بالصوت والصوره فى غياب محب (كرومبو) وفى غياب التكتك بتاع (طلحه) فزنا 6/صفر والبطوله قربت

بسم الله الرحمن الرحيم

فى غياب كل من محب (كرومبو) وفى غياب التكتك التعبان بتاع طلحه فزنا 6/صفر
احرز الاهداف كلا من
1-احمد ابو الفتوح احرز هدفين
2-محمد طلحه احرز هدفين
3- الفولى احرز الهدف الخامس
4-فتحى ايوا احرز الهدف السادس
التشكيل الاساسى
الفولى لحارسة المرمى مفيش ولا كوره وصلت له طول الشوط والنصف الى كان واقفهم
الليبرو محمد جمال ليبرو جامد بجد صاحب كلمة متوتورناش ياناس
http://www.mediafire.com/download.php?gezmfn0njz4
واحمد جمعه من سكشن واحد
وناحية اليمين محمد بدر الشهير بطه وناحية الشمال محمد طلحه افندى
وفى نصف الملعب كان موجود الواد فتحى ايوا
وفى الهجوم كان احمد ابو الفتوح اعاره برضوا من سكشن واحد
فريق سكشن واحد
الحارس ابراهيم
الليبرو مش عارف بس اعتقد انه اسلام وكان معاه احمد دراج
من ناحية اليمين مش فاكر المهم كان بيلعب احمد الباز واحمد ذكى
ووبيلعب جعفر وكمان واحد كده مش فاكره
الشوط الاول
فى بداية الشوط الاول وبسرعه فائقه تم احراز اسرع هدف فى البطوله عن طريق اللاعب احمد ابو الفتوح فى الدقيقه 2 من الشوط الاول
عن طريق هات وخد يعنى (ون -تو) مع طلحه افندى يحرزها فى الحارس ابراهيم
وبعدها بكام دقيقه طلحه افندى احرز الهدف الاول له والتانى لفريقه
وبعدها بشويه برضوا يعنى شويه كده حوالى خمس دقايق يعنى المهم احمد ابو الفتوح جاب الجون التالت
وده كله والفولى واقف جون وقاعد على الارض لغاية لما الكوره تيجى بس مكنتش بتيجى ده معناه ان اللقاء من جانب واحد بس
المهم الشوط الاول انتهى بتقدمنا 3/ صفر
مش هقول طبعا مين الى جاب الاهداف هى مش حكايه يعنى انا قلتهم فى الاول
الشوط التانى
فى بداية الشوط التانى نزل اللاعب مفيش فكه (محمد السيد رزق)بدل من الكابتن محمد بدر طه ونزل لعب فى نصف الملعب حد يسئلنى ليه لانه مبيعرفش يجيب اجوان قلنا نحطه نصف ملعب اهو يلعب كده احسن يعنى
المهم بعد مرور خمس دقايق من الشوط التانى وفى ظل التركيز الكبير لفريقنا لمح الكابتن طلحه افندى تقدم الحارس احمد دراج عن مرماه وبذكاؤه المتناهى
(الذكاء ده نادر يعنى مش دايما )لعب الكوره لب(اللام عليها ضمه معرفش بتتعمل ازاى من اللوحه ) من فوق دراج من نصف الملعب لتسكن الشباك يعنى هو مفيش شبك بس هى بتتقال كده فى التلفزيون
المهم الوفلى شاف الى بيحصل ده قال والله لطالع لاعب قدام المهم احمد جمعه رجع وقف جون واالمطلوب من الفولى انه يقف دفاع مكانه بس ولا حياة لمن تنادى
طلعب لعب شويه مدافع وبعدين من هجمه عنتريه قداها الفولى ولعبها لطلحه افندى واعطاها للفولى تانى لينفرد بالجون ساعتها احمد ذكى افندى (مش اللممثل)
ويحرز هدف لااجمل ولا اروع من كده ياه ياه ياه ياه ياه ياه ياه(هو جون عادى يعنى مش مستاهل بس علشان انا الى جايبه لازم اعمل كده الجون كان فاضى اصلا بعد الهات وخد مع طلحه متواضع شويه ياجماعه اعمل ايه بس ههههههههههه
وحصل بعد الجون شوية تغيرات مش فاكر منها حاجه يخرج ابو الفتوح وينزل بدر تانى ويخرج طلحه وينزل مكانه الى كان بره مش فاكر المهم نرجع للمباراه
ومن هجمه رائعه من ناحية اليمين يتقدم الللاعب مفيش فكه وبذكاؤه الرهيب لقى فتحى ايوا ناحية الشمال اهدى له الكوره ليسكنها داخل المرمى بسهوله فتحى جرا فى الملعب ومحسسنى انه جايب جون الفوز يعنى وده الهدف السادس
محمد جمال قالك انا مليش دعوه انا عايز اجيب هدف طلع لعب قدام ورجع طلحه مكانه والمفروض الفولى معاه بس برضوا ولا حياة لمن تنادى
ووقف جون ساعتها مفيش فكه المهم نطله قدام تانى الفولى لعب كوره لمحمد جمال وكان عايز يحطها بمعلمه وفن يعنى طلعها بره بالرغم ان الجون فاضى خالص
وبعدين بعد الكوره دى حصل علينا اول هجمه فى اللقاء (اخيرا )
بس الواد رزف تألق فى صدها هو صدها ووقع بس المهم صدها وبعدها اللعب بقى اى حد بيعمل اى حاجه
وبعدها اطلق الحكم الدولى احمد سعيد حكم مبارتين بس علشان كده هو دولى يله اهو نفاق وخلاص
لتنتهى المباراه بفوزنا الساحق والسهل على فريق سكشن واحد

