الحكومة والاعلام ضد الختان

موضوع: الحكومة والاعلام ضد الختان 22/3/2009, 4:26 pm

بسم الله الرحمن الرحيم

واليكم نشرة الثالثه

راجع من مشوار ما ... بالسياره

وكان طريقي جي من كوبري الدقي وداخل علي جامعه القاهره .. وبعد كده هطلع كوبري الجيزه عشان ادخل بعد كده الهرم ( حفظها الله )

المهم

وانا عند جامعه القاهره من اربع ايام بتاريخ ( 22 / 4 /2008 )

شوفت شيء غريب وهو موجود لحد دلوقتي للي عايز يتأكد يروح عند جامعه القاهره ..

المهم شوفت ده

طبعا الصوره الي موجوده صورة بنت صغيره بس انا بردو طمستها شويه صغيرين المهم

الصوره دي متعلقه قدام الباب الرئيسي عند جامعه القاهره ...

مكتوب ايه يا سيدي نقرب كده ونشوف

مكتوب

بيقولوا الختان عفه للبنت !

عفة البنت في أخلاقها

والاخلاق بتيجي من البيت

بداية النهايه ..

لا لختان الاناث

عايز تعرف اكتر اتصل برقم كذا كذا
--------------------------------------------------------------------

بصراحه انا استغربت جدا لاكثر من شيء تعالوا كده نحلل الوضع ...

1- ليه صوره زي دي تتحط قدام الجامعه مع العلم ان المسئول عن الختان هم
الاهل ... يعني المفروض الصوره دي تتعلق قدام مجمع التحرير عشان الاهالي
..

2- بيتكلموا عن العفه قدام جامعه القاهره ... ( والله العظيم البنت
بتلف حشيش في الحمامات بتاعة الجامعه ) ويقولوا العفه بتيجي من البيت

3- جامعه القاهره الي اتفرج عليها في عيد الحب .. والقبلات الحاره عيني عينك في الجامعه

4- هي بتقول في اليافطه ( بيقولوا ) نفسي اعرف تقصد بمين هيقولوا ؟

طيب انا مش هطول عليكم مازلت انا محتار من اليافطه دي ... وومستغرب طيب طالما الاخلاق والعفه

مش في الختان .. وبتقولوا بتيجي من البيت جميل ...

انتم بقا عملتم ايه عشان العفه والاخلاق تيجي من البيت

والله العظيم كنت محتار وزاره الثقافه الي عملت اليافطه دي وقالت ان الاخلاق بيتجي من البيت ..

عملت ايه وزاره الثقافه عشان توعي البيت علي الاخلاق ..

( تخيل لو ) : ولما سألنا وزاره الثقافه عن دورها في التوعيه قالت الوعيه في البيت بتكون عن طريق الاعلام ...

فسكت وروحت واخد عربيتي من قدام اليافطه وماشي ....

وانا لسا جوايه السؤال

( انا هفكر بتفكيرهم ) وهقول ان الختان غلط وانتم ناس مقتنعين ان
الختان بيضر المرأه وان الاخلاق بتيجي من البيت ... عملتوا ايه بقا ؟

هتمنعوا الختان .. طيب ايه البديل المقترح ؟؟؟

وفضل السؤال يرن في دماغي وانا ماشي بالعربيه عمال اسئل نفسي ..

ياتري هيعملوا ايه بديل عن الختان يحافظ علي عفة البنت واخلاقه ويكون فيه تربيه للبيت

وفجأه

وانا ماشي بالعربيه ونزلت من تحت كوبري ثروت وخدت شمال وداخل علي كوبري الجيزه

لقيت الحل وشوفت الحل وشوفت مجهودات الحكومه والتضامن بين وزارتي الثقافه والاعلام وحقوق المرأه ...

لقيت يافطه تانيه تفضلت وزاره الاعلام بتعليقها عند مترو الجامعه وبجوار مخرج أخر للجامعه ...

كانت اليافطه عن .....

والله يا اخوه اليافطه من عند الجامعه لحد كوبري الجيزه انا معدتش بس
تقريباً 15 يافطه مع ان من المعروف ان 3 يفط تلفت انتباه اي واحد لاء دول
15 عشان الاعمي يشوف ...

طيب نقرب شويه نشوف مكتوب ايه علي اليافطه ...

فيلم اسمه كابريه ...

للحزين ( السبكي )

كل الي مكتوب عليه فيلم صيف 2008 ( كابريه ) وتحتها مكتوب السبكي فيلم

من المعروف اصلا مجهودات السبكي الجميله في نشر الاخلاق في البيوت ..

وعايزكم تتخيلوا لما يكون فيلم اسمه كابريه ؟ يبقي احداث الفيلم اكيد مش هدور في عمر مكرم ..

اكيد هدور في حته عندنا في الهرم .. حته ما اكيد انتم عرفتوها !!!!

وفيلم يعني الشباب والبنات هيدخلوا

من الاخر الختان مش بتاع عفه

وبما ان العفه في بيتها والاخلاق بيتجي من البيت مش هينفع نقول لا لاخلاق البيت

زي ما قلنا لا لختان الاناث

لكن بما ان الاخلاق في البيت فاحنا بندعوا الاهالي لدخول الكابريه ..

وساعتها بس عرفت الجهود المتكاتفه والتضامن القوي في البلد بين الوزارات

لو بصيت لاي وزارتين تانين هتلاقي اختلاف

يعني وزاره الطرق تلاقيها بتسفلت الارض وهي مش عارفه ان المنطقه دي هيدخلها الغاز الشهر الجاي

فطبعا يسفلتوا الارض ويجيي بتاع الغاز يروح مكسر الارض ...

