سؤال يا ريت تجاوبى عليه يا دكتوره

يا دكتوره يا غاليه

how to deal with acase infected with p.aeruginosa?

ياريت فعلا يا دكتوره تجاوبي لنا عليه او علي الاقل تقولي لنا نلاقي اجابته فين
وكان في كمان سؤال تاني الدكتور كان قاله

بصوا يا شباب الاكلينيكي علشان المعلومات ما تبقاش مجرد حفظ كلمتين ويتنسوا بعد ما تخرج من الامتحان اولا هتكلم بصفه عامه عن السيستيماتك لازم علشان تقدر تفرق الميكروبات من بعضها انك تربط كل ميكروب باهم حاجه مميزه فيه مثلا اخدنا في الاستاف اهم شيء فيه تقريبا عده نقاط من اهمها:
1-endo pigment (golden yellow)
2- coagulase enzyme
3- SPA
4- TSS,TSST1, ENTEROTOXIN
5-superantigen
يعني تقريبا دي اهم النقاط من هنا اقدر اعرف ايه الامراض الي ممكن يسببها الميكروب او ايه المشاكل الي بيسببها بصفه عامه ومن هنا ابدا افكر ازاي اتعامل مع الحاله يعني تشوف لو مثلا بيفرز سم اشوف اذا كنت هعادل السم دااو علي حسب المنتج ايا كان انا بقول خطوط عريضه مش معني كدا ان هي دي كل القضيه انا بشرح لك ايه التوبيك الي تحطها في دماغك علشان تقدر تشغل فكرك انت
نرجع لسؤالك يا رزق برضو مش هقول اجابه قطعيه لان دا تشغيل لدماغك انت شوف اهم المشاكل الناتجه عن وجود الميكروب في الجسم وحاول تفكر في حل للمشكله يعني يمكن اكتر حاجه اتكلم فيها الدكتر واشار اليها هي حتت
adhesion due to slime production or fimbriae and so on
كمان مجموعه الاننزيمات الي بيفرزها والسموم الي بتاثر علي حاجات كتير ومنها بعض الخلايا المناعيه مثلا
انت ارجع للمحاضره وراجع عوامل الضراوه بتاعه الميكروب وفكر في حل من وجهه نظرك لحل للمشكله حاجه بقي تقلل التصقه حاجه تدوب مثلا الماده الازجه الي حوليه علشان تقد المضادات الحيويه تدخل له لاننك عارف طبعا ان السليم والكابسول وكل دا حائل دون دخول المضادات الحيويه له فكررررررررررررررررررررررررررررررررررررررررررررررررررررررررررررررررررررر دي مجرد تفتيح مخ مش اجابه
مش اجابه
ماشي
الغرض من السؤال الي بيطرح في المحاضره مجرد تشغيل المخ يعني د جمال عاوز بقدر الامكان يربط بينك وبين الشغل

عموما يا دكتور شكراااااااااااااااااا ع مجهودك الرائع

بس برده مش ده الرد الى كنا مستنينه
ومش هقول اكتر من كده

مفيش فكه كتب:

عموما يا دكتور شكراااااااااااااااااا ع مجهودك الرائع

بس برده مش ده الرد الى كنا مستنينه
ومش هقول اكتر من كده

بص يا محمد دة الصح لانة مش ينفع الدكتورة تجاوب ع السؤال دة بذات
اكيد انت فاهم لية ؟؟؟؟؟؟؟؟؟

ماشى يا عم المعجزه شكرا للتوضيح

العيال دي عاوزه توقعني في الغلط بس دي سياسه يا وسيمو معلش يا رزق تتعوض في سؤال بعيد عن السياسات دي

اولا شكرا على ردك عليه يادكتوره
هو كان يطول اصلا
هههههههههههههههههههههه
وطبعا يادكتوره احنا فاهمين
وبس ياواد انته وهو خلى الدكتوره براحتها
اى خدمه يادكتوره والعيال دى لو ضايقتك قولى بس واحنا نشيلهم خااالص

كلكوا ضدى الوقتى والله يا دكتوره هما الى زقنى ع السؤال ده

بالذات الفولى
المدير
وانت عارفه يا دكتوره ان احنا ما نحبش لحضرتك الضرر
بس برده انتى...........................................ههههههههههههههههههههههههههه
فهمانى طبعا

هقولكم سر يا ولاد تعرفوا هو مضطهدني ليه؟؟؟؟؟؟؟؟؟؟؟؟؟
بسب التيشرت بس بص تعالي نفتح صفحه جديده انسي بقي ما يبقاش دمك تقيل وبعدين ماله اللون الاحمر يعني ؟

