قصائد للشاعر عبد الرحمن الابنودى

أ
سوان ... الرسالة 1

أما بعد .. لو كنت هاودت كسوفي ع التأخير
سامحيني يا فطنه في طول الغيبه عليكم
وأنا خجلان .. خجلان .. وأقولك يا زوجتنا أنا خجلان منكم ..
من هنا للصبح ..
شهرين دلوقت ..
من يوم ما عنيكي يا فاطنه .. بلت شباك القطر ..
لسوعتي بدمعك ضهر يديَ
لحضتها قلت لك :
(( قبل ما عوصل عتلاقي جوابي جي ... ))
نهنهتي .. وقلتي لي بعتاب:
(( النبي عارفاك كداب .. نساي
وعتنسى أول ما عتنزل في أسوان .. ))
حسيت واليد بتخطفها يد الجدعان
بالقلب ف جوفي ما عارف ان كان بردان .. دفيان
والبت عزيزه والواد عيد
قناديل في الجوف .. زي ما بتضوي .. بيقيد ..
.......... والقطر إتحرك ..
وقليبي بينتقل من يد لإيد .
والقطر بيصرخ ويدَودِو
اتدلدلت بوسطي من الشباك ..
( خذي بالك م الولد .. راعي عزيزه وعيد )
والقطر صرخ ورمح لكإنه داس على بصة نار ..
ولقطت الحس قريب .. قد ما كنتي بعيد :
(قلبي معاك يا حراجي هناك في أسوان ..)
...........................
ورميت نفسي وسط الجدعان .. وبكيت ..
وبلدنا اللي كنا بنمشيها ف نص نهار
كان القطر في لحضه .. فاتها بمشوار .
سامحيني يا فطنه على التأخير ..
ولو الورقه يا بت الخال تكفي
لأعبي لك بحر النيل والله بكفيِ
وختاماً ليس ختام ..
بابعت لك ِ
ليكي ولناس الجبلايه ولبتي عزيزه والواد عيد
ألف سلام
زوجك ... لوسطى حراجي

***

أسوان
زوجي الغالي
لاوسطى حراجي القط
العامل في السد العالي

جبلاية الفار

الرسالة 2

زوجي حراجي ..
فوصلنا خطابك ..
شمينا فيه ريحة الأحباب .. ربنا ما يوري حد غياب ..
مش أول مره البسطاوي يخطي عتبة الدار ؟؟
عمرنا يا حراجي .. ما جلنا جواب .
النبي ساعة مرزوق البسطاوي .. ما نده ..
كده زي ما كون .. دقت في حشايا النار .
وكإن العمر بيصدق .. بعد ما كان كداب ..
اتأخرت مسافه كبيرة كبيرة علي
عارف فاطنه يا حراجي لاليها عايل .. ولا خي .
ليه تتأخر كده يا حراجي .. ؟
طب والنبي كأن ورقتك دي
أول قنديل بتهز ف جوف الدار .
أول ندعة ضو.
الدار من غيرك يا أيو عزيزه .. هو .
وعزيزه وعيد ..
من غيرك يا حراجي زي اليُتما في العيد .
الواد على صغره حاسس بالغربه والبعد .
ولا عاد حتى بيطلع يلعب في القمَارى مع الولِد .
اطلع وأخش .. أطلع وأخش القاه .. غيمان
وكأنه محروق له دكان .
ويقوللي : (( فين يامه أسوان .. ؟
وأبا سابنا ليه يا مه ؟ ما يمكن زعلان .. ؟ ))
شهرين يا بخيل ؟
ستين شمس وستين ليل ؟
النبي يا حراجيما أطول قلبك
لاقطع بسناني الحته القاسيه فيه
..........................
كل الجبلايه تسلم فرداً فرد ..
م الحاج ((( طِلب حامد )) لعيلة بيت (( علي سعيد ))
وانشالله يا حراجي ما يوريني فيك يوم
وانشالله تكون تعلمت ترد قوام .
ومادام احنا راسيين ع العنوان
والله ما حنبطل بعتان..
مفهوم..أسوان
زوجي الغالي
لاوسطى حراجي القط ..
العامل في السد العالي

زوجتك
فاطنه أحمد عبد الغقار
جبلايه الفار

***
أسوان
الرساله 3

الجوهره المصونه
والدره المكنونه
زوجتنا فاطنه أحمد عبد الغفار
يوصل ويسلم ليها
في منزلنا الكاين في جبلاية الفار

أما بعد ..

