التسنين في الخيل بالصور .....روووووووووووعه

التسنين في الخيل بالصور .....روووووووووووعه 622400914

التسنين في الخيل بالصور .....روووووووووووعه 680984581

التسنين و تقدير العمر فى الخيول

احبائي اعضاء منتدانا الكرام

الموضوع ده طبعا مهم لينا كطلبه لأننا بناخده في الكليه وفي كزا ماده وكمان لينا احنا علشان لما ييجلك واحد رايح يشتري حصان وجاي يخدك معاه علشان تشوفله الحصان من انواع الغش ان صاحب الخيل ممكن يغشك في عمره لو كان الخيل كبير في السن ويبعيه على انه صغير

فاحنا لازم ندرس الحاجات دي كويس

انا عارف طولت في الكلام مش كده؟؟

نيجي للجد بقه

اولا :

تنقسم اسنان الحصان تبعا لوضعها و شكلها الى ما يلى:

1. القواطع وتوجد فى بداية الفك و تشمل الثنائيان و الرباعيان و القارحان
2. الانياب و تقع بين القواطع و الضروس و توجد فى الذكور فقط
3. الضروس و تشمل ضروس المقدمة و ضروس المؤخرة

ثانيا : تنقسم الاسنان حسب الظهور الى اسنان لبنية و اسنان مستديمة

الاسنان اللبنية تتكون من :

القواطع : تشمل الثنائيان تظهر فى الاسبوع رقم 2 .
و الرباعيان تظهر فى الشهر من 2 الى 6 .
و القارحان تظهر فى الشهر 6 الى 9
الضروس الامامية : وتشمل الضرس 1 تظهر فى الشهر 2
و الضرس 2 تظهر فى الشهر 2
و الضرس 3 تظهر فى الشهر 2
ثم يحدث عملية استبدال لها باسنان مستديمة

الاسنان المستديمة

القواطع : تشمل الثنائيان تظهر عند عمر 2.5 عام.
و الرباعيان تظهر عند عمر 3.5 عام.
و القارحان تظهر عند عمر 4.5 عام.
الانياب : وتظهر عند عمر من 4 – 5 اعوام
الضروس الامامية : وتشمل الضرس 1 يظهر عند عمر 2 – 3 عام
و الضرس 2 يظهر عند عمر 2 – 3 عام
و الضرس 3 يظهر عند عمر 3 – 4 عام
الضروس الخلفية : وتشمل الضرس 1 يظهر عند عمر 1 عام
و الضرس 2 يظهر عند عمر 2 – 3 عام
و الضرس 3 يظهر عند عمر 3 – 4 عام

وتتميز المجموعة اللبنية عن المستديمة بان لها عنق واضح و جذر دقيق كما انها اصغر حجما و اكثر بياضا
عند تقدير العمر فى الخيول يرلعى الى جانب معرفة اوقات ظهور الاسنان وتبديلها ايضا فحص العلامات الخاصة والمميزة لها وهى:

1- سطح القواطع Occlusal surface

ويختلف مظهره الخارجى فيكون بيضاويا (عند عمر 4 – 7 سنوات) و بتقدم العمر يصبح دائرى (عند 8 سنوات) ثم مثلث (عند 9 سنوات)

2- التجويف Infundibulum

انخفاض على سطح القواطع مخروط الشكل قاعدته لاعلى اسود اللون نتيجة امتلاءه بالمواد الغذائية
ويكون بيضاوى الشكل (عند عمر 4 – 8 سنوات) و بتقدم العمر يصبح دائرى (عند 9 سنوات) الى ان يصبح نقطة صغيرة (عند عمر 12 سنة)

3- النجمة السنية Dental star
خط دقيق امام التجويف يكون لونه عاجيا
يبدا ظهوره (عند عمر 9 سنوات) عندما تصبح السنة مثلثة
تتضح عند عمر العاشرة كخط طولى على سطح القواطع بالعض خلف الحافة الخارجية للسنة مباشرة

4- اخدود جلفاين

اما بالنسبة الى العمر من 11 الى 30 عام فيكون عن طريق اخدود جلفاين الذى يظهر على بداية القارح الاعلى و يمتد حتى يصل الى منتصف القارح فى عمر 15 عام و يمتد الى نهاية القارح فى عمر 20 عام و يبدىء فى الاختفاء من اعلى حتى يختفى نصفه العلوى فى عمر 25 عام ثم يختفى تماما فى عمر 30 عام

اظن كده نقدر نحدد العمر في الخيل بسهوله ومن غير لخبطه

وشكرا لحسن استماعكم وانتظروا منا كل ما هو مفيد

ومتنسونيش بدعوه حلوه منكوا

صور اخري مساعدة

جزى الله الدكتور حسام خيرا
وجزى الله الدكتور احمد حسن خيرا
على هذا العمل الرائع

موضوع حلو بس يا ريت ترفع الصور على سيرفر تاني

الصور ظاهره يابش مهندس
العيب عندك

أه فعلا ظهرت بس السيرفر ده أوقات بيرخم

» الولادة عند الفرس بالصور
» كتاب الأمراض المعدية عند الخيل ... Equine Infectious Diseases
» الحمل والاجهاض والولادة في الخيل انا عارف انى مولعها هههههههه
» حلويات رمضانية بالصور
» احكام التجويد بالصور