عن المباراه
1- اللاعيبه كلهم اكلوا سندوتشات بطاطس وده يعنى الاتحاد بين الفرقه الواحده بالرغم ان محمد جمال اكل سندوتشين بس يله كان جعان
وبالرغم ان رزق كان جاى من البيت واكل لحمه بس اكل بطاطس علشان نبقى رجل واحده قصدى يد واحده
2-بعد الاكل قلنا يله نروح تربيه رياضيه علشان نلعب الماتش وسئل جيمى عن الكبير بس مشفنهوش بس بمجرد ذكر اسم الكبير لقيناها
قدامنا ومش هقول خالص ان الرجاله كانوا ماشين محترمين خالص والدليل على كده تربيه رياضيه يا ابو الفتوح والزى الموحد صح
بس بينى وبينك عندك حق سيبك انته هههههههههههه
3- نظرا لان الفولى كان صلى امام الاسبوع الى اتغلبنا فيه طلحه الى صلى بينا امام يعنى علشان ربنا يكرمنا والحمد لله ربنا كرمنا
4- جمعه اثناء المباراه كان هيموت ويجيب جون وقاعد يقول للفولى انه يعطى له الكوره علشان يجيبها جون بقوله ليه عايز تجيب جون
قلى علشان اغيظ العيال بتوع السكش بتاعى بس الفولى غتت ومعطلوش الكوره واتجنن ونزل لعب الكوره بدماغه وهى على الارض
استهزاء بالخصم يعنى هههههههههههه وجمعه قعد يجرى ورا الفولى بعد الماتش
5-قبل المباراه ما تنتهى بشويه بعد ما رزق صد الكوره فى واحد دخل وخبطه فى رجله محدش شافه المهم لما شفناه ومن حبنا له
شلناه ورمناه بره وقلنا نكمل لعب احسن وطلحه وقف جون
6-ملحوظه رفيعه / فى التدريب قبل المباراه وعلشان روح التعاون الفريقين كانوا بيسخنوا مع بعض وفى نفس المكان
وبالتالى الرد على ماتردد فى الاعلام فى الاونه الاخيره عن الحرب الكلاميه بين الللاعيبن
7-اعلن الكابتن طلحه عن المكافات لللاعيبه وهى عباره عن بسكوته واحده وكل واحد هياخد قطعه منها منك لله روح دى مكافاه ياراجل
8-الباز افندى كان هيمسك فى الحكم كان مخنوق من الحكم تقريبا بيعملها حجه علشان مغلوب (بينى وبينكم احمد السعيد مبيعرفش يحكم)
9 سيتم رفع اللقاء الفيديو والصور كمان وكان لقاء حصرى مع قناة فيت دوكتورز مع الكابتن محمد جمال والكابتن محمد رزق عن رايهم فى المباراه
اجرى اللقاء الفولى
http://www.mediafire.com/download.php?tj2ntjyzdjh
ملحوظه/ هذا الفيديو واللقاءات لازم يكون سنك اكتر من 18 سنه انا بحذر اهو (دماغكم راحت لبعيد ليه اوعى تروح لبعيد)
الصور
فريقنا
http://up2.m5zn.com/photo/2009/4/14/06/bv20w6rnj.jpg/jpg

فريق سكشن واحد طلحه واقف معاهم لاننا مش لاقين بقيت الفرقه بتاعتهم
http://up2.m5zn.com/photo/2009/4/14/06/82jj98ust.jpg/jpg
الفيديو لسه هينزل اصبروا شويه

كان معكم محمد الفولى من امام شاشة الكمبيوتر
وبكده يكون صعدنا لقبل النهائى ادعلونا لاننا دايما بنتغلب فى قبل النهائى
اخبارنا الرياضيه انتهت طاب مساؤكم