وبعدين الصيف داخل اهو يعني كدا كدا هنرتاح منه

أولا بحب أشكر حضرتك على فتح مداخل لحل السؤال
ثانيا أنا متأكد إن حضرتك بتقرأي كتييير فى مواقع بكتريا على النت
فأنا بطلب من حضرتك أسماء أهم المواقع ديه

خلاص يا دكتور انا هنسى

بس برده انتى تنسى التشرت ده
وعلى رايك الصيف داخل
وكمان انا مقدرش ازعلك
عشان الغياب بس
هههههههههههههههههههههههههههههههههههههههه
لا والله انتى غاليه عندنا اوى يا دكتوره وانتى عارفه كده

بس بردوه حضرتك مردتيش عليا مع إني متأكد إن حضرتك بتقرأي كتييييير على النت

http://textbookofbacteriology.net/index.html
نبدا بدا يا ياسر بحبه ك بكتريولوجي

الموقع جميل جدا يا دكتور
شكراااااااااااااااااااا جدااااااااااااااااااااا
وعلى فكرة الموقع دة جميل بردة
http://www.typesofbacteria.co.uk/
والموقع دة علية المنهج بتاعنا
http://pathmicro.med.sc.edu/book/bact-sta.htm

شكرا دكتورة امل علي التوضيح

ازيك يا دكتوره امل
انا اعتقد انك ماتعرفنيش بس انا هعرفك بنفسى
انا اسمى محمود فتحى
سكشن 7
بس انا عندى ليكى سؤال ؟
هى درجات البكتريا الترم دا واقعيه
انا شايف ان الدرجات مش واقعيه خالص
فى درجات فوق اوىىىىىىىىىىىىىىى اعتقد ان محدش يعرف يوصلها وبرده فى درجااااات تحت اوى لناس حالين كويس
انا على فكره مش بتكلم على نفسى انا الحمد لله جايب 38 فيها مع انى بصراحه ما استحقهاشى لانى ماحليتشى ميكولوجى خالص
ياريت توضحى لينا النقطه دى عشان انا هتجنن من الموضوع دا
وشكرا جدااااااااااااااااا يا دكتوره

طبعا بعد فضل ربنا وحكمته وتوفيقه
والله يا محمود من جد وجد

بص يا ياسر قوله فعلا من جد وجد واحنا طبيعي مش بنحمد ربنا اتعودنا دايمنا نتظلم لما ناخد درجات قليله واهوه لما اخدنا درجات عاليه برضو مش عااااااااااااااااااااااجب بس اووكد لكم ان والله اتعاملتوا بما يرضي الله اه ممكن اكتر من حقكم بس مش اقل (احمدوا ربنا بقي )

هوا فعلا زي ما حضرتك يا دكتورة قلتي يمكن الكلام صحيح لإن إحنا نقريبا أول مرة منتظلمشي ونتعامل بما يرضي الله
ونتمنى طبعا كدا فى كل المواد لإن إللى أنا شايفه فعلا إن الإمتحان كان بيخاطب الفاهم أولا وكل غللي حليناه من منطلق فهمنا بطريقتنا الخاصة إتحاسبنا علية عكس مواد تانية بلاذكر أسماء بيقفو على ألفاظ معينة وجمل ملهاش لازمة عاوزين أجهزة كمبيوتر
وشكرا يا دكتور أمل على الرد على أسئلتنا وتعليقاتنا المتواضعة

الحمد لله انا حامد ربنا دايما
وحضرتك عارفه كده يادكتوره

إية دا ... مين دول ........ إحنا فين !!!!!!!!

إنتوا يا جدعان متتكلموا عربى أحسن ...بتترطموا بالفرنساوى لية

وبعدين هيا دى دكتورة أمل العسل اللى عندنا ولا إية فهمونا يا جدعان ؟؟؟؟؟
عشان لو هيا فى سؤال مهم جدا انا عندى بكترياية ف الأوضة وعايز أتأكد إذا كانت بكترياية ولا فيرس بيستعبط وبصراحة نظرى مش مساعدنى العتب عالجزر معتش بيقوى النظر؟؟؟؟؟