وتفضل بقا الارض كده طول السنه لحد وبعد كده قبل ما خطوط التليفونات
النحاس تدخل المنطقه بشهر يورحوا مسفلتين وتيجي بعد شهر وزاره الاتصالا
تشيل السفلته

كل الوزارات مش متفقه مع بعضها

الا الاعلام والثقافه

الهدف واحد ...

المهم انا مش هتكلم عن موضوع الختان ...

والنهايه فيه

لكن احنا بنقول ( ان النبي اخبرناا انه من سنن الفطره )

والعلماء اثبتوا انه من السنه

وقالوا انه ممكن يكون لواحده فرض او سنه او مستحب او مركوه او حرام ( والي يحدد ده الدكتوره المسلمه )

فموضوع الختان من الاسباب الماديه التي تساعد علي قله الشهوه .. عند النساء ..

واقول من الاسباب الماديه ..

لكن مش موضوعنا ( الختان ) ده شيء بتاع العلماء والمشايخ

انا بس حبيت اوضح ليكم اهميه الاعلام في التأثير علي الناس

وايه الفئه الي اهتموا بيه ( الشباب )

وازاي حاصروهم من مخارج الجامعه ( الرئيسي والمترو )

وازاي عندهم استعداد انهم يدعوا الناس ( وحاطين رقم تليفون ساخن عشان الي عايز يستفسر )

السؤال هنا

ايه الي هتستفادوا الدوله لو النساء بطلت ختان ... انا عايز استفاده واحده ؟

هم بيقولوا بيضر البنت .. ان كان هناك ضرر ( بسبب بعض الجهله الي بيقوموا بختان الاناث دون العرض علي دكتوره )

طيب هل ضرر الختان علي البنت كضرر التدخين علي الشعب ؟

هل الحكومه عملت حمله عن التدخين كحملتها عن الختان ..

نفسي اعرف استفادوا ايه ؟؟

ولا عايزنا زي اوروبا

مفيش ختان = وهناك صعب تلاقي واحد عارف ابوه من كتر الزنا وقله الادب

وصعب بنت هناك تصل الي 16 من عمرها .. وتكون عذراء

وصعب اصلا انك تجوز واحده ************

للاسف كل ال في اوربا *****

فانا طلبي من البنات

اننا نتنصح ونعرف ايه الي بيحصل ونحاول نتصدي ليه ... بالعقل

بمعني ايه

دلوقتي هما بيقولوا وبيثبتوا ان الختان غلط بيتكلموا كلام علمي ...

يبقي ترد عليهم بكلام عقلي عشان لو اتكلمت معاهم بكلام النبي ( في اول
الامر ) كده هتوقعهم هم في الغلط ( اتحب ان يُكذب الله ورسوله .. ؟ )

فعشان منوقعش حد في الغلط وان مش هدفنا مجرد اقامه الحجه لاء واحده واحده

1- نقول والله الختان محدش قال فرض الي يحدد ده الدكتوره المسلمه
وبالفعل ممكن يكون حرام لو بالفعل البنت مش محتاجه .. ونقول الحديث بتاع
ام عطيه بتاع اخفضي ولا تنهكي

2- نذكر حال اوروبا لما تركوا الختان والاخلاق معاً الي ماذا وصلوا ؟

3- نذكر ان ملايين النساء عبر الزمان من المسلمات ... فعلوا هذا ولم يحدث ضرر

ولو حد قالك لاء ده مره واحده ماتت وهم بيعملوا كده

4- نقول الغلط غلط فردي بتاع شخص مش بتاع شريعه ... يعني كم مره عمليه قلب اتعملت ..؟ ومات المريض يبقي منعملش عمليات ؟؟ !!

كم مره حاله ولاده وماتت الام ؟؟ يبقي نسيب العيل يعفن في بطن امه ومنولدش حد عشان الولاده خطر ؟؟

طيب هل عدد اللاوتي ماتوا بسبب عمليات ولاده ؟؟ اكثر ولا الي ماتوا بسبب الختان ؟

ايهما احق بالترك اذا ؟

يبقي الكلام يكون بالعقل وتقنع الي قدامك وبعد كده تقول كلام النبي بحيث لما يسمعوا يقتنع بسرعه

ويبقي كده وصلت ليه المعلومه وفي نفس الوقت حفظت جناب العقيده من تكذيب الناس لها

يبقي لما تتكلم مع حد مش الهدف انك تثبت ليه انه غلط او تقيم عليه حجه لكن الهدف انه يقتنع ويصدق كلام الله ورسوله ...

هذا وكان معكم محدثكم واخيكم المقصر جود واي من نشره اخبار الثالثه

دمتم في رعايه الله

والسلام عليكم ورحمه الله وبركاته

موضوع جميل
شكراااااااااااااااا

جزاكم الله خيرا

انا مع ختاااااااااان الاناث لانه شئ ضرورى واللى عايز يزعل منى يزعل

لا محدش هيزعل منك
علشان محدش يعرفك اصلا

ماشى يا حوده اعمل بئى ان انتى ماتعرفنيش براحتك

لا ياعم محمد
انت حبيبى
عمرى ما هزعل منك

» مبارك يطالب الحكومة بتأجيل الدراسة في حالة الإنتشار السريع لأنفلونزا الخنازير