على مروركم وذوقكم يا مستغفره و يا دكتور مسلم وليكى يا جومانه على المعلومه الحلوه دى
وان شاء الله حجربها لما يكون عندى ارق ولا حاجه ححطه جنبى علشان انام ولما احب اسهر حأكله
وشكر خاص لدكتور مسلم لانه اثبت ان معلومة الكاكاو والشيكولاته صح وياريت لو حد عاوز يطول بقى ياكل شيكولاته هههههههه
وبجد يسعدنى ان الموضوع يعجبكم
ويارب نستفيد دايما ويقدرنى انى ما اوصلكوا معلومه غلط ابدا

سبحان الله وبحمده ....... سبحان الله العظيم

كده يا مملكة الحزن برده ؟؟!! يعني انا وانا قاعداكل بدل ما اكل انا بأكل اللي جمبي وبيتهيقلي اني اكلت ولا ايه ؟؟!! ماشي ماشي

الدكتورة نيرمين /الشكر لله بس هي مش مسألة ان الشيكولاته بتطول لالالالا خالص بس في ناس بتتخن بالعرض وناس تانيه بتتخن بالطول اللي هو انا يعني من النوع ده

كده يا مملكة الحزن برده ؟؟!! يعني انا وانا قاعداكل بدل ما اكل انا بأكل اللي جمبي وبيتهيقلي اني اكلت ولا ايه ؟؟!! ماشي ماشي

اه وكمان بتاكله فرقع بالجبنة يعنى مش حارمه من حاجة Wink

شكرا يانيرمين على المعلومات القيمه دى وجزاكى الله كل خير
اما بالنسبه لموضوع الشيكولاته فعلا من المعترف به انها تزيد الوزن وكانت دى نقطة الخلاف مع مملكة الحزن
انا عن نفسى اعرف ان قطعة الشيكولاته تعادل طبق محشى (سمعتها مره من دكتور وقال اى حاجه تدوب فى الفم ولا تمضغ تساعد على زيادة الوزن)

*** بس من الممكن ان الكاكاو والشيكولاته ايضا لاتزيد الوزن اذا لم تضاف اليها السكر واذا لم يتم اضافة بعض المواد الكيمياءيه لان السكر ذات السعرات الحراريه العالية هو الذى يعمل على زيادة الوزن وليست الماده نفسها
فمثلا الشاى وده مشروب الكثير منا يقوم بشربه فهو لايزيد الوزن ولكن باضافة السكر فهو يساعد على زيادة الوزن
ونقيس على ذلك الكثير والكاكاو اصلا يعتبر محصول زراعى يزرع فى المناطق الحاره وبالتالى فتدخلنا نحن فى تصنيعه قد يزيد سعراته ولكنه في حد ذاته قد تكون سعراته اقل نسبيا (وده اجتهادى والله اعلم)

بس لوكده يبقى كل واحد رأيه صح ومفيش اختلاف

يارب لك الحمد كما ينبغى لجلال وجهك وعظيم سلطانك ش

شكرا ليكى يا شيماء
فعلا كلامك مقنع وان شاء الله يكون صح
المهم كلنا نستفيد والأختلاف فى الرأى لايفسد للود قضيه
وجزانا واياكم كل خير

فعلا كلامك مظبوط شيمو وانا مش اختلفت مع نرمين انا بس كنت بتاكد علشان لو هيا مش بتزود بجد وجد اكتر منها اصلى بخاف ادخلها فى نظام الريجيم بتاعى Very Happy

» اعتراف أهل الكتاب بنبوة رسول الله صلى الله عليه وسلم:
» حديث ابليس مع رسول الله صلى الله عليه وسلم
» معلومات عن الكالسيوم
» سلسلة مواضيع وأحاديث باطلة لا يجوز نشرها على المنتديات (( متجدد ))
» معلومات تهمك عن الخيول