وشكرااااااااا

مين الخفيف دا

دا احمد حبيب
انتى متعرفهوش ولا ايه يا دكتور دا اشهر من النار ع العلم فى الكليه

وانا كمان بمسى عليكى بنفسى
ومنورانا والله

هههههههههههه لا يا دكتورة بهزر طبعا ...... انتى منورانا ولله

كان ليا سؤالين هو البتكريا اللى احنا بنبقى شغالين بيها ف المعمل دى ميتة يعنى مش ممكن تعدينا ؟ غير كدة إنتوا بتمسكوها إزاى ؟
على فكرة انا بتكلم بجد لأنى فعلا مش عارف
تحياتى ليكى يا دوك

السكشن اللي فات كان B.antheracoid والدكتوره قالت أنهم مش ممكن يجيبولنا B.antheracus لأنهم بكده يكونوا مستغنيين عننا...........يعني ممكن تعدينا فعلا

انا رديت علي احمد في السكشن بس هقول تاني طبعا حضراتكم فاكرين في اعداد الافلام اننا بنعمل خطوه التثبيت علي النار يعني كدا الميكروب بيموت ولكن الحرص مطلوب يعني دايما حافظ علي نظافتك وما تحاولش تلمسه بايدك حتي لو عاوز تعرف الوش من الفيلم يبقي بحاجه حاده وبلاش ايديكم والنبي ماشي يا جميل؟

يا دكتورة إحنا فدى العلم كله ههههههههههههه

واللة العظيم انتى احسن دكتورة انا قابلتها لغاية الوقتى اول مرة احس ان حد بيعاملنا كدة ذى اخواتة الف شكر ليكى يادكتور

يا بني زي ما الكلية فيها ال...... بردوه فيها الكويس

أيوالله يا ياسر أول مرة تقول حاجة صح وإنت فرحانلى بإسمك ف لتوقيع كدة عنيا زغللت يا عم

بصراحة يا دكتورة ما شاء الله موضوعلك القبول ف الدفعات كلها وإصحابنا كمان ف دفعة رابعة بيحكولنا دايما عنك
ربنا يصلح حالك يا دكتورة ويوفقك لكل اللى بتحبية

مكسوفه مكسوووووووفه موت شكرا يا حبايب قلبي كلللللللللللكم

ممكن اشارك معاكم ؟ ممكن ها ممكن ماشى ؟
انتم صدقتم ولا ايه هو انا هاخد رأيكم ولا ايه انا باخد رأى الدكتوره امل طبعا
اللى انا عارف انها عمرها مابترفضلى طلب ولا ايه يا دكتوره
انتى عارفه انا مين انا محمد اكيد غنى عن التعريف اللى مزهق حضرتك كل اسبوع علشان الحضور. اكيد عرفينى يا دكتوره .. بس بجد والله من غير مجامله حضرتك زى العسل والله بس لما بتكشرى بجد ماحدش يحب يوقف قدام حضرتك وانتى غضبانه بس رغم كده بردوا انتى احسن دكتوره عندنا فى الكليه .. بصراحه كل الدكاتره اللى بيدرسولنا فى سنه 3 زى العسل والله ماعدا قله قليله منهم مش لازم نذكرهم علشان مانروحش فى داهيه
معلش طولت على حضرتك بس انا متاكد من سعه صدرك وانك هاتستحملينى
سلاااااااام مؤقت يا احلى سيكشن (6) وسلام يا احلى دكتوره

والله يا جماعه انا دورت على كلام اقوله بس ملقيتش كلام من كلام البشر لقيت كلام سيد البشر

عن أبي هريرة رضي الله عنه قال : قال رسول الله صلى الله عليه وسلم : (( إذا أحب الله تعالى العبد، نادى جبريل، إن الله تعالى يحب فلاناً، فأحببه، فيحبه جبريل، فينادي في أهل السماء : إن الله يحب فلاناً فأحبوه، فيحبه أهل السماء، ثم يوضع له القبول في الأرض )) متفق عليه

وكذلك برده العكس زي ما فيه ناس ربنا وجبريل واهل السما واهل الارض بيحبوهم .........برده في ناس ربنا وجبريل واهل السما واهل الارض بيبغضوهم وعلى فكره كتير منهم في كليتنا ونحسبك عند الله يا دكتوره ممن يحبهم الله........

تحيااااااااااااااااااااااااااااااتي.....................DR_MOSLIM

» سلسلة مواضيع وأحاديث باطلة لا يجوز نشرها على المنتديات (( متجدد ))
» لوسمحت يا دكتور سؤال برة المنهج
» سؤال للصبايا بس ياريت الجواب بصراحة
» بساطة النبى صلى الله عليه وسلم
» اسطوانه لوصف النبى صلى الله عليه وسلم