فهذا تاني خطاب ..
باعتين طيه ما قدرنا المولى عليه ..
وعنبعتلك في ظرف الجمعه .. طرد
الطرحه والجزمه بتوعك ..
وكساوي عزيزه وعيد .
دورت الحسبه ف راسي وقلت يا واد يا حراجي ..
هو يعني قانون العيل ما يدوقشي الكسوه ..
غير في العيد ؟
أمال كيف العيل حيحس أبوه جنبه
إذا كان الأب .. بعيد .. ؟
بقى أول ما دلقنا يا فاطنه بابور السد على محطة إسوان
أنا والجدعان
حسيت بالدوخه
مش أول مره باسيب جبلاية الفار .. ؟
رحنا المكتب
طبعنا البطاقات ..
ومضينا على الورقات
أه يا (( فطاني )) لو شوفتي الرجاله هْنِهْ
قولي .. ميات .. أولوفات ..
بحر من ولاد الناس ..
إللي من (( درجا )) واللي م (( البتانون ))
واللي من (( أصفون)) و (( التل))
جدعان .. زي عيدان الزان .. سايبن الأهل .
وتطلي في عين الواحد يا ولداه ع الغربه ..
عارفه يا مرتي الراجل في الغربه يشبه إيه .. ؟
عود دره وحداني .. في غيط كمون ..
حسيت بالخوف ناشع في عروقي زي البرد .
قضينا الليله الأولانيه في أي مكان .
العين مشقوقه..
والبال ..
زي الغله اللي بتسرسب من يد الكيال
وندهت عليكي قلت : انا بنده
امعاني ؟
سامعيني يا عيال ؟
النبي لولا الخوف واللومه من الرجاله ..
لاركبت القطر وعدت
قبل ما أروح لموظف
قبل ما أرد سؤال.
وقعدت أعقل نفسي وأقول : يا حراجي يا بوي
أمال جيت ليه ؟
الخايف من الغربهة ما يجيش
اتحمل علشان كسوة عيد .. ورغيف العيش
لكإنك ياخي رحت (( الديش ))
من خوفي يا مرتي
قعدت أهدي الرجاله .
فاطنه ..
أول ما تفكي الخمسه جنيه
اطلعي ع الفور ..
وإدي حساب (( عمران )) وجنيه (( بمبة الصباغ ))
والباقي زيحوا بيه القارب
لما يعدلها الرحمن
سلمى ع الوِلد .. وع (( الحاج التايب ))
بلا كتر كلام ..
سلمي على كل اللي لينا فيهم نايب ..
وإوعي يا فطنه لما ارجع وأبص ف وش اللولاد ..
أعرف إن أبوهم كان غايب .
وإحنا هنا بنستنى الجوابات بفروغ صبر
طول ما الجوابات رايحه وجايه .
اعتبري كإني باجي أشوفك..
واجى .

زوجك لاوسطى حراجي

***
أسوان
زوجي الغالي
لاوسطى حرجاي القط
العامل في السد العالي

جبلاية الفار

ملقتش غير الابنودى والشعر المبتذل شعر وشاعر تافه وموضوع وصاحب موضوع اتفه

يا دكتور مراكبى اذا كنت بتفهم فى الشعر يبقى لازم تفهم
ان العصر الحالى عباره عن نزار والابنودى وجويده وحمدان
وانا اعتقد انك اصلا ما تعرفهمش لان الى يقول على الابنودى كده يبقى اكيد ما سمعش شعر صح
ونصيحه اسمع كلام الابنودى وافهمه هتفهم الدنيا ماشيه ازاى

على فكره قصائد الابنودى رائعه
فيها معانى طبيعيه وحقيقيه كتير اوى
ويمكن بتعرض مواقف ممكن الانسان يتعرضلها كتير اوى
بس بطريقه بسيطه وسلسه وقريبه من فكر الانسان العادى البسيط .....

ده المراكبي يا جماعه ههههههههههههههههههههههههههههه
بس انا مش بحب فعلا الابنودي مش لأسباب شخصيه لكن في الله

على فكرة ياجماعة الكلام العامى دة والشعر ده احد عوامل انهيار وتحريف الغة لانها بتدخل مصطلحات كتير اوى جديدة كل يوم ولو كل دولة عربية استخدمت مصطلحاتها وعباراتها فى الادب او النواحى المهمة فى الحياة واعتمدتها اللغة العربية ستصبح مثل الاتينية اصل لغات اوروبا لكن الحمد لله القران حاميها الى يوم الدين ولازم احنا نقاوم اى حاجة دخيلة على اللغة زى الشعر دة وعلى فكرة ياجماعة فى ناس فى المغرب العربى متقدرش تفهم لغتهم مع انهم بيكلموك عربى وده لانهم ادرجوا مصطلحات فرنسية ومصطلحات من اللغة البربرية بتاعتهم على الغة العربية ودة كمان من العوامل اللى بتهدد الغة العربية
وشكرا يا دكتور اسلام على الرد المهذب ده

لا بجد يا دراج شعر متوافق كتير مع الواقع العصر بتاعنا
وعقبال منشوفك كدا